الكاتبة شهد آل شمس
تابعو حسابي ✨
______________
احنة المالكينة انسان مستعز بينا احنة العشنة غربة وسط بيوت اهالينا .
علاء: صار الوكت لازم اروح ديري بالج ع الجهال واذا احتاجيتي شي هاي عمتي بيتها قريب شوكت متردين روحي يمها
هبه: بس اني خايفة عليك ابقى عفية
علاء: لو يصير ابقى بس ميصير اني ارتاح ببيتي واكو زلم صارلها ايام طويلة تتعب وتحارب
هبه: الله يحفظكم يارب ويحميكم من كل شر ويارب ترجعلنا سالم
علاء: إن شاءلله يلا ماوصيج ديري بالج ولا تبجين والله مايصيرلي شي إن شاءلله
هبه: ما متطمنة وخايفة والله
علاء: "بينما انت يائسة وتشعرين بأنكِ وحيدة في هذا العالم تائهة مهملة هناك من يرى فيك بطلة و قدوة و مثالاً يحتذى بهِ"
هبه: ابتسمت لكلامة
علاء: يلا راح اروح ادعيلنا
هبه: الله يحفظكم ويحميكم من شرهم
راح علاء واحس كلبي وعقلي ويا صحيح مو اول مرة يروح للدوام وتعودت من عمري 12 متزوجتة متعودة ع روحاتة بس هلمرة بحرب مو مثل قبل
سمر: راح ابوية ورجعت امي تبجي اشوفها تنهاار ومن تشوفنة يمها تمسح دموعها وتكوم ع حيلها كأن كلشي ماكو مرت الايام وماكو خبر على ابوية وامي زادت حالتها العصرية تشوفنة ملتهين اخواني يلعبون تطلع بالباب وتبقى تبجي يمكن هلشي بس اني الاحظة لأني الجبيرة بينهم ...
مرام: تعشينا ولمن السفرة درة وبدرية اندك الباب دزيت بنت عبدالله فتحت الباب طبت هبه وجهالها
هبه: السلام عليكم شلونج يمة بوستها
مرام: عليكم السلام هلا يمة هلا بوستها وبوست الجهال
هبه: سلمت ع امي ودرة وبدرية وكعدت
بدرية: شلونج اليوم
هبه: الحمدلله عيوني
بدرية: بس لا هم بعدج تبجين لج عيني عيونج طاكات من البجي كافي بدال ماتدعيلة
هبه: والله مايمر وقت اذا مادعيلهم بس شسوي ياخيتي كلبي غادي نار احس روحي تايهة بدونة مرات اتخيل يكتلونة اشبع بجي لج عيني جهالة وين يرحون يتيهون بدون ابوهم
مرام: اسم الله علية لا تفكرين هيج
هبه: شسوي يمة مو بيدي
مرام: الله يحفظة يوم لا تضلين توهسين ان شاءلله يرجعلج سالم كومي هسة خل نروح يم بنات درة بالسطح كاعدات
هبه: إن شاءلله يوم، يلا كومي خلي نروح
صعدنا وكعدنا ع سطح بالي يم علاء اليوم شفت بالتلفزيون قاصفين مناطق هواي خاف هو جان موجود هناك فزيت من صفنتي ع صوت امي
أنت تقرأ
مسيرة طويلة
General Fictionمنذ الصغر احبها ورغم الحروب التي مر بها بلدهم الا انه حافظ على حبه لها سمرته ذات العيون الجميلة التي عاشت معه في السراء والضراء في الرخاء والشدة .
