مهما طال الزمن ماني الا لك يا حنيني

البارت ١١

ماجد: يا فهد خذ حنين معك وخذ سيارتي انا رح اجي مع صقر

اتجه ماجد لسيارة صقر ودق الشباك: فك الباب

ابتسم صقر وفتح له ودخل ماجد وعم الصمت بينهم شوي

ماجد: انتظرك تقول ترا

صقر: وش

ماجد: وش صار وكيف صادفت ابوك اللي اعرفه انه عضيدي ما يخبي عني شيء

صقر وعيونه كلها دموع: والله يا ماجد مدري وش أقول تخيل انه طلع يراقبنا من شهور ولحقنا اليوم لبيت عمك وشاف سارة بحضن فهد ولحقنا للمستشفى وقابلته عند الباب وقلت يمكن انه خاف على بنته بس طلع لا ولا يهمه حتى

ماجد: وش قال لك طيب

وبدأ صقر يحكي لماجد اللي صار

( قبل ساعات عند المستشفى)

صقر اللي تفاجئ من وجود ابوه: يبه!!

أبو صقر بحده: وين اختك؟

صقر: هنا داخل والحمدلله مافيها شيء

أبو صقر: ومين اللي كان ماسك اختك؟

صقر: زوجها فهد

أبو صقر بعصبية: زوجها!!

صقر: أي يبه زوجها سارة تزوجت

أبو صقر: تزوج اختك يالحقير بدون اذني!!!

صقر: اخذ اذنك وانت ما تدري عننا شيء؟ وينك الأيام الي فاتت عشان اخذ اذنك

أبو صقر بعصبية: الحين تكلم الي داخل يطلق اختك

صقر: نعم! وليه ان شاء الله؟؟

أبو صقر:اختك رح ازوجها واحد اعرفه

ضحك صقر: اختي تزوجت الحمدلله ولا رح يوافق فهد انه يطلقها

أبو صقر: هذا فهد؟؟؟ الي وقف قدامي يوم جيت البيت

صقر: أي هو وأتمنى تدري انه صار عندي اهل وناس يحبوني ويهتمون فينا ويعوضون كل شيء عشناه معك

أبو صقر: والله إنك ما تستحي ولا عرفت اربيك يا حقير وبنفس الوقت دخل يده بجيبه وطلع سلاحه وأطلق على صقر: هذا عقابك يا حقير واختك تربيتها عندي

وهرب أبو صقر بعدما طاح صقر بكل قوته على الأرض

.

قال صقر كل شيء لماجد وانفجر يصيح بشكل يخوف وهو ما يطلع ضعفه لاحد غير ماجد

ماجد: يا صقر هدي خلاص

صقر: تعبت يا ماجد والله تعبت كل ما افتك منه وارتاح شوي يطلع بوجهي

ماجد: ادري والله واعرف كل شيء عشته بس مو انت قلت له انه صار عندك اهل يعوضونك صدقني هذي المرة كلنا رح نوقف معك ولا نخليه يقرب لك مره ثانية والحين خلنا نروح لبيت عمي واقعد هناك انت واختك و امك وصدقني مارح يقرب من البيت ابد ورح تضمن انه ما يصير شيء لأختك، وقرب ماجد يحضن صقر وتوجهوا لبيت أبو فهد