مهما طال الزمن ماني الا لك يا حنيني

البارت ٢

insta: 24.atz

يتبع 

بعدها بثواني

نديم: اخهه رجليي

ماجد: اصبري اشيل عنكم الدباب

حنين ما ترد على فهد للحين: بنتت حنينن وش فيك ردي

حنين الي من الخرشه اغمى عليها دقايق : فهد يديي

ناظر فهد يدها الي واضح تعورت: قومي قومي بسرعه نرجع المخيم

دخلو المخيم ومنظرهم كان يخرش ماجد ماسك نديم وفهد شايل حنين لانها لسا ما صحت كويس

انخرش أبو فيصل وفز بسرعه يركض لهم: وش صايررر وش فيهم البنات فيصل الحققق

فز الكل من صرخة أبو فيصل (فيصل الحق) وشافو منظر البنات وقال لهم ماجد وش صار وانه انقلب عليهم الدباب

فيصل: يبه انا ماعرف بذي الحالات كثير مشينا نوديهم مستشفى بسرعه

ماجد: يلا يلا

الكل رفع الأغراض الي بالمخيم وتوجهوا ورا ماجد للمستشفي

دخلو المستشفى الي اول ما شافت حالتهم الممرضه قالت لهم لا تخافون واضح بسيطه

بعدها بوقت طلع الدكتور يقول لهم انه نديم انكسرت رجلها بسبب حديد بالدباب وحنين انكسرت يدها بسبب طيحتها عليها

وانه نديم رح يجبرون رجلها لمدة 6 أسابيع وحنين يدها لمدة ٨ اسابيع تقريبا

كلهم قالو الحمدلله جت خفيفه كذا الا أبو فيصل الي من يوم دخلوا وهو يناظر ماجد

أبو فيصل: الحين علمني؟

ماجد: وش يبه

أبو فيصل: وش ركبهم الدباب

ماجد: يبه قبل لا تعصب المكان ما فيه أحد واساسا ما ركبوا دقيقتين الا وانقلبوا

أبو فيصل: تدري لو صار بهم شيء رح احملك المسؤولية عشان ما تكذب علي مره ثانيه

ماجد مارد على ابوه لأنه يدري لو رد ابوه رح يفصل عليه بالأخير

والكل رجع البيت وبعدها بشوي دخلو البنات مع ماجد

ام فهد: هلا هلا بالمكسرين

ام فيصل: متى تعقلون يبنات

مها: الحمدلله إني عاقله ولا كان انا لاحقتهم

ام فيصل: مدري وش هداك اليوم ما جنيتي معهم ولا دايم انتي اول وحده حتى محمد اليوم ما جنن بنا غريبه

محمد وهو واقف ورا: شفت انه نديم وحنين يكفون قلت اصير عاقل اليوم

نديم: لا تطقطق وتعال ساعدني برقى فوق لغرفتي

محمد: تعالي يا اخيتي اخذ اجر مساعدة محتاج

حنين: لحظه وانا مين يطلعني لفوق