From The Other Side

Ep - 9

မက်သရူး Hoodie လိမ္မော်ရောင်နဲ့ ခဲရောင် ဘောင်းဘီ ကို ဝတ်ဆင်လိုက်ပြီး ဆံပင်တို့ကို လက်ဖြင့် ထိုးဖွကာ နဖူးရှေ့သို့ချ လိုက်သည်။

"ဟင်း ငါလည်း မီးစ တစ်ဖက် ရေမှုတ် တစ်ဖက် နဲ့ဆိုသလိုပဲ.."

Mask တပ်ရင်း မက်သရူး တို့ထုံးစံအတိုင်း ပွစိပွစိ ရေရွတ်ရင်း မက်သရူး ဖုန်းကို ပါဝါ ဖွင့်လိုက်သည်။

ဖုန်းဖွင့်လိုက်သည်နှင့် တတင် တင် တတောင် တောင် နဲ့ တက်လာသည့် message ၊ missed calls နဲ့ voice message များ။ ဗေဒင် မေးစရာမလိုပါ...။ ထိုအရာများသည် ...ဆောင်းဟန်ဘင်း ထံမှ ဖြစ်သည်။

"အားရှီး... ဒီလူကတော့ stalker လား...ဘာလား"

*မက်သရူး ရေ.. ဟျောင်း နဲ့ စကားပြောရအောင်... *

*ဟျောင်း... ဖုန်းတွေ ကိုင်ပါဦး*

*ဟျောင်း... မက်သရူး တို့ အခန်းကို သွားရှာသေးတယ်... မက်သရူး ကျောင်းမတတ်တာ နှစ်ရက် လောက်ရှိပြီတဲ့... အဆင်ပြေရဲ့လား... ဘာတွေဖြစ်နေတာလဲ... *

*ရဲစခန်း ကပြောတယ်..ခွင့်လည်းတိုင်ထားတာမို့ ...ပျောက်ဆုံးထဲ ထည့်မရသေးဘူးတဲ့... ခွင့်ရက်စေ့တဲ့အထိ စောင့်ကြည့်ဖို့ ပြောလိုက်တယ်...ကိုယ် တကယ် ရူး ချင်နေပြီ...ဆော့မက်သရူး...ဖုန်းကိုင်စမ်းပါ*

မက်ဆေ့ချ် တစ်ခုချင်း သေချာဖတ်ရင်း မက်သရူး တဖြည်းဖြည်း ပြုံးသထက် ပြုံးလာမိသည်။ ကိုယ့်ကိုကိုယ် သတိထားမိတဲ့အခါ ပြုံးရလွန်းလို့ ပါးတွေတောင် ညောင်းနေပြီလေ။ အဲ့ဒီတော့ မှ 'သဘောကျနေလို့ မဖြစ်ဘူး' ဆိုပြီး ကိုယ့်ကိုကိုယ် သတိပေးကာ ခေါင်းကို ခပ်ကြမ်းကြမ်း ခါရမ်းလိုက်ရသည်။

သို့ပေမဲ့လည်း အပမိသွားသည့်သူလို ခုနက မက်ဆေ့ချ်တွေကို ပြန်စဉ်းစားမိလာပြီး ခေါင်းလေးစောင်းကာ ကြည်ကြည်နူးနူး ပြန်ပြုံးနေမိပြန်သည်။

"ဟင်း...သတိထားစမ်း...ဆော့မက်သရူး... "

ကိုယ့်ဘာသာ သတိပြန်ပေးရင်း အသံမက်ဆေ့ချ် တွေကို ဖွင့် ဖို့ ကြိုးစားရတော့သည်။

"^ဟျောင်း မှာ လောဘ မရှိတာ မက်သရူး အသိဆုံးပါ...ဟျောင်း သာ mask အောက်က ဆော့မက်သရူး ပုံစံ ကို သိချင်ခဲ့ရင် ဟျောင်း ဒီနေ့အထိ စောင့်နေပါ့လား... အဲ့ဒါကြောင့် ကိုယ့် ဖုန်း ကိုင်ပါ^"