سينصرني ولو بعد حين🙂

🌹البارت الرابع 🌹

رواية /سينصرني ولو بعد حين.
بقلم /الحِـبر الأسود.
الفصل الرابع.....

فاطمة: مش هعرف يا أسماء.
أسماء: ليه بس.
فاطمة: أولا أنا معنديش هدوم محترمه أروح بيها خالص ثانيا مرات عمي وبنتها مستحيل يسيبوني أروح.
أسماء: بصي لو علي موضوع اللبس فأنا هجيبلك جيب عندي ومعاهم طرح بس توعديني انك هتلبسي الحجاب.
فاطمة: أكيد.. طب ومرات عمي وبنتها أعمل فيهم ايه.
أسماء: مش إنتي قولتيلي انهم عاوزين يخلصو منك بأي طريقه.
فاطمة: أيوه بس ده ايه علاقته.
أسماء: بصي انتي هتقوليلهم انك هتريحيهم منك يوم الإثنين والخميس لمده3 ساعات.
فاطمة: تفتكري هيوافقو.
أسماء: جربي انتي مش خسرانه حاجه.
فاطمة: تمام أنا هروح اقولهم دلوقتي.
أسماء: لو وافقو إتصلي عليا وأنا هجيلك بالجيب والطرح.
فاطمة: أنا مش عارفه أقولك ايه والله انتي أجمل حد اتعرفت عليه.
أسماء: انتي أجمل يا روحي.

فاطمة طلعت بكل حماس تقولهم...
فاطمة: طنط ليلي هوا ممكن أقلك حاجه.
ليلي: قولي يا ختي مبقاش غير الخدامه اللي بتتكلم معايا.
فاطمه قالت في نفسها ولأول مره ربناا يسامحك.
فاطمة: مش إنتو عايزني أمشي وأسيبلكم البيت بأي طريقه.
ليلي: أيوه طبعا.
فاطمة: أنا حسيت انكم متضايقين مني فقررت اني هسيب البيت كل يوم إثنين وخميس3 ساعات.
هاجر: ده الاحساس ده نعمه كويس انك طلعتي بتحسي علي دمك وهتسبينا حتي لو 3 ساعات.
فاطمة: شكرا يا هاجر.
ليلي: بس انتي مش هتمشي قبل ماتنضفي أوضتي وكمان المطبخ وسلم الفله.
فاطمة: طبعا هعمل ده كله.
وبدأت تنضف لحد ما خلصت وكانت مرهقه علي الآخر.. اتصلت علي أسماء وقالت لها تيجي تاخدها بسررعه وتجيب معاها الجيبه....
أسماء: أخيرا وصلت الله دي كلها فله.
فاطمة: إزيك يا أسماء عامله اية.
أسماء: الحمدلله كويسه.. أنا مش مصدقه ان دي فلتكم.
فاطمة: مش وقت تصديق احنا كده هنتأخر.
أسماء: طب هتلبسي فين.
فاطمة: مرات عمي مستحيل تخليني أطلعك معايا.
أسماء: طب هنعمل ايه.
فاطمة: في أوضه صغيره هنا هلبس فيها.
أسماء: طب يلا
دخلو الأوضه اللي كانت قديمه جدا....
فاطمة: سامحيني يا أسماء الأوضه مش قد المقام.
أسماء: لأ طبعاً متقوليش كده.
فاطمه لبست جيبه كحلي وبلوزه نبيتي علي طرحه نبيتي وكانت قمررر.
أسماء: ما شاء الله إنتي قمر كده ازاى.
فاطمة: يا بنتي بتكثف😂😂
أسماء: يا خرااشي
فاطمة: يلا نروح عشان هنتأخر.
أسماء : يلا بسرعه أنا المفروض درسي قبل أبله هند.
فاطمة: ايه ده انتي بتدي درس.
أسماء: طبعاً يا بنتي انتي معاكي بلا فخر المعلمه الرائعه العظيمه أسماء تعرفي ايه اهم حاجه فيا التواضع مقولكيش😂😂
فاطمة: واضح فعلاً 😂
وصلو الدار وكانت عباره عن مبني صغير مكون من 3 طوابق طلعو الطابق الأول وكان الجميع يحدق بـ فاطمة حيث أنها جديدة بينهم.
أسماء بصوت مرتفع: أعرفكم يا جماعه فاطمة صديقتي ورفيقتنا الجديده.
خديجة: أوبااا قمرر أوي يا بت اللهم بارك.
فاطمة بخجل: شكرا.
أسماء: بصي يا فاطمة خديجة دي أكتر واحده مجنونه في الدار.
فاطمة: بالعكس دي دمها خفيف وقمرر.
خديجة: حبيبتي والله انتي الوحيدة اللي ناصفاني.
هند: أهلا بيكي يا فاطمة في الدار نورتي.
فاطمة: ده نورك.
روان: أهلا بالضيفه الجديده.
أسماء: رواان جيتي إمتى.
روان: لسه راجعه من السفر إمبارح.
أسماء: أهلا نورتي دارك من تاني.
اتعرفو كلهم علي بعض وبعدين أسماء قطعت وصله التعارف دي....
أسماء: بقولكم ايييه انهارده الدو عليا وأنا اللي هقول الدرس يعني اسكتووو بقا عشان افكاري متطيرش.
خديجة: إقطعي جناحاتها😂😂
أسماء: يا بنتي ايه الظرافه دي.
خديجة: زرافه ولا فييل كررركركر😂😂
روان: هتفضلي زي ما انتي يا خديجة.
فاطمة: بقولك ايه يا خديجة هوا أنا ينفع أناديكي ديجا.
خديجة: ناديني زي ما انتي عاوزه كل الألقاب متاحه يا معلم.
فاطمة: اشطه يا برنس.
روان: بنااااااات يلا بقا إسمعو أسماء.
أسماء يلا هنبدأ الدرس بصو أنا فكرت كتير أتكلم عن ايه وأخيرا قررت أتكلم عن الحجاب.... لازم تلبسو الحجاب لإنه فرض في بنات كل ما نقولها تقول بكره طب ايه ضمنها انها تعيش لبكره؟؟!
البنت اللي ماتت بالمكياج وهي بتعدي الطريق مكنتش عارفه انها هتموت🙂💔