(الحلقه الاوله)
في عماره في القاهره تحديدآ منطقه اسمها مدينة نصر كان واقف حارس العماره بيكلم صحبو وهو بيقول:
عبد المجيد:انهارده في بنت جايه تشوف شقة مدحت الدجال اوعا تقولها ان الشقه دي كانت بتاعت دجال ولا حاجه يا اشرف
رد اشرف وقال:
اشرف:ليه هي الشقه فيها حاجه ولايعوز بالله؟
عبد المجيد:هيكون فيها اي يعني بس عشان بنت وهتعيش فيها لوحدها ممكن تخاف لاكن الشقه مالها زاي الفل اهي
اشرف:والبنت دي هتعيش لوحدها ليه مش يمكن يكون مشيها بطال؟
عبد المجيد:لاء حرام دي بتدرس هتعيش فترة دراستها هنا وبعدين ترجع بلادها
اشرف:طيب ربنا معاها
____________________________________
اعرفكم بنفسي انا نوران من الدقهلية عندي ٢٢ سنه دخلت كلية التجاره جامعة القاهره بمنحه وبعد إلحاح طويل على اهلي اني اجي القاهره ادرس بعدين ارجع اخيرآ وافقو وانهارده اول يوم ليا في القاهره روحت عشان استلم الشقه اللي اتفقت عليها من على النت الكل بيشكر فيها بيقولو انها في مكان راقي وكدا
وفعلآ المنطقه كويسه جدآ القاهره كلها تحفه اصلآ يعتبر ان انا عايشه في قريه والقاهرة دي المدينه بنسبالي فا كنت مبهوره في كل حاجه فيها
وبعد ساعات كنت وصلت واستلمت مفتاح الشقه وطلعت ب الشنط بتاعتي وكل حاجاتي الشقه كانت لطيفه والفيو حلو لاكن كانت عايزه تنضيف كتير
كنت جايه تعبانه من السفر فا نمت وقولت لما اصحى هبقا اروقها وبالفعل نمت
وبعد ساعات صحيت ونا مش مدركه الساعه كام ولا اي اللي حصل بصيت في الساعه لقيتها عشره ونص بليل معقول انا نمت كل ده
قومت غيرت هدومي ولميت شعري ووقفت عملت إندومي في المطبخ وكلت وبدأت اروق وارتب الشقه على الفجر كنت خلصت فتحت المروحه ومسكت موبايلي قعدت عليه
كنت بتكلم مع أصحابي واول ما ظهرلي انه اونلاين على الواتساب قفلت معاهم عشان اتكلم معاه بس هو مكنش بيكلمني هو كان بيرد على مسدجاتي
بعتلو قولتلو ازيك عامل اي رد عليا وقال الحمدلله يا حبيبتي انتي عامله اي .. قالي حبيبتي اااه لو كنت حبيبته بجد!
هحكيلكم عليه أو هديكم عنه نبذه بسيطه هو طبيب وجراح كبير في البلد عندنا وقريب بابا بس من بعيد شفته كذا مره ومن المره الاوله وقع قلبي في حبه من وقتها ونا مقراره ادرس واكون حاجه كبيره اوي عشان اكون في مستواه ويبصلي هو حلو بشكل اسمه فارس وكلامي معاه بيكون كل فتره وبحاول ألفت نظرو بس معرفتش تقريبآ انا مش زوقه!
أنت تقرأ
واحد وسبعون يوم في شقة نوران❌🔥
Horrorلقد جمعت الكثير من الشموع..ورسمت على الأرض سبعون نجمه صغيره وفي اوسطهم نجمه اكبر ثم تنفست في هدوء وقالت لنفسها: _اهدي يا نوران احنا بس هنجرب نعمل التخاطر يمكن يحبني ويبقا ليا زاي ما بتمني .. ماذا حدث؟ هذا ما ستعرفه عزيزي القارئ في أحداث القصه تابع...
