مهما طال الزمن ماني الا لك يا حنيني

البارت ٨

استغفر الله العظيم واتوب اليه ♥️♥️

بعد مرور أسبوعين اتصلت ام صقر على ام فهد وقالت لها انه سارة موافقة وفهد موافق والخطبة تمت خلال أسبوع بعدها

.

بعد مرور شهرين من الخطبة تحديدا في دبي

ا.عبدالله: خلاص كذا يمديك ترجعين السعودية

حنين: الحمدلله

ا.عبدالله: ادري تعبناك ذي الشهرين بس كان لازم ناخذ كل شغلك قبل تروحين

حنين: اهم شيء خلصنا كل شيء

وطلعت حنين من مكتب الأستاذ عبدالله وتوجهت تسلم على باقي الموظفين واخر شيء عند ديما

حنين: انتبهي لنفسك

ديما: رح اشتاق لك والله

حنين: اكثر والله واذا بيوم ودك تسألين عن أي شيء لا تترددين واتصلي انتي الحين موظفه بعقد مو متدربة

ديما: توصلين بالسلامة يارب

حنين: الله يسلمك

طلعت حنين من المؤسسة مستعجلة وركبت السيارة وما انتبهت انها ما اخذت جوالها، ولحقتها ديما فسيارتها تعطيها جوالها قبل تدخل المطار، ولكن صار قدامها شيء ما تتوقعه

(فالطريق تذكرت حنين انها تبي ترسل لفهد متى يجي ياخذها من المطار و كانت تدور جوالها بالشنطة وطاحت عليها الشنطة تحت المقعد هدت سرعتها ونزلت تأخذ الشنطة وما انتبهت عالسيارة اللي قدامها وتوترت ولفت السيارة بقوة وضغطت فرامل وانقلبت عليها السيارة)

.

بعد ساعات فالرياض تحديدا بيت أبو فهد

فهد: ها يمه كيف الشكل النهائي اعجبك

ام فهد: أي الحمدلله كل شيء حلو

مها: فهد ليه ما تبدأ تأثث غرفتك

فهد: مجنون انا اتزوج واجيب زوجتي عندك رح اطلع بيت لحالي

ام فهد: وليه ان شاء الله رح نأكل زوجتك ولا وش

فهد بضحك: يمه ما اقصد شيء بس بيت ثاني اريح لنا

ام فهد: الحمدلله فكرت بنفسك ولا كنا مبتلشين انا وابوك كيف نطردك

انفجرت مها ضحك: القممم طردوك

فهد: يمههههه!!!!

ام فهد بضحك: وش فيك ما نقصد شيء

مها بضحك: يمه انا غرفتي باقي بس طاوله

فهد: وحنين لما تجي تأثث غرفتها بنفسها

ام فهد: متى رح توصل؟

فهد: اليوم الساعة ٢ فالليل، انا رح اطلع ماجد ينتظر برا