مسيرة طويلة

part 3

الكاتبة شهد آل شمس
ضيفو حسابي
صوتو للبارت لُطفاً ⭐

___________

ادريس: جنت صغير لما مات والدي وراها مات جدي من حزنه ع فراق ابنة وبدينا احنة نشتغل وماخليت شغلة ماشتغلتها بعت كلينس وخبز وجبس وجكاير وحتى عمالة عمري اقل من 16 سنة واني معيش اهلي رغم اني مو الجبير بأخواني وامي وجديتي يسون روبة ويبيعن جانت جديتي مرام عدها بقرة وتخثر روبة وتبيع حالتنة مو كلش زينة لكن عايشين ونحمد الله لان عدنا لكمة ناكلها بالحلال واني اشتغل وادرس مستواي بالدراسة متوسط لما صار عمري 16 تقريباً قدمت ع العسكرية ساعدني زوج عمتي هبه تطوعت وماتركت دراستي كملت الثالث بمدرسة مسائية بوقت نزولي لأهلي جان الزول صعب لأن جان حرب وبجبهة ونظام الحكم قوي صدام جان مرعب الدول البقية جانو حاسبيلة الف حساب شخصيتة قوية والمجرم يتعاقب لو جان ابنه يعاقبة نزلت بوقتها وشفت جديتي مرام القوية تعبانة ضعفانة وجها اصفر مابيها تكوم من مرضها فوك كل هذا احتركت رجلها ابد ما انسى منظر رجلها من احتركت وجرت الجلد كلة كلبي نعصر بيوم كعدت الصبح جنت بعدني مراجع للدوام و اسمع امي تصيح لجديتي كمت واشوفها تصيحلها ومتكوم ضربت ع وجها تحاول تصحيها ماكامت

درة: عمةةة اكعدي عفية عمة كوميي

ادريس: دفعت امي وحطيت راسها بحضني وماصحت تحسست نبضها ماكو كلبي وجعني تأذيت كلش هاي ثالث سند نخسرة من بعد ابوي وجدي وهسه جديتي كعدو اخواني مصدومين كاعدين بجهة و سهاد مكابلتني وتبجي بعد وقت مو قصير كمت من مكاني وطلعت بسرعة بدون ما احجي شي

درة: ادريس يمةة وين رايحح
ما انطاني جواب وطلع رجعت يم عمتي كعدت ارجف من البجي وكلبي ينعصر من اشوف جثتها

ادريس: طلعت رحت ع عمتي هبه وصلت للباب ووكفت شكول الها؟ امج ماتت؟ حبيبة روحج ماتت؟ بعد منشوفها ! منو بقالها من اهلها ابوها وامها واخوها ماتو بقالها اخوها رحيم الي ميحجي وياها اصلاً الي جان ومازال يضربهن الي ماتت امه وهي مراضية علية الي جان يضرب حتى امه الي يعذب مرتة واطفالة شكول الها بقالج بس رحيم سندج؟ مستحيل انسى فاتحة ابوي شسون عماتي هاي الي تلطم وهاي الي تملخ بنفسها وهاي الي تعيط شكلهن يخوف عياطهن ضربهن لنفسهن يخوف كلهن وجوهن مشخطة مخرمشة من اظافرهن اخر شي سونة كصن شعرهن عمتي بدرية كصت نص من شعرها والنص الثاني بقى طويل(من خرافات قبل اذا جان عدها اخوان اثنين تكص نص من يموت واحد والنص الثاني تبقي حتى يطول عمر اخوها الاخر) عماتي يحبن ابوي لدرجة وهو هم حنين كلش عليهن عكس عمي الي جان اذا يشوفهن بدون سبب يضربهن وضرب مو عادي تعنيف اجرام والي تحجي علية تقرا ع نفسها السلام خلص انتهت بفاتحة ابوي عمتي بدرية كاعدة وحجت ع عمي رحيم مانحس غير ندفر الباب ودخل هو شكلة ووجودة مُرعب لزمها ضربها وطردها بالشارع

دكيت الباب فتحتة بأبتسامة دخلت بست راسها وحاولت امهدلها الموضوع لكن ماكدرت اسيطر عليها من عرفت بجت وصرخت بصوت عالي رج البيت اجت سمر تركض وسالم ميعرفون شنو السالفة