سينصرني ولو بعد حين🙂

🌹البارت الثالث🌹

رواية /سينصرني ولو بعد حين.
بقلم/الحِـبر الأسود.
الفصل الثالث......

فاطمه:  أنا آسفه مقصدتش.
أسماء: لأ عادي يا حبيبتي أهم حاجة انتي كويسة.
اتنهدت فاطمه بحزن.. أيوه كويسة.
أسماء: طيب الحمدلله دايما يارب.
فاطمة: ممكن أسألك سؤال.
أسماء: اتفضلي.
فاطمة: هوا الخمار ده مش مدايقك يعني مش بتحسي انك حرانه أو كده.
أسماء: أولا الخمار مش بيدايقني خاالص بالعكس مريح جداً وبيحسسك انك مبسوطه ومرتاحه لمجرد ان مش اي حد يبص عليكي.. ثانيا بقا وده الأهم النقاب مش حر وبإفتراض انه حر فربنا سبحانه وتعالي قال "قل نار جهنم أشد حرا"..
فاطمة: بس الخمار مش فرض.
أسماء: لأ طبعاً يا حبيبتى الخمار فرض بس هوا فرض على ثلاثه بس.
فاطمه: مين هما.
أسماء:" يائيها النبي قل لأزوجك وبناتك ونساء المؤمنين يدنين عليهن من جلابيبهن " يعني الخمار فرض علي ثلاثه وهما أزواج النبي ﷺ وبناته ونساء المؤمنين وأنا أحسب نفسي من نساء المؤمنين... غير كده ربنا بيقول في سوره النور اللي أولها سوره أنزلناها وفرضاها يعني أي حكم في السوره فرض بيقول فيها "وليضربن بخمرهن علي جيوبهن".
فاطمة: شكرا بجد كلامك جميل.
أسماء: العفو أنا واجب عليا النصيحه.
فاطمة: طب ممكن آخد رقمك أنا معنديش صحاب.
أسماء: ده شرف ليا يا برنس.
فاطمة وبتضحك لأول مره من وقت وفاه عمها: برنس 😂😂
أسماء: نهار أبيض دا أنا إتأخرت علي ماما ست الحبايب هتشعلقنييي 😂😂
فاطمة: دي هتظبطك بالشبشب أبو وردة.
أسماء: أوباا ما انتي بتهزري اهو.
فاطمه: ايوه بهزر.
أسماء: طب بصي بقا خدي رقمي عشان عاوزه اتكلم معاكي .
فاطمه: يلا شاااو.
أسماء: قولي السلام عليكم ورحمة الله وبركاته.
فاطمة: السلام عليكم ورحمة الله وبركاته 
أسماء: وعليكم السلام ورحمة الله وبركاته.
فاطمة روحت علي غير العاده وهي مبتسمه ومبسوطه...
هاجر: مالك ياختي منشكحه كده ليه.
فاطمة بصتلها باستغراب وطلعت بسرعه.
هاجر: مالها دي.
فاطمة طلعت بسرعه وكلمت أسماء واتس  .....
فاطمة: إزيك يا أسماء عامله اية.
بعد شويه أسماء ردت.
أسماء: الحمدلله بخير انتي فاطمة صح.
فاطمة: ايوه انتي بقا كنتي عاوزه تكلميني في ايه.
أسماء: بصي يا فاطمة وأنا بكلمك لاحظت الحزن في عينك حسيت ان في دمعه عاوزه تنزل وانتي مش سامحه ليها.
فاطمة قرئت الكلام وقعدت تعيط لإنها فعلاً جواها حزن مش قادره عليه... أسماء رنت عليها مكالمه..
فاطمة: السلام عليكم ورحمة الله وبركاته 
أسماء: فاطمة انتي كنتي معيطه.
فاطمة: أيوه خطفت عيوطه صغيره كده بس أنا كويسه 🙂
أسماء: بصي أنا مش هغصب عليكي بس لو عاوزة تحكيلي حاجه أنا موجوده.
فاطمة: مش عارفه أبدأ منين  والله.
أسماء: قولي كل اللي جواكي. ي ب
فاطمة وحكتلها كل حاجه من وفاه عمها...
أسماء: معقول انتي مريتي بده كله بس إصبري لإن ده أكيد ابتلاء وبعد الصبر فرج وبعد العسر يسر وبنا بيقول "واستعينو بالصبر والصلاة" إنتي بتصلي يا فاطمه.
فاطمه بأسف: للأسف انا عمرى ما صليت ولا أعرف حاجه عن الصلاة أنا بسمع عنها كدة.
أسماء: ده ربنا بيقول ومن أعرض عن ذكرى فإن له معيشه ضنكى على فكره ممكن يكون بعدك عن ربنا هوا السبب فى كل اللى انتي فيه لإن ممكن تكون الحياه صعبه بس انتى مبسوطه ومطمئنه رغم الضغوطات وممكن تكون الحياه حلوه بس انتى مش حاسه بطعم ليها.
فاطمه: إنتي كلامك جميل اوى بجد انا مبسوطه اوى انى اتعرفت عليكى.
أسماء: أنا ليا الشرف.. ممكن أطلب منك طلب يا فاطمه بس بالله عليكي مترفضيش.
فاطمه: عيوني اللي انتي عاوزاه.
أسماء: ممكن تقومي تصلي المغرب مش هتخسري حاجه ومتخافيش أنا هقولك ازاي تتوضي وتصلي.

