دق الباب فجأة وقالت نديم: غريبة مين؟
ماجد: انا افتحي
نديم: في شيء؟
ماجد: لا بس ابي اشوف وضعكم
نديم بابتسامة: كل شيء حلو الحمدلله والله ما قصر صقر
ماجد: زين الحمدلله بس اسمعوا إذا طلعتوا برا من الغرفة البسوا حجاب ترا كلنا نقدر نشوف الي برا
مها بطرف عين: حتى هنا ما نقدر نتنفس
ماجد بحده: خير يمها!! انا أقول لمصلحتكم
نديم: خلك منها تحب تستفزك ابشر إذا طلعنا رح نلبس
ماجد: يلا سلام
قفلت نديم الباب وقالت: تحبين العناد يا مها
مها بضحك: أحب استفزه شوي
نديم: روحي استفزي محمد خلي ماجد مسكين
مها: ابشري
بعد ساعات الجميع مستمتع بغرفته وللحين ما طلع منها
حس صقر بالملل وقرر يطلع يتمشى ويتصل على ماجد: مجودي
ماجد: عيوني
صقر: لا تنسون اليوم العشاء فالمطعم الي قلت لك عنه
ماجد: ما نسيت لا تخاف
صقر: طيب
ماجد: وينك الحين؟
صقر: عند البحر اتمشى
ماجد: ووينه محمد مو معك؟
صقر بملل: لا سحبت عليه من يوم وصلنا وهو يسبح
ماجد بضحك: متحمس
صقر: مرههه يلا انا رح اقفل
قفل ماجد الاتصال وقال: اخخ بس يا صقر
حنين: وش يقولك؟
ماجد: بس يبي يذكر بحجز المطعم
حنين: ماجد ودي اعرف كيف تعرفتوا على بعض مره أحب علاقتكم
ماجد: اعرفه من ثاني ابتدائي والحمدلله استمرت علاقتنا لليوم
حنين: الله يديمكم لبعض
ماجد: امين يارب ويديمك لي ، بس خايف من شيء
التفت له حنين: وش؟
ماجد: أخاف نديم ترفض وتتغير علاقتي بصقر
حنين: ماتوقع صقر يتغير عليك واضح يحبك وما تدري يمكن نديم تقبل
ماجد بابتسامة: ان شاء الله
حنين: شرايك نطلع نمشي
ماجد: يلا
وطلعوا من الغرفة ولمحهم صقر وتقدم لهم وقال: وأخيرا أحد طلع من الغرفة
ماجد بضحك: من نبرة صوتك واضح من اول تنتظر
أنت تقرأ
مهما طال الزمن ماني الا لك يا حنيني
Romanceرواية سُعودية للكاتبة: اثير الصالح ماجد الي يحب بنته عمه من الطفولة يتجرأ بعمر ال ٢٦ ويقرر يخطبها بس الصدمه انه ولد عمته خالد رح يسوي شيء يمنع زواجهم ويبعدهم عن بعض والسبب كان ...
