"ဆော့.....ဝူ.....ဟျွန်း...... ဒီလိုလေး ရေးကြည့်ပါဦး ဟျွန်းလေး...."
အဖေ ဖြစ်သူက သူ့နာမည်ကို စာလုံးပေါင်း ရေးပြနေတာတောင် ပါးဖောင်းဖောင်းကစ်ကစ် လေးနဲ့ ကလေးလေးက ခေါင်းခါ ငြင်းဆန်နေသည်။
"ဝူဟျွန်း ကိုးရီးယား နာမည် မလိုချင်တော့ဘူး....ဖေဖေ.."
"ကျောင်းက သူ့သူငယ်ချင်း နာမည်က ဂျေး တဲ့ အဲ့ဒီလို မျိုးသူလည်း လိုချင်တယ်တဲ့ ယောကျာ်းရယ် ရှင့်သားကတော့ မလွယ်ဘူး.."
ကလေး ပိစိစကားကြောင့် အမေ ဖြစ်သူက သစ်သီးစိတ်ထားသည့် ပန်းကန်လေးကို သူတို့သားအဖ နားလာချပြီး ပြောတော့ သူ့ အဖေ ကရယ်လိုက်သည်။
"အင်း... အဖေ့သား လေး က အင်္ဂလိပ်လို နာမည်လိုချင်နေတာလား..."
ကလေးလေးက ခေါင်းကို ထပ်ကာ ထပ်ကာ ညိမ့်ပြတော့ အဖေဖြစ်သူက ရယ်လိုက်ပြီး နာမည်ပေးရန်တစ်ခုခုကို စဉ်းစားနေသည်။
"မက်သရူး... ဆော့ မက်သရူး...အဲ့ဒါဆို ဘယ်လိုလဲ.."
ကလေးပေါက်စကတော့ အင်္ဂလိပ်လို နာမည်ရ ပြီးရော သဘောနဲ့ ခေါင်းကို အဆက်မပြတ်ငြိမ့်ကာ သူ့အဖေပေးတဲ့ နာမည်အသစ်ကို လက်ခံကြောင်းပြနေသည်။
"မက်သရူး ဆိုတာ ဘုရားက ပေးတဲ့ လက်ဆောင် လို့ အဓိပ္ပာယ်ရတယ် ဝူဟျွန်းလေးက ဖေဖေနဲ့မေမေ အတွက် ဘုရားပေးတဲ့ လက်ဆောင်လေးပဲလေ အဲ့ဒါကြောင့် မက်သရူး ဆိုတဲ့နာမည်လေးကို သားသုံးတဲ့အချိန်တိုင်း အဖေ့တို့ ဝူဟျွန်းလေးက ကံကောင်းခြင်းတွေ ယူဆောင်ပေးမယ့် ကြယ်လေးတစ်ပွင့် ဖြစ်နေလိမ့်မယ်..."
ထိုနောက်ကြောင်းပြန် ပြကွက် အပြီးမှာတော့ မက်သရူး ဆောင်းဟန်ဘင် လက်ထဲက ဆွဲယူလာသည့် ID ကဒ်ကို သတိလက်လွတ် လွတ်ချလိုက်မိသည်။ အခု မှ ဇာတ်လမ်းက လွတ်နေသည့် အရာတွေကို လိုက်ဖြည့်ကာချိတ်ဆက်နေတယ်လို့ မက်သရူးခံစားလိုက်ရစဉ်မှာပဲ...
ကြည်လင်နေသည့် ကောင်းကင်က ချက်ခြင်းဆိုသလို အုံ့မှိုင်းလာပြီး မိုးပေါက်တွေက ကျောင်းခေါင်မိုးထပ်မှာရှိနေသည့် မက်သရူး ထံသို့ လာရောက်ကျီစယ်လို့နေပြီ။
YOU ARE READING
From The Other Side
Hayran KurguHanbin x Matthew binthew Fanfiction ဤ FanFiction သည် စာရေးသူ၏ စိတ်ကူးအတွေးသက်သက်သာဖြစ်သည်။မည်သူတစ်ဦးတစ်ယောက်ကိုမျှ ထိခိုက်လိုစိတ်မရှိပါ။ ( ၂.၅.၂၀၂၃ မှ ၅.၆.၂၀၂၃ )
