مهما طال الزمن ماني الا لك يا حنيني

البارت ١٣

يتبع

دخل عليهم فيصل: هلا والله بخالي نورت الرياض

أبو مساعد: يلا هلا فيك

فز مساعد يسلم عليه ويحضنه وهو يعتبر أقرب شخص له ، اما سعيد ما تحرك من مكانه وهو يتذكر المشاكل الي بينه وبين فيصل

فيصل: ان شاء مطولين؟

أبو مساعد: ٤ أيام تعرف زوجتي عندها جلسات كيماوي

فيصل: الله يشفيها وتقوم لكم بالسلامة

مساعد: امين

فيصل: يا محمد وين نديم دخلت البيت ما شفتها!

محمد: مدري يمكن نايمه

فيصل: غريبه مو متعودين

أبو فيصل: فز شوف اختك يمكن تعبانه

محمد: ابشر

توتر سعيد لانها ممكن تقول لمحمد عن أمس وارسل لاخته: قولي لها اذا تكلمت عن امس رح اقولهم اني لمست شرفها ورح يجبرونها تتزوجني

وصورت ليان المحادثه وارسلتها لنديم، اللي فتحت الرسالة وانفجرت تصيح ودخل عليها محمد وانخرش من شكلها وقرب لها: نديم وش فيك

حضنته نديم بدون رد

محمد بحده: نديم كلميني وش فيك

نديم وهي تبكي: مااقدر

محمد: تكلمي وش فيك

نديم بصراخ: قلت لك ما أقدر اقولك

سحب محمد جوالها عالمحادثه المفتوحه وقرأ الكلام واشتعل عصبية: وش ذا!!!! مين هذا!!!

شهقت نديم بقوة وقالت: سعيد

طلع محمد من الغرفة وهو يتحلف بسعيد وطلع يدوره وقابل عند الباب حنين وماجد وصقر

انتبه ماجد له: ولد وش فيك

محمد بعصبية: وينه ابن الكلب وينه

ماجد باستغراب: من؟

محمد بصراخ: سعيد

وركض للمقلط ولحقه ماجد وأول ما دخل سحب سعيد من ياقته وضربه على وجهه وفز الكل من الضربه

وبدأ محمد يضربه وسعيد يحاول يوقف بس ما يقدر على بنية جسم محمد

أبو فيصل: يا محمددد وقفف

دخل ماجد المقلط وانصدم من المنظر وصارخ ينادي صقر يساعده يفرق بينهم

صقر: استهدوا بالله

محمد: والله لاذبحك يا حقير

سحب ماجد محمد بكل قوته وطيحه بالأرض: وششش فيك وش صاير

محمد بعصبية: هذا الحقير يهدد نديم

فز ماجد: نعم!!!

أبو مساعد: وش تتهم ولدي يا محمد