Unicode
June 2012
" ကျောင်းလာရင် ထီးယူလာလို့ ပြောရဲ့သားနဲ့ မင်းဟာလေ နေ့တိုင်းပါကိုမလာဘူး ၊ မိုးတွင်းကို အိမ်ကထီးတွေအလှကြည့်နေတာမျိုး "
ဘေးကနေထီးဆောင်းပေးရင်း ပွစိပွစိပြောနေတဲ့ ကိုကိုစီနီယာကြောင့် စက်ဘီးကိုတွန်းလျက် ဂျောင်ဂုမျက်နှာပိုးမသတ်နိုင် ။
" မယူပါဘူး မနက်ဖြန်လည်းမယူဘူး သန်ဘက်ခါလည်းမယူဘူး အစ်ကို့ဆီမှာပဲ ထီးကပ်ဆောင်းမှာ "
" ပေးမဆောင်းပါဘူး ! "
" ငြိုငြင်တာလား အစ်ကိုက "
" မျက်နှာငယ်လေးနဲ့ လုပ်စားနေသိလား "
" အစ်ကိုတစ်ယောက်ထဲကိုပဲ စားမှာပါဗျာ "
" ဘာကြီး ! ပြန်ပြော "
" ခေါင်းစားမှာလို့ ခေါင်း ခေါင်း "
" ဂျောင်ဂုတို့က ခေါင်းပဲစားမှာ ကင်မ်ဆော့ဂျင်က ဂျွန်ဂျောင်ဂုကို ကျွတ်ကျွတ်မြည်အောင် အကောင်လိုက် ဝါးစားမှာ "
" စားစေဗျာ "
ရယ်သံတွေ ဝေနေကျ အိမ်ပြန်လမ်းကလေး မိုးရာသီဆိုတာ နှစ်ဦးသားရဲ့အကြိုက် ၊ တိတ်တိတ်ကလေးသိုဝှက်ထားတဲ့ အစ်ကို့အတွက် ကျွန်တော့်ခံစားချက်တွေ တစ်စတစ်စပေါ်လာခဲ့တဲ့အချိန်ဆိုလည်း မမှားဘူးပေါ့ ။
" စာလုပ်ပါဆို ဘာတွေငေးနေတာလဲ "
ဆူထွက်လာတဲ့ နှုတ်ခမ်းလေးနဲ့ အစ်ကိုအခန်းထဲကစာကြည့်စားပွဲမှာ စာကြိုးစားနေတဲ့သူကို ဘောပင်ချပြီးမေးထောက်ကြည့်နေမိတဲ့ကျွန်တော် ။
" အင်း လုပ်မယ် လုပ်မှာပါ "
" ဘာလဲ အစ်ကို့ရဲ့ ရူပါမှာ ကပ်ငြိသွားပြီး အားကျစိတ်တွေဝင်သွားလို့လား "
ကျွန်တော့်စိတ်ကို ရှင်းရှင်းလင်းလင်း အဓိပ္ပာယ်ဖွဲ့ပြပါဆိုရင်တော့ အားကျစိတ်ထက် ချစ်စိတ်တွေဝင်နေတာပါပဲ ။
" အင်း အားကျတယ် "
" ဒါပေမဲ့ ငါ့ညီ အစ်ကိုလို Glow ဖို့တော့မဖြစ်နိုင်ဘူး ကျောင်းသူလေးတွေရဲ့ အသည်းစွဲစီနီယာကိုကိုလေ "
YOU ARE READING
SECOND PERSON
FanficJung Kook x Seok Jin [ ✓ ] လောကပညတ်ချက်တွေအောက်မှာ လက်မလွှတ်နိုင်စွာ ချစ်မြတ်နိုးရတဲ့ ဒုတိယလူ ။ မိုးရေတွေထဲမှာ စခဲ့တဲ့ဇာတ်လမ်းလေး ၊ မိုးရေတွေထဲမှာပဲ အဆုံးသတ်သွားမယ်လို့လည်း မထင်ခဲ့ဘူး ။ အတိတ်တွေက ဒဏ်ရာတွေများခဲ့လို့ ပစ္စုပ္ပန်ကိုသာ ဖက်တွယ်မိချိန်မှာ...