سينصرني ولو بعد حين🙂

🌹البارت السابع🌹

رواية /سينصرني ولو بعد حين.
بقلم/الحِـبر الأسود.
الفصل السابع...........

إسلام: لأ ماهو انهارده هنصلي في ساحة الشركه لإن في كام عامل هيصلو معانا.
فارس بإرتباك: في ساحة الشركه إزااي طب والناس هتقول ايه مكنش يعرف ربنا وفجأه بقا بيصلي.
إسلام بإبتسامة: طالما مش بتعمل حاجه غلط يبقي ملكش دعوه بكلام النااس.
فارس: وراك وأمري لله.
مروان دخل وقال: مش هتيجو بقا هنصلي من غيركم.
فارس بصدمه: مروان إنتا بتصلي.
مروان: ايوه بصلي ايه المشكله.
إسلام: أقدملكم يوسف اللي ساعد مروان يصلي.
فارس: دلوقتي فهمت إنتا ويوسف كنتو متفقين مع بعض عشان تخلو نصلي.
يوسف: اوووبا اتقفشنا.
إسلام: كلامك صح يا فارس أنا ويوسف خططنا عشان نساعدكم تصلو.
فارس: وأنا بشكركم جدا والله.
إسلام: مفيش شكر يلا نصلي.
راحو يصلو كلهم وبعدين طلعو يكملو شغلهم وفجأه دخل عمار مكتب فارس....
عمار: يلا مش هنمشي العربيه مستنيه تحت.
إسلام: هتروحو فين بس.
عمار: ملكش دعوه انتا.
إسلام بحزن:........................
فارس: لو سمحت متتكلمش مع إسلام كده إسلام السكرتير الخاص بيا ومن حقه يعرف كل حاجه.
عمار بغضب: رايحين بيتي عشان نمضي العقد.
فارس: ايه رأيك تيجي معانا.
إسلام بإستفزاز: امممم هفكر خلاص هاجي عشان خاطرك بس يا مستر فارس.
عمار: حيث كده بقا أنا هجيب يوسف كمان.
فارس: تمام مفيش مشكله.
اتجهو كلهم لبيت ليلى وهاجر....
فارس: هوا انتا جبت بيت جديد ولا ايه؟
عمار: لأ ده بيت عمي الله يرحمو.
فارس: طب يلا.
ودخلو كلهم قعدو يتكلمو في الورق....
فارس: لو الموضوع كده يبقى مش هنمضي انهارده.
عمار بإرتباك: لأ لازم نمضي دلوقتي.
فارس: ولازم ليه بقا.
عمار: عشان يعني منضيعش وقت وكده.
دخلت تقدم الشاي وعينها في الأرض كما نصحتها أسماء صديقتها.....
فاطمة: اتفضلو.
عمار بعصبيه: هوا انتي متعلمتيش الزوق مش المفروض تقدمي لكل واحد كوبايته ده ايه الأشكال اللي انتو مشغلينها عندكم دي وبعدين ايه القماشه المقرفه اللي انتي لابساهل.
فاطمة بزعيق: أولا كده أنا مش شغاله عندكم أنا بنت عمك وانتا عارف كده وكمان ليا نص الفله دي لولا انكم ظلمتوني...... وأكملت بعيااط حسبي الله ونعم الوكيل فيكم.. ثانيا بقا اللي مش عاجبك ده يبقى اسمه حجاب وأنا لابساه عشان أستر نفسي ومحدش ليه دخل بحاجه.
عمار بغضب وبيمسكها من طرحتها: الظاهر ان أهلك معرفوش يربوكي وأنا هعمل كده.. ابقي قابلينلي لو نزلتي الدار دي تاني
فارس وبيشد عمار من لياقه قميصه: مش عيب عليك تضرب بنت هيا دي الرجوله اتفضلي انتي يا آنسه.
فاطمة: أنا داخله.
إسلام: ينفع اللي عملته ده.
يوسف: هوا في راجل يعمل كده برضو.
فارس: أنا مش همضي معاك الصفقه لإني مقدرش أكون شريك مع واحد زيك.
ــــــــــــــــــــــــــــــــــــــــــــــــ
عند فاطمه......
دخلت أوضتها وقعدت تعيط....
مني: ايه اللي عملتيه ده يا....**
فاطمة: أنا مغلطش.
مني: لأ غلطتي وبسببك إبني مش هيمضي العقد.
فاطمة: هوا ال...
مني بحزم: هيا كلمه واحده هتطلعي تعتذري أدام الكل يا اما مش هتشوفي الدار دي تاني.
فاطمة بعياط: هتروحو من ربنا فين.
مني: ها قررتي يا ست الشيخه.
فاطمة بعياط: ايوه هتأسفله.
مني: ايوه كده شطوره.
طلعتلهم مني بره وفي ايدها فاطمة....
مني: طبعا انا آسفه علي اللي حصل إمسحوها فيا وكمان فاطمة كانت عاوزه تقولك حاجه قولي يا فاطمة.
فاطمة وبدأت تعيط: أ. أ أنننا آس....
فارس بغضب: إستنى يا آنسه انتي مغلطتيش عشان تعتذري قوليلي هما هددوكي بايه.
فاطمة بحزن: دار ال......
أول ما فاطمة قالت اسم الدار إسلام قال.....
إسلام: تعرفي بنت اسمها خديجة وأختها مريم؟
فاطمة: ايوه عارفاهم.
إسلام: أنا اخوهم.
فاطمة: أهلا وسهلا.
عمار: انتو جايين تتعرفو قولو كده.
فارس: إحنا فعلاً اتعرفنا وأنا طالب ايد الآنسه فاطمة.
مني بصدمه: نعـــــــــــــــــــم.
إسلام: في ايه فارس بيطلب ايدها علي سنه الله ورسوله.
فارس بمكر: إنتا هترفضلي طلب يا عمار.
عمار: لا طبعاً أنا موافق.
يوسف: طب شوفو رأي العروسه.
عمار: مش مهم العروسه هيا أصلا ملهاش رأي.
مني: انتي موافقه يا عروسه.
فاطمة وقتها حست بالخوف والقلق هيا مش عاوزه تفضل مع مرات عمها وبنتهم لإنهم بيعاملو أسوء معامله وفي نفس الوقت مش عاوزه تروح مع شخص هيا متعرفهوش.
فاطمة: م م موافقه.
فارس: تمام المأذون جاي في الطريق.
عمار: بالسرعه دي.
فارس: خير البر عاجله.
المأذون جه وكتب الكتاب وفاطمه محستش بنفسها غير لما المأذون قال بارك الله لكما وبارك عليكما وجمع بينكما في خير.
فارس: ممكن آخد مراتي ونمشي.
عمار بغيظ: طبعاً اتفضلو.
فارس ركب مع فاطمه العربيه وهيا مكنتش مصدقه كل اللى حصل ده.... وصلو الفله وفتحلها الباب...
فارس: إتفضلي.
فاطمة: شكرا.
فارس: بصي انتي زمانك دلوقتي تعبانه فـ هخليكي تطلعي تنامي فوق وبكره نتكلم.
فاطمة: تمام.
ــــــــــــــــــــــــــــــــــــــــــــــــ
عند رنا في بيت عمار.....
رنا كانت قاعده تعيط علي حالها
رنا: أنا تعبت أوي معرفش ايه هيحصل في الآخر أنا مش قادره أستحمل أنا لازم أنهى حياتي أنا عمري ما كنت سعيده لازم أنهى حياتي لازم وكانت لسه هتنط من الشباك دخلت عليها مها الشغاله....
مها: إنتي إزاي تعملي حاجة زي كده نسيتينا ده إنتي سندنا الوحيد في البيت ده ولا بلاش نسيتي ربناا تفتكري ربنا هيريحك لو نهيتي حياتك بايدك ده ربناا بيقول "ولا تقتلو أنفسكم إن الله كان بكم رحيما" إدخلي يا رنا إتوضي وصلي ركعتين إرجعي لربنا وهوا هيسعدك.
رنا: شكرا يا مها أنا كنت محتاجه الكلام ده اووي كنت محتاجه حد يفوقني.. فعلاً الإنتحار عمره ما كان حل أنا هروح أصلي.
دخلت رنا صلت وقالت في سجودها: ياارب إنتا عالم اني مكنتش عاوزه أعمل حاجة زي دي مكنتش عاوزة أتجوز عرفي بس الظروف أحيانا بتغلب الواحد ياارب سهل عليا وسامحني...
دعت كتيرر ببكاء وإرتاحت بعدين قررت تغير المود فنادت علي كل البنات اللي شغالين في القصر....
رنا: هلمووووو ايها القوم😂
البنات: نعم يا ست رنا.
رنا: يلا نلعب شويه.
البنات بفرحه: هنلعب ايه؟
رنا: اممم مش في دماغي حاجه.
واحده قالت: طب ايه رأيكم كل واحده تحكي قصتها.
مها الشغاله: فعلاً احنا محتاجين كلنا نفضفض شويه.
كلهم حكو حكايتهم اللي كانت حزينه وجه دور رنا....
رنا:أنا كنت عايشه مع بابا وماما وأخويا حمزه أسعد حياه لحد ما بقا عندي 9 سنين وماتت ماما وقتها بابا اتجوز واحده كانت بتكرهني أنا وأخويا وكانت بتعاملنا وحش وأول ما بابا ييجي تعاملنا حلو وفي يوم كان عندي 13 سنه وأخويا 17 سنه طردت أخويا من البيت وقالت لبابا ان أخويا هرب عشان بيحب واحده بابا مستحملش الصدمه ومات بعدها عشت معاها أسود أيام حياتي كانت بتصبحني بعلقه وبتمسيني بعلقه لحد ما في مره قابلت عمار وقالي انه هيخليني اهرب منها وفعلا هربت معاه بعدين أقنعني نتجوز عرفي واتجوزنا ولحد دلوقتي معرفش حاجه عن أخويا بجد واحشني اووي.
مها: أكيد هتلاقيه خليكي واثقه من ربنا بس لازم أول حاجه تعمليها تقطعي الورقه العرفي وتطلبي من عمار ده جواز علني والناس كلها تعرف بيه.
رنا: وتفتكري هيوافق.
مها: اعملي اللي عليكي ولو موافقش امشي وسيبي البيت.
رنا : طب وهروح فين.
البنات في صوت واحد: بيوتنا كلها مفتوحه ليكي.
رنا: متحرمش منكم بس جه الوقت أصلح فيه كل حاجه عملتها زمان.

"تفتكرو رنا هتعمل اييييه؟
وهل عمار هيسيبها في حالها؟
وفاطمه هتعمل اييه؟
وياتري فارس ناوي لها علي ايه؟
وايه السر ورا يوسف؟؟
استنوني البارت الجاي ويا ريت تقولولي رأيكم في البارت ده *

بقلم/القط الأسود.

يتبع....