سينصرني ولو بعد حين🙂

🌹الفصل الرابع عشر🌹

رواية /سينصرني ولو بعد حين.
بقلم /الحِـبر الأسود.
الفصل الرابع عشر......

عند رنا كانت واقفه قدام المرايه بتتأمل النقاب وجماله....
رنا: أنا مبسوطه أووووي بالنقاب بجد شكلي قمررر يلا بقا ألحق أروح الشركه قبل ما أتطرد🤣🤣.
......
دخلت رنا إلي الشركه وراودها شعور غريب لا تعرف ما هو....
رنا: اييه الراحه العجيبه دي أنا حاسه إن المكان ده وراه سر.
سألت رنا عن مكتب مدير الشركه ودخلت....
رنا: السلام عليكم ورحمة الله وبركاته.
فارس وإسلام: وعليكم السلام ورحمة الله وبركاته.
فارس: إتفضلي وإقفلي الباب.
رنا: مش هينفع.
فارس: وليه بقا إن شاء الله.
رنا: لإن دي كده هتبقى خلوه فـ يا ريت نسيب الباب مفتوح كده هكون مرتاحه أكتر.
إسلام بإعجاب واضح: فعلاً كلامها صح يا فارس.
فارس: إسم حضرتك ايه.
رنا: أنا رنا حازم جايه أقدم علي وظيفه إستقبال وأعتقد مدام فاطمة كلمت حضرتك عني.
فارس: أيوه تمام تقدري تستلمي شغل من دلوقتي.
رنا: مفيش مشكله يا فندم.
........
خرجت رنا من المكتب.....
فارس: إسلام هوا حمزه سمّع الربع بتاعه انهارده.
إسلام: لأ لسه بس انا حاسس انه معندوش همه خصوصا انه لسه بادئ حفظ معانا.
فارس: طب بص روحله وحاول تخليه يسمّع.
إسلام: هوا في الرسيبشن صح.
فارس: أيوه.
إسلام: تمام أنا رايحله.
........
إسلام: أهلا بدنجوان عصره وزمانه.
حمزة:..................
إسلام: مالك يابني سرحان في ايه؟
حمزة: هه معرفش حاسس إن انهارده في حاجه هتحصل.
إسلام: خير إن شاءلله.
إسلام مكملش كلمته وفجأه جريت بنت علي حمزة وحضنته جاامد أووووي ومش راضيه تسيبو أما حمزة كان باصص لها بإستغراب..
إسلام بغضب: الله الله ويا تري بقا حضرتك جايه تشتغلي ولا جايه تشقطي عريس ده إيه قلة الأدب دي حقيقي بنات آخر زمن هما اللي بيحضنو الشباب  إكسفي علي دمك طيب حتي إحترمي النقاب اللي إنتي لابساه!!!
رنا: حاجه متخصش حضرتك...
وأكملت وهي تلمس وش حمزه بإيدها: إتغيرت أووووي بس لسه قمر زي ما إنتا.
إسلام: أجيب إتنين لمون عشان تكمل القعدة ايه ده بجد وإنتا يا حمزه ساكت كده ليه؟ أكيد من الصدمه يا عيني ماهو مفيش بنت تعمل اللي هيا عملته ده والإسم منتقبه طب والله إنتو عار علي النقاب.
رنا بنفاذ صبر: هوا إنتا عاوز ايه واحدة وأخوها إنتا عاوز مننا اييه وبعدين مش من حقك تقول الكلام اللي قولته ده ولولا إني محترمه كنت رديت عليك.
حمزة قال وقتها: ر ر رنا.
رنا: أيوه أنا رنا يا حمزة وحشتني أووووي أنا كنت ولا حاجه من غيرك.
حمزة: يااه يا رنا فاكره آخر مره كانت إمتى.
رنا: من 15 سنه أنا متوقعتش إننا ممكن نتقابل تاني 😭.
حمزة: بس إنتي إتغيرتي جامد وكمان لبستي النقاب أنا مش مصدق.
رنا :ده أول يوم ليا بالنقاب.
حمزة: ألف مبروك يا حبيبتي.
إسلام إنسحب من وسطهم بهدوء...
حمزة: تعرفي يا رنا أنا كنت علطول بدور عليكي لحد دلوقتي مش مصدق إنك قدامي.
رنا: إحكيلي إنتا عملت ايه في الـ 15 سنه دول .
حمزة: إحكيلي إنتي الأول.
رنا: لأ إنتا الأول.
حمزة: طب بصي يلا ناخد أجازه إحنا الإتنين انهارده ونروح نحكي براحتنا.
رنا: بس ده أول يوم ليا وبعدين هنروح فين.
حمزة: في شقتي طبعا وبعدين انتي عايشه فين.
رنا: مأجره أوضه صغيرة.
حمزة: من انهارده إنتي هتيجي شقتي.
رنا: تمام.
.........................
حمزة دخل مكتب فارس...
حمزة: إزيك يا أبو الفوارس عامل اية.
فارس: مش متعودين منك علي كده يابني.
حمزة: طب بقولك ايه انا جاى آخد أجازه أنا والآنسه رنا.
فارس: نعـم إنتا أول مره تاخد أجازه وبعدين ايه علاقتك بالآنسه رنا.
حمزة: رنا أختي.
فارس: إزاي بس مراتي قالتلي ان آنسه رنا عايشه لوحدها ومتعرفش حد في عيلتها.
حمزة: فعلاً الكلام ده صح أنا ورنا مشوفناش بعض من 15 سنه وسبحان الله إتقابلنا هنا.
