#مسيرة طويلة
الكاتبة شهـد آل شَمـس
تابعــو حســابي ✨
مساء الخير 🤍
الحُــب هو أن لا تشعر بالخوف بجانب من تُحِـب •
سَمر: بعد ليلة طويلة مليئة بالهدوء حجينا عن حياتنا عن الاشياء الي نحبها والي نكرهها حجالي شلون يحبني وشوكت حبني متوقعت لهالدرجة يحبني حسيته كبر بعيني بعد ماكالي أن هو حارب الكل علمود يوافقون ياخذني وسواها وتزوجني.. اعرف بي يحبني بس مجنت اعرف لهذا الحد من عرفت بي مافكر بغيري ومُصر عليه ولا يوم باوع لبنية ومثل ماكال
إدريس: جنت كلما التفت لغيرج يجيني شعور إني اخونج لهذا السبب ماخنتج فد يوم
سمر: ابتسمت لكلامة وهو كام من الفراش وراح كبال المرايا باوع بيها مسح ع شواربه باوعلي من المرايا
ادريس: يلا حَبيبتي كومي سويلي ريوك حتى اروح
سمر: ريوك؟
ادريس: اي حبي الساعة بالخمسة الفجر خلي اتريك والتحق
سمر: شو تلتحق غير عريس؟
ادريس: ضحكت وخليت ايدي ع وجهة بخفة واذا عريس؟
سمر: شمدريني غير عريس مايلتحق!
ادريس: لا حبيبتي ماكدر لازم التحق خلصت اجازتي اصلا مانطوني اجازة طويلة تعرفين الحرب ومايصير ننزل هواي
سمر: اي هم صحيح... كمت سويتلة ريوك اكل و بدل وطلع طلعت وراه بالباب مسح ع شعري ابتسملي وكال
ادريس: ديري بالج على نفسج و ع امي
سمر: اخليها بعيوني.. انتَ هم دير بالك على نفسك الله يحفظك ويردك سالم حبيبي
ادريس: بست راسها وكلت أحبچ
سمر: ابتسمت اله وماعرفت شنو اجاوب
ادريس: يلا حبيبتي ارجعي نامي بعد وقت
سمر: هزيت راسي ودخلت جوا نمت وراها كعدت بعد مدة كمت ساعدت البنات بأشياء خفيفة متعودة عليهم ما تقيدت كلش بالنهاية هم بيت خالي والبنات حبابات وبوقت فراغي ارسم واقرأ كتب لحد مايجي ادريس ومرت فترة اني هيج حياتي مابيها اي شي جديد
عباس: دكيت الباب وصحت سمر
سمر: كمت فتحت الباب لعباس
ها عباس؟
عباس: اكلج عندج شي؟
سمر: لا ليش؟
عباس: عبالي نرسم شوية
سمر: اني هم ضايجة
عباس: خوش اجيب دفتري ونكعد
سمر: ماشي
عباس هو اخ ادريس اصغر منه بنفس عمري دائماً نرسم سوا رغم رسمه حلو بس جنت متفوقة عليه
أنت تقرأ
مسيرة طويلة
General Fictionمنذ الصغر احبها ورغم الحروب التي مر بها بلدهم الا انه حافظ على حبه لها سمرته ذات العيون الجميلة التي عاشت معه في السراء والضراء في الرخاء والشدة .