وفعلا أسماء وصفتلها ازاي تتوضى وتصلي،.. قامت فاطمه وهيا في قمه سعادتها إتوضت وكبرت بعدين قرئت الفاتحة والإخلاص اللي حفظتهم من أسماء وبعدين ركعت وسجدت وأثناء السجود كانت حاسة براحه عجيبه محستش بيها قبل كده.
فاطمة: يا رب انا كنت بعيدة عنك بس اوعدك يا رب اني من انهارده هصلي الفروض كلها أنا بحبك اوى يا رب.. يا رب خذ بحقي من كل من ظلموني رب إني مغلوبة فانتصر........ "
في اليوم ده صلت فاطمة المغرب والعشاء وقعدت تصلي قيام طول الليل وطبعا كانت بتصلي بالإخلاص والفاتحه بس لإنها مش حافظه غيرهم بس كانت مبسوطه جدا ومرتاحه وعزمت علي انها هتحفظ سور اكتر من القرآن علشان تقدر تصلي بيهم....

في اليوم التالي....
عند إسلام
إسلام: أنا رايح المقابله ادعيلي يا أمي.
الأم: مع السلامه يابني بدعيلك والله.
إسلام راح المقابله وكان في شباب كتير منهم واحد اسمه يوسف، إسلام قعد مع يوسف لحد ما جه دور يوسف وقعد جوا حوالي 5 دقايق وبعدين طلع علطول...
إسلام: عملت ايه يا شبح طمني.
يوسف: اتقبلت طبعا هوا أنا أي حد.
إسلام: يا واد يا واثق انتا.
يوسف: ايوه طبعا ادخل انتا عشان دورك جه.
إسلام دخل وانبهر من المكتب وتصميمه.. 
إسلام: السلام عليكم ورحمة الله وبركاته.
فارس: وعليكم السلام كلمني عن نفسك.
إسلام: أنا إسلام عندي 28 سنه اتخرجت السنه اللي فاتت ودرست سنتين في امريكا واتفضل ده السيدي بتاعي.
فارس: وااو السي دي بتاعك تححفه.
إسلام: بس ان حضرتك تقول اللهم بارك أحسن لإن النبيﷺ قال من رأي من أخيه شيئا أعجبه فاليبرك.
فارس: تمام.. حضرتك مقبول في الشركه وتقدر تنزل من بكره علشان هتكون السكرتير بتاعي.
إسلام: تمام يا فندم.
فارس: تقدر تتفضل دلوقتي وتعالي بكره بدري عشان أهم حاجة المواعيد.
إسلام: تمام السلام عليكم ورحمة الله وبركاته.
فارس: وعليكم السلام.
إسلام بإبتسامة: ممكن أطلب من حضرتك طلب.
فارس: من أولها كده طلبات قول.
إسلام: ممكن تقول وعليكم السلام ورحمة الله وبركاته كامله عشان متضيعش الحسنات.
فارس بإبتسامة: حاضر يلا السلام عليكم ورحمة الله وبركاته.
إسلام بسعاده: وعليكم السلام ورحمة الله وبركاته.
غادر إسلام بسعاده واتجه لمنزل خديجة....
خديجة: مييييين لحظه واحده مين اللي بيخبط كده يكونش وزير الداخلية ولا حاجه.
إسلام: يا بنتي افتحي وانتي ساكته.
خديجةضربته بخفه...
إسلام: آآه يا عيني عليك يا إسلام يابني طول عمرك غلبان.
خديجة: يا عم ادخل بقا وانتا ساكت عاوزه آكل الله.
إسلام: همك علي بطنك.
خديجة: عارفة.
إسلام: طب مش هتباركيلي اتقبلت في الشغل.
خديجة: مبروك يا عم يلا ادخل بقا عشان عاوزه آكللل جعااانه يا ناااس.
إسلام: يلا فين مريم.
مريم: أنا هنا بس مستنباكم تخلصو كلام.
إسلام: مريم أختي العاقله اللي هتقوم تطبخلنا.
مريم: أطبخ لمين يا اللي طبخ النهار علي نفوخك ونفوخها في ساعه واحده.
إسلام: يا بنتي قولتلك كتير مينفعش تقولي الكلام ده.
مريم: والله بحاول بس اعمل ايه 😂.
ــــــــــــــــــــــــــــــــــــــــــــــــ
عند فاطمة...
كانت بتكلم أسماء على الواتس...
أسماء: تعالى معانا درس أبله هند جميل جداً.
فاطمة: مين أبله هند دى.
أسماء: دى واحدة صاحبتنا عندها 30 سنة بس هيا اكبر مننا وبتدي دروس علطول فى الدار.
فاطمة: هوا اية الدار ده.
أسماء: مكان كده بنحفظ فيه قرآن وبيكون فيه بنات كتير وأبله هند بتدي درس يوم الاتنين والخميس فـ ممكن تيجي انهارده.
فاطمة بحزن: للأسف........

"يا ترى فاطمه زعلت ليييه؟
وإسلام ناوي علي ايه مع فارس؟
وعمار هيسكت ولا بيخطط لمصيبه؟
مل ده وأكتر نعرفه البارت الجاي ويا ريت تقولولي رأيكم في البارت ده *

بقلم/القط الأسود.

يتبع......