حبيبي الالكتروني

الحلقه 2

وعد : آسفة مأخدتش بالي يا ....... أنت .... أنت بتعمل ايه هنا
الشاب : ده معناه أنك لسه فاكراني صح
وعد : يا ريتني أنسي ...... زي ما نسيت ديني وربي وقت ما كلمتك زي ما نسيت تربية أهلي فيا زي ما نسيت إنه هيجي وقت وبابا يعرف وثقته تتكسر فيا
يا ريتني أنساك يا إياد وانسي إنه أنا كلمتك في يوم
إياد : كل ده علشان كلمتك ٣ شهور وغير كده ده عدي عليه خمس سنين يا وعد
وعد : يا ريتني مش سمعت كلام نور وكلمتك لأني وقتها كان ده أكبر غلط عملته في حياتي لحد دلوقتي من خمس سنين وأنا لسه ندمانة أني سمعت كلام نور يا ريتني ما سمعت كلامها كان زماني دلوقتي مبسوطه وعايشة حياتي بسعادة
إياد : للدرجة دي كرهتني يا وعدي
وعد : إياك ..... إياك تنادي عليا بالاسم ده أنا مش وعد حد ..... أنا بكرهك أنا غلطت إنه كلمتك وأنت كمان كنت غلطان بس ليه مش عايز تعترف بده اعترف أنه أنت غلطت لما كلمتني أعترف إنه أنت كنت بتلعب بيا وأنك كلمتني علشان تتسلي أعترف بده
إياد : أعترف إزاي أنت أصلا دائما مفكرة كده أنا بحبك بجد
وعد : أنت تعرف إيه عن الحب تعرف إيه قولي
إياد : أعرف أني بحبك وخلاص ومش بحب غيرك صدقيني يا وعد
وعد : حاضر هصدقك ..... أنت بتحبني بعد كده إيه
عايز إيه مني قول
إياد : عايزك أنتي .... أنا بحبك يا وعد وعايزك أنتي
وعد : نجوم السماء أقربلك مني
إياد : ليه كل ده سامحيني يا وعد وخلينا نكمل أنا معرفتش قيمتك غير لما فقدتك علشان خاطري ارجعي ليا
وعد : أنا مش هرجع وسلام
إياد : رغم أنه أنتي إللي عملتي ليا بلوك أنا إللي بعتذر وعايزك ومحتاجك جنبي
وعد : ما دام هو ده اللي حصل وأنت مش غلطان عايزني ليه بتعتذر ليه قول
إياد : أنا مش هقول إنه أنا مكلمتش قبلك لأنه أنا قولت لك إنه كلمت قبل كده وحبيت قبل كده
وعد : هههههههه تصدق إنه أنا مش عارفه أصدق إنه أنت مكلمتش غير واحدة بس ومحبتش غير واحدة بس قبلي
إياد : هي دي الحقيقه يا وعد
وعد : و حقيقتك مش لازماني ومش محتاجاها
إياد : براحتك يا وعد ......بس خليكي فاكرة إنه أنا إللي جيت صالحتك واعتذرت منك
وعد : حاضر هفتكر خلصت كلامك خلاص ...... ده معناه أنك خلصت اتفضل يلا أرجع بلدك
إياد : تمام يا وعد بس افتكري كلامك ....... ونور بتسلم عليكي
وعد : قولها مش محتاجة سلامك علشان هي كانت هبلة لما سمعت منك وقررت تكلمك أو تكلمني وهي مش عايزة تسمع أي أخبار عنك ابدا
إياد : تمام يا وعد ..... سلام
غادر إياد أمام عيون وعد أما وعد فذهبت إلي البيت وما أن وصلت حتي ذهبت إلي غرفتها وظلت تقول في نفسها : إيه اللي أنا عملته ده مش كان لازم أسمع كلام نور و أكلم الولد ده سامحني يا ربي سامحني يا بابا سامحيني يا رحمتي مش عارفه أنا عملت ليه كده كان لازم اعرف إنه هخسرك لما أكلمه
بعدخمس دقائق رن هاتف وعد وكانت المتصلة ملك
ملك : وعد هو ده إياد نفسه إللي كان مكلمك من خمس سنين
وعد : آه هو ...... هو يا ملك ...... رجع تاني
ملك : طب أهدي أنتي دلوقتي وبعدين هنحل الموضوع زي ما حليناه قبل كده
وعد : تمام ...... أنا هنام دلوقتي وبكرة هاجي عندك ونشوف الموضوع تاني
ملك : تمام يا وعد بس لو سمحتي متعمليش حاجة هبلة إحنا ما صدقنا إنه أنتي عديتي الموضوع ولو مش علشاني أنا خليها علشان رحمة
وعد : متجبيش سيرتها قدامي هي سبتني وقت ما كنت محتاجاها أنا أعترف إنه أنا غلطت وغلطة كبيرة كمان بس أنتي كنتي معايا وفضلتي جنبي هي مش عملت ده ليه كنت بعشقها حتي أنا لما كنت بكلمه قلت له إنه لو هي قالت أعمله بلوك مش هتعدي ثانية إلا و البلوك يكون عليه وأنا قلت لها كده وحتي لما هي قالت لي كده عملت بلوك قدامها بس برضه قررت تسبني وتبعد عني
ملك : تمام يا وعد أهدي بس الموضوع ده خلاكي تشوفي مين معاكي ومين لا ....... رغم أنه هما الاثنين كانوا بيحبوكي بس مكنش لازم يحصل كده ومكنش لازم تقولها حاجة بس برضه أنتي غلطتي لما خبيتي وبرضه غلطتي لما كلمتيه وهي غلطت لما هي قالت لرحمة عن الموضوع
وعد : قصدك علي مين ..... آه افتكرت قصدك علي روح
ملك : أيوة قصدي عليها مكنش لازم تقول لرحمة بس برضه أنتي غلطتي يا وعد
وعد : أنا عارفة أني غلطت وأنا صلحت غلطي ولا نسيتي إحنا بقينا هكر إزاي
ملك : لأ منستش بس أنا لحد دلوقتي مش عارفة أنتي ليه مش راضية تكملي في شغل الهكر أنتي كنتي أفضل مني حتي
وعد : قلت لك أنا لو استخدمته هستخدمه ضد الناس مش هستخدمه لأي حاجة ثانية حتي لو ليا أنا وغير كده سهل اوي إللي أنتي عملتيه ده كان من أول الدروس إللي إحنا اخدناها
ملك : تمام يا وعد سلام أنا دلوقتي واهدي ومش تنسي تيجي ليا بكرة تمام
وعد : تمام يا ملك سلام
أغلقت وعد الهاتف وذهبت إلي أحلامