قصة/ اِحْتِلاَل مُحَرَّم بقلم/ مريم نصار

،

على فكره يا جماعه ويا أهل الواتباد أنا أكتر واحده مبحبش اتكلم عن عدد التفاعل لكن بالطريقه دي انا مش هكمل، ده تالت فصل ينزل ومفيش من المتابعين غير اتنين ريفيو بس اللي نزل، والباقي هما الادمن اللي معايا،وعدد كبير من القراء بيقرا ويجري، ع فكرة أنا عندي مدونه شخصيه ليا وهى موجوده ولسه مستخدمتهاش وبقول مش مهم مش عايزه اضغط على حد، مع أنه حقي ألاقي مقابل لتعبي ، وكاتبات كتير عامله كده ولا هو عيب ولا حرام ، لكن أنا يعتبر بقدملكم الحاجه ع طبق من دهب، وانتوا مفيش مشاعر خالص ولا تقدير ، أنا منزلا الروايه ف ظل ظروف ربنا اللي عالم بيها، واحده غيري كانت ركنت كل حاجه ع جمب لما محنتها تعدي، لكن فضلتكم ع كل حاجه في حياتي، وكمية إحباط كبيره بجد، أنا نزلتها علشان برده ازود الشغف عندي، لكن بالطريقه دي ؟ كمية إحباط كبيره جداً جاتلي أكتر من الأول، امبارح بدأت اكتب لكن لما شوفت الواتباد والجروب والعدد القليل جداً نفسي قفلت من كل حاجه ومكتبتش كلمه واحده.
وغير كده الروايه حلوه وأنا واثقه أنها تستاهل أكتر من كده ، ومبكتبش اي حاجه والسلام، وإن كان على قصص الحب والفراق في هى أسهل مما يكون بس انا بحاول أنوع واغير، فاميبقاش ده جزائي في الآخر
وبعدين انتوا ليه بتحصروني في جريمة عشق؟ اغلب الناس تقولي مش عارفين نقرا ليكي حاجه تاني من بعد جريمة عشق، واللي يقولوا مفيش حاجه هتكتبيها في مستوى جريمة عشق.
خلاص لو الموضوع متوقف ع جريمة عشق أنا هستكفى بيها وهعتزل واكتب لنفسي، أصل الموضوع ده هوايه، أنا كااان في دماغي قصص كتير وافكار كتيره وبالطريقة دي كله اتبخر، مفيش حافز اني اكتب علشانه، فهكتب مع نفسي و وقت ما أحب من غير ضغط من حد.
ده غير القناه اللي عملتها وظنيت أنها هتكبر بقالها أكتر من ست شهور مكملتش ٦٠٠ مشترك من أصل ٤٥٠٠٠٠٠ ألف عضو هنا! آنتوا متخيلين بتعملوا فيا إيه؟ وإني محبطه قد ايه؟ لكن في النهاية لعله خير
أنا هنزل فصل انهردا ولو ملقتش حاجه بحق الله تجبر الخاطر وتراضي تعبي، أنا مش هنزلها خالص.
واللي عايز يفهمني غلط يفهم زي ما يفهم.