مهما طال الزمن ماني الا لك يا حنيني

البارت ٧

" سبحان الله وبحمده سبحان الله العظيم"

.

 من بكرا العصر

في بيت أبو فيصل الكل مجتمع على الغداء فالصالة والبنات فالمطبخ

فهد: حبيت نظام الغداء الجماعي فالصالة

ماجد: معك مره مو حلوو خلصت علينا الاكل

فهد بطرف عين: ترا مو عشانك نحفت ذي السنتين تتنمر علي

محمد: عطه شهرين بس يرجع دبل الوزن الي نحفه

ماجد: لا ان شاء الله

أبو فيصل: يعيال في موضوع مهم رح نقوله لكم عنه

فهد بابتسامة: احم احم ترا الموضوع عني

أبو فهد بضحك: للأسف مو عنك

فهد: اما في موضوع مهم ثاني

أبو فيصل: ايي وخبر حلو

محمد: وش

أبو فيصل: قولهم انت يمشعل

أبو فهد بابتسامة: قررت ننقل للرياض

انرسمت الصدمه على وجهه الجميع

فهد: يبه منجد تتكلم؟

أبو فهد: ايي

أبو فيصل بابتسامة: وأخيرا أخوي حبيبي رح يرجع قريب مني

فهد: يبه تدري لسا كنت افكر اقولك اني ابي انقل دوامي للرياض الحمدلله جت منك

أبو فهد: خساره كنت ابي ارتاح منك والحين تلحقني لهنا

انفجر محمد ضحك

فهد بضحك: يبه حرام عليك هذا وانا ولدك الوحيد

أبو فيصل: وابيكم يعيال تشوفون بيت قريب لعمكم مابيه يروح بعيد

ماجد ما تكلم ابدا

محمد: هييهه ولد صحصح

دفه ماجد: وخر عني

محمد: وش فيك؟

أبو فيصل: محمد قوم ارفع السفره

محمد: ابشر

قام ماجد يساعده

محمد بصدمة: وش عندك تساعد؟

ماجد: ارفع وانت ساكت

.

.

.

فالمطبخ عند البنات

نديم تغسل المواعين ومها تساعدها

حنين: بنات شرايكم نطلع اليوم

نديم: تم بس وين

حنين: عادي نشوف أي مكان

مها: في مجمع جديد خلونا نروح له