فارس: ألف مبروك ربنا بحفظكو.
حمزة: تسلم يا باشا.
.........
حمزة خد رنا وركبها العربيه وفي الطريق...
حمزة: إستنيني لحظه هنزل أجيب حاجه.
نزل حمزه وبعدين جه....
حمزة: اتفضلي.
رنا: انتا لسه فاكر الحلويات اللي انا بحبها.
حمزة: هوا أنا أقدر أنسى إستني المفاجأة الكبيره في البيت.
أول ما وصلو البيت....
رنا: أوباا حلوه اووي الشقه دي تصميمها تححفه.
حمزة: عيب عليكي يا بنتي 🤣
رنا: فين بقا المفاجأة.
حمزة: تعالي معايا.
حمزه فتح أوضه وكانت كلها عباره عن صور رنا وهيا صغيره. ...
رنا: هيا جميله وكل حاجه بس إنتا متعرفش انها بتمنع دخول الملائكه لإن الرسول ﷺ بيقول إن الملائكه لا تدخل بيتا فيه كلبا أو صوره.. المفروض تطمس الصور دي.
حمزة: انتعاتغيرتي اووي فاكره زمان لما كنتي بتلبسي فساتين قصيره وتخرجي بشعرك.
رنا: الحمد لله ربنا هداني.
حمزة: صحيح أنا مشفتش وشك.
رنا: خايفه تتصدم أنا شكلي اتغير.
رنا رفعت النقاب قال حمزة: علفكره شكلك متغيرش خاالص أنا حاسس ان انتي زي آخر مره شوفتك فيها بجد كنتي بتوحشيني اووي.
رنا: ما كفايه يا بني دور العشق الممنوع ده 😂.
حمزة: دمك خفيف زي زمان.
رنا: طب بص بقي قوم هات أكل كتييير عشان أنا جعااانه تماسيح بطني بتصوت.
حمزة: عيله طفسه بصحيح.
رنا: قوم هات الأكل وانتا ساكت.
قعدو ياكلو ويحكو لحد بالليل........
نسيبهم ياكلو براحتهم ونروح لأسمااء.....
كانت في المستشفي ووشها شاحب وشعرها واقع وحواليها خديجه ومريم وروان وأهلها وبنات الدار.....
مريم: متقلقيش يا أسماء هتكوني كويسه.
أسماء: لو حصلي حاجه كملو الطريق وابقو سلمولي علي فاطمة.
روان: تفي من بقك ان شاء الله مش هيحصلك حاجه.
أسماء: حبيبتي يا روان إبقي خلي بالك من الدار انتي اللي هتمسكيه من بعدي وخدي بالك من نفسك.
خديجة: بس بقا يا أسماء الكلام ده انتي هتكوني كويسه بإذن الله وهترجعي معانا الدار وانتي بأحسن حال.
أسماء: خديجة تعرفي اني بحبك اوى.
خديجة: وانا كمان بحبك خليكي معايا عشان خاطري.
أسماء: كل نفس ذائقة الموت.. محدش بيموت ناقص عمر.
وفجأه صفر جهاز القلب ودخل الدكاتره وخرجو البنات وسط خوفهم وزعلهم علي صديقتهم ورفيقتهم وحبيبتهم أسمـــــــــــــاء...
خديجة: يااا رب قومها بالسلامه.
مريم: أكيد أسماء هتبقي كويسه.
روان بهيستريا: أسمااااء.
وفجأه يدخل جيش من الممرضين محاولين انقاذها ولكن الله قبض روحها.....
خرجت الدكتورة وجريو البنات عليها...
خديجة: أسماء كويسه صحح.
الدكتوره: الباقي في عمركم إدعولها.
مريم بصريخ: إنتي بتقولي ايييه انتي كدابه أسماء كويسه وسعي كده.
دخلت مريم غرفه أسماء ولقتها مبتسمه ابتسامه حقيقه....
مريم: اكيد انتي صاحيه يا أسماء.
وقعدت تهز فيها ولكن لا حياة لمن تنادي.
مريم: أسماااااااااااء مستحيل تسيبينا طب قومي عشان فاطمة قومي بالله عليكي وأنا هعملك كل اللي انتي عاوزاه قوميي.
الدكتوره: بعد اذن حضرتك اطلعي عشان نطلع تصريح الدفن.
مريم: دفن ايييييه أسماء عايشه انتي فاهمه.....
ــــــــــــــــــــــــــــــــــــــــــــــــ
عند فاطمه.......
كانت قاعدة مع جنات وفجأه رن فونها وكانت روان...
فاطمة: السلام عليكم ورحمة الله وبركاته.
روان: أسماااء ماتت ماتت يا فاطمة.
فاطمة:.......................
جنات: مالك يا فاطمة؟؟.

«يا ترى فاطمه حصلها ايييييه؟؟؟
وهل أسماء ماتت فعلاً؟!
وايه رد فعل البنات بعد دفن أسماء؟؟
هل فاطمة هترجع من أمريكا ولا لأ؟!
وهل رنا هتقول لحمزه علي موضوع عمار؟
واييه الخطه الجديده اللي بيدبرها عمار لفارس؟!
كل ده وأكتر نعرفه الفصول الجايه. ♡♡♡♡🖤♥.

واللي وصل معانا لآخر الفصل يعمل نجمه وتعليق حلو...
ويشرفني أعرف رأيكم... أشوفكم البارت الجاي ومع السلامه......

بقلم/القط الأسود.

يتبع...............