[Zawgyi]
အခန်းက အစေခံတွေနေတဲ့အဆောင်ထက်စာရင်အတော်လေးကိုကြီးတယ်။ကုတင်တစ်လုံးရယ် အဝတ်ဗီရိုခပ်သေးသေးတစ်လုံးရယ်၊ စားပွဲပုလေးတစ်လုံးနဲ့ပန်းအိုးတစ်ခုပဲရှိတယ်။ဒီလောက်ကျယ်တဲ့အခန်းကြီးထဲမှာ လွတ်နေတဲ့နေရာတွေအများကြီးရှိတာမို့သူအံ့သြနေတယ်။ချမ်းသာတဲ့လူတွေက ဘာလို့များ အသုံးမပြုပဲနဲ့နေရာလွတ်တွေတအားဆောက်လုပ်ထားကြတာပါလိမ့်။မြေကြီးတွေ နှမြောစရာကြီး။
ဒေါက်....ဒေါက်....
တံခါးခေါက်သံကြားတော့ လှဲအိပ်နေရာကနေထပြီး သွားဖွင့်လိုက်တယ်။သူ့အခန်းရှေ့မှာ ရပ်နေတာက အငွေ့တစ်ထောင်းထောင်းထနေတဲ့ ဆန်ပြုတ်ပန်းကန်တစ်ချက်ကို လင်ဗန်းပေါ်တင်ကိုင်ထားရင်း မျက်ခုံးတွေတွန့်ချိုးနေတဲ့ အိမ်စေအမျိုးသမီးတစ်ယောက်ဖြစ်နေတယ်။
"သခင်ကြီးက ဒါကိုလာပို့ခိုင်းတာ...ကုန်အောင်စားပြီးဆေးသောက်တဲ့.."
"ဟုတ်ကဲ့..."
အမျိုးသမီးက သူ့လက်ထဲ ဗန်းကိုထိုးပေးပြီး သိပ်မကြည်လင်သောမျက်နှာနဲ့သူ့ကိုအထက်အောက်အဆုံအဆန်ကြည့်သွားသည်။
"ဖြူဖက်ဖြူရော်နဲ့...ဘာများခိုင်းစားလို့ရနိုင်မှာတဲ့လဲ.."
သူမကထိုသို့ပြောပြီး ထွက်သွားသည်။ဥဥက အခန်းတံခါးလေးအားပြန်ပိတ်လိုက်ပြီးနောက် ဗန်းကိုကိုင်ကာ စားပွဲခုံပုလေးဆီလျှောက်သွားလိုက်သည်။
ဂလွီ....ဂလွီ....
"ငါသိတယ်...ကျွေးမှာပါကွ.."
သူ့ဗိုက်လေးကိုပွတ်ပြီးရေရွတ်လိုက်၏။ညကတည်းက ဘာမှမစားရသေးသည်မို့ ဗိုက်ကအတော်လေးကိုဆာလှသည်။ဆန်ပြုတ်အား ခပ်မြန်မြန်အေးအောင်ဇွန်းဖြင့်မွှေကာ နှုတ်ခမ်းကလည်းလေဖြင့်တဖူးဖူးမှုတ်နေလေသည်။
အနံ့သင်းသင်းတို့က နှာဖျားစီ ရစ်သိုင်းလာတော့ သရေပင်ကျလာ၏။တစ်ဇွန်းလောက်ခပ်ကာ ခပ်မြန်မြန်ပင်မှုတ်သောက်လိုက်သည်။ချို မြိန်သည့်အရသာက လျှာထဲစွဲသွားတော့ သူ့မျက်ဝန်းတွေလင်းလဲ့သွား၏။ဆန်ပြုတ်၏အရသာအားမျက်လုံးမှိတ်ကာ ဇိမ်ခံသောက်နေသည်။
