سينصرني ولو بعد حين🙂

🌹البارت السادس🌹

رواية/سينصرني ولو بعد حين.
بقلم/الحِـبر الأسود.
الفصل السادس.....

في صباح يوم جديد....
عمار كان سهران في أحد الملاهي الليليه يرتكب كل ما حرمه الله...
عمار: للأسف يا روحي هضطر أمشي.
هايدي: شاو يا بيبي هتوحشني.
عمار بخبث: وإنتي أكتر.
مشي عمار وهوا بيقول في نفسه: أنا لازم اقنعهم بأي طريقة نمضي العقد في فلتي وقتها هقدر أدمر فارس هههه.
دخل عمار الفله بسعاده واستقبلته ام حسام الشغاله....
عمار: بقولك ايه عاوز انهارده الفله تلمع وتجهزو اك....
اييييييه ده الفله غرقانه كده ليه.
ام حسام: والله يا بيه خدامتك مها نسيت الخرطوم شغال بعد ما نضفت.
عمار: فيييين دي ناديهاا.
مها: نعم يا بيه والله ماكنش قص...
عمار جابها من شعرها وقال: اخرجي بره مش عاوز اشوفك تاني خاالص يلا أمشي.
وقفه صوت بنت جميله يبدو علي ملامحها الحزن والهدوء....
رنا: إستني يا مها متمشيش.
عمار: رنا انتي بتعصي كلمتي.
رنا: البنت قالت مش واخده بالها وبعدين تقدر تقولي لو مشيتها هتستفيد ايه؟
عمار: ملكيش دعوة انتي متدخليش أنا لو عاوز اقتلها هقتلها.
رنا بهدوء: طبيعي تقول كده واحد بيسهر في الكباري وبيرجع وش الفجر هستنا منه اييه.
عمار: وايه تاني يا ستنا الشريفه إوعي تنسي يا سكر انك هربتي من أهلك ومتجوزاني عرفي هه.
رنا  اتعصبت وعينها بتحمر لدرجه ان عمار خاف منها..
رنا: أنا قلت مها هتفضل هنا.. تعالي يا رنا ورايا فوق.
عمار: لولا اني مش فاضي كنت وريتك.
رنا: أعلي ما في خيلك اركبه.
وطلعت رنا وسابت عمار بيتوعد لها....
تعالو أعرفكم علي رنا
بنت جمييله أووي عندها 28 سنه هاديه جدا لكنها لما بتغضب بتتحول وبتكون مغيبه نهائيا وعمار بيخاف منها لإن معاها كل جرايمه وممكن تبلغ عنه.. هربت من أهلها وقابلت عمار واتجوزته عرفي وهنعرف السبب اثناء الرواية...
بعد ما عمار مشي....
مها: شكرا يا ست هانم مش عارفه أشكرك ازااي.
رنا: متشكرنيش يا مها انتو هنا كلكم اخواتي واي واحده تقع في مشكله تقولي.
مها: ربناا يخليكي لينا.
عند عمار.... اتصل علي والدته منى...
عمار: الو يا ماما انتي فين.
مني: أنا عند مرات عمك ليلي.
عمار لمعت فباله فكره....
عمار: طب ممكن اعزم صحابي في الشركه ونمضي العقود عندهم.
قالت ليلي اللي كانت سامعه الفون: طبعاً تنور البيت بيتك.
عمار: تسلمي يا عمتي.

..
ليلي: فاااااطمه.
فاطمة: نعم.
ليلي: في ضيوف جايين انهارده عاوزاكي تعملي كل الأصناف.
فاطمة: بس انهارده الخميس وأنا هروح ال...
ليلي: مفيش كلام مش هتروحي انهارده امال مين هيخدم الضيوف انا مثلا.
فاطمة عيطت بشده لإن الدار هوا مكانها المفضل.
هاجر: ما تبطلي عياط يا بت انتي ويلا علي المطبخ..
فاطمة بعياط: محدش ليه دعوه بيا انا هروح.
ليلي وبتضربها بالقلم: وأنا قلت مش هتروحي ولو ما جريتيش علي المطبخ مش هتروحي تاني خاالص.
فاطمة وهيا حاسه بالقهر: حسبي الله ونعم الوكيل.
ــــــــــــــــــــــــــــــــــــــــــــــــ
عند فارس في الشركة...
فارس: يا مروان بقا روح مكتبك وبطل خفه دمك دي عشان مش ناقص عندي اجتماع مهم وعاوز أركز.
مروان: اجتماع ايه ده.
فارس: اجتماع مع عمار هيكون شريك ليا في المناقصه بتاعه الفندق.
مروان: بصراحه كده انا اصلا مش بطمن لعمار ده.
فارس: ده عمار ده طيب ومجتهد اووي في شغله.
مروان: والله انتا اللي طيب يابني.
فارس: ادخل.
إسلام: أنا خلصت الملف يا مستر فارس.
فارس: جزاك الله خيراً هاته وأنا امضي عليه.
مروان: بقولك ايه يا واد يا إسلام انتا مربي اللحية دي ازاي.
اسلام: لقيتها مش متربيه فقولتلها والله لعلمك الأدب وربتها من جديد 😂😂😂
مروان: بجد بقا قولي.
فارس: طب والله تستاهل يا مروان.
إسلام: بص يا مروان اعفاء اللحيه سنه عن النبي ﷺ ويأثم من قصها فأنا سبت لحيتي وهيا طلعت كده 😂.
مروان: الله أنا عاوز واحده زيها.
فارس: نجبهالك من السوبر ماركت يعني.
مروان: رخم علي فكره.
الباب خبط،،، فارس: ادخل.
عمار: بقولك ايه يا فارس أنا عاوز نمضي العقد في بيتي وكمان عشان نقعد مع بعض احنا من ثانوي متكلمناش.
فارس: تمام على الساعة 3 كده نروح على بيتك.
عمار بخبث: تمام هروح انا اتابع الشغل.
ــــــــــــــــــــــــــــــــــــــــــــــــ
عند فاطمة......
كلمت البنات علي الإنستا وقالتلهم انها مش رايحه.
خديجة: ليه بس مش هتروحي.
فاطمة: في ضيوف جايين انهارده وانا لازم احضر الأكل وأستقبلهم.
خديجة: بس يا فاطمة متعيطيش احنا هنفتح المكالمه اثناء الدرس وانتي اسمعينا كإنك معانا.
فاطمة: بجد انا مبسوطه اوى.
خديجة: مفيش حاجه تحتاج زعلك دموعك غالية يا بت.
فاطمة بسعاده: معاكي حق.
خديجة: مين هيتكلم انهارده.
أسماء: الدور علي روان بس قبل ما تقولي يا نجلاء كنت عاوزه أعرفك بمريم أخت خديجة...
مريم: ازيك عامله ايه وحشتيني جدا جدا جدا.
فاطمة باستغراب: بس انا معرفكيش أصلا.
مريم: ماحنا من انهارده إصحاب المهم كنت عاوزه احكيلك علي خديجة في مره....
أسماء: يا بت اهمدي شويه هوا انتي وأختك ايييه واحده دمها يلطش وواحده بالعه راديو من غير زرار.
مريم: آآآه يا ديجا يا حبيبتي مظلومين😂😂 احنا والدنيا جايه علينا 😂😂وشيلنا الهم بدري😂 و...
خديجة: إستني أنا أكمل ومطلقين وبنجري علي يتامى 😂😂😂😂
فاطمة: الله عليكو بجد ثنائي رائع.
أسماء: طب ممكن بقا نسمع البت روان اللي هتخلل كمان شويه.
روان: بصو هتكلم عن *ازاي ارجع لربنا؟!🥺💜*

*_اول حاجة هتصلي ركعتين توبة وتبدأي مع ربنا وتقولي لربنا انا رجعتلك تاني اقبلني(اللهم اني اسألك بكل اسم هو لك ان تردني اليك ردا جميلاً) باب التوبة مفتوح دايما مبيتقفلش خالص ..💜*
*مش هتلاقي راحة الا اما تنتظمي ف الصلاة ، دي تاني ركن ف اركان الاسلام واول حاجة بنتسأل عنها لازم تصليها ف ميعادها متأخريش"فويل للمصلين الذين هم عن صلاتهم ساهون"*
*الصلاة تنهي عن الفحشاء والمنكر انا مؤمنة جدا بكدا انه طالما بتصلي هتبعدي واحدة واحدة عن اي حاجة بتغضب ربنا*
*اول ماتسمعي الآذان قومي اتوضي وصلي ع طول وسيبي اللي ف ايدگ(لا يبارك الله في عمل ينهي عن الصلاة) وربنا يثبتنا جميعا ..💜*
*صلي نوافل ومازال عبدي يتقرب اليا بالنوافل*
*صلاة الضحي صلاة الاوابين اقلها ركعتين وهتتكتبي من الاوابين اللي هما كثيرين الرجوع الي الله ..💜*
*اعملي ورد قرآن ثابت وحطي دايما ف بالك اللي بيفضل اكتر من 3 ايام مبيقرأش قرآن بيكون هاجر للقرآن*
*خلي لسانك دايما رطب بذكر الله والاستغفار*
*واهم حاجة يكون عندك صحبة صالحة  تعينك ع الطاعة وابعدي عن اي حد مش هياخد ب ايدك للجنة 💜*
*احنا بشر ومش معصومين كلنا بنعمل ذنوب بس ان الحسنات يذهبن السيئات  يعني اول ماتعملي ذنب اعملي طاعة بعده ع طول ..💜*
*وخلي دول ثابتين ف سجودك*
*اللهم إنا نسألك  حسن الخاتمة ..💜*
*اللهم  ارزقنا توبه نصوحة قبل الموت ..💜*
*اللهم يامقلب القلوب ثبت قلوبنا على دينك ..💜*
(روان اتكلمت في الموضوع ده عشان فاطمة)
ــــــــــــــــــــــــــــــــــــــــــــــــ
عند فارس الظهر أذن وهوا كان مستني إسلام يدخل عليه بسجاده الصلاة وفجأه دخل إسلام من غير سجاده الصلاة...
فارس: ايه ده هوا احنا مش هنصلي.؟؟!
إسلام: لأ أنا قررت......

.....
"ياتري إسلام قرر ايييه؟
وعمار ليه مصمم العقد يتمضي في البيت؟
واييه السر اللي ورا رنا؟!؟
وليه قبلت تتجوز عمار عرفي؟!!
وهايدي ناويه لعمار علي اييييييه!
كل ده وأكتر نعرفه البارتات الجايه بإذن الله ♥
واكتبو رأيكم في البارت ده....

بقلم/القط الأسود.

يتبع......