الكاتبة "شهد آل شمس"
قراءة ممتعة ✨
_______
سمر : كاعدة بالصالة ويمي بناتي واحفادي هوستهم وضحكهم تارسة البيت مو لأنهم فرحانين بس يحاولون شكد مايكدرون يغيرولي جو الكآبة الي اني بي بسببه هو الي خلاني اصل لهاي المرحلة احجي وياهم واحس بغصة بداخلي احس ضيقة بصدري ماتروح من شفته حضر ملابسة وراحلها والي قاهرني اكثر انه راح يبقى يمها اسبوع ليش شسويت اني حتى هيج يجازيني احاول اضحك واحجي وياهم حتى لا ينقهرون علية " كان صوتي جريحاً مكسوراً يشي بكُل ما فيَ من هم "
العودة للماضي flash back
1980م
سمر : كعدت من النوم خايفة ومصدومة شنو دايصير كعدو اخواني وخواتي صغار كلنا اكبر واحد اخوية سالم عمرة 12 ومن بعدة اني عمري 11 امي تصيح علينا رحنا يمها والبيت يهتز من القصف ودتنا جوة الدرج خايفين ونرجف ابوية بالدوام عسكري بحكم احنه بحرب ميخلونهم ينزلون
فيصل : ماما شنو هاي وين صار القصف؟
هبه : اش اكعدو هنا ماما لا تطلعون مو يمنا القصف بالحي الثاني
سالم : يمة ابوي شوكت يجي؟
هبه : انت مو تعرف ابوك مايكدر يجي هسة مايخلوهم ينزلون
سمر : زين ماما احنة نبقى هنا مايصير ترا بأي لحظه يقصفونا وخاصة احنه منطقة حدودية "امام عباس"
هبه : الله كريم هسه بعدين نشوف خالاتكم شلون نطلع وانتو تعرفون بيهم ميخلونا نطلع من المنطقه
سالم : ليش ميخلون واحد يطلع شنو قابل نموت هنا
هبه : لا ماما بس اذا احنه طلعنا وغيرنا طلعو تبقى المنطقه فارغة وتسقط وايران تكدر تحتل المنطقه بس مادام احنه هنا ميكدرون يحتلون واصلا الجيش العراقي سوو قضاء خانقين منطقة عسكرية الهم .
سمر : هدأ الوضع شوية وطلعنا من جوة الدرج كل واحد بينا بصفحة رغم عمري صغير بس بصفتي الجبيرة ماعدنا شي اسمه بعدها صغيرة لازم تهتم بأخوانها واني جنت هيج ويا اخوية سالم رغم ابوية مو يمنا بس امي نشوفها دايرة بالها علينا ومامخليتنا نحس بالخوف يمكن هي داخلها ميته خوف من الدايصير بس دائما تخلينا نشوفها قوية يمكن هالشي ماخذتة من امها "مرام" جديتي قوية وامي مثلها .
هبه : بعد فترة طلعنا المغرب من البيت احنة وبيت اختي "مكة " بسيارة صغيرة رغم احنة هواية 18 شخص بس تحملنا حتى نطلع منا مشينا بطريق فارغ والدنيا ظلمة ومو شارع عام لان الحكومة ماتقبل نطلع من القضاء الي احنه بي مشينا كومة هيج ظلمة والطريق ترابي مو شارع الجهال خايفين ومتضايقين بالسيارة
مكة : يمعود وين مودينا لا تروح تودينا لأيران كبل
السائق : هسة نوصل ماضل شي إن شاءلله
أنت تقرأ
مسيرة طويلة
General Fictionمنذ الصغر احبها ورغم الحروب التي مر بها بلدهم الا انه حافظ على حبه لها سمرته ذات العيون الجميلة التي عاشت معه في السراء والضراء في الرخاء والشدة .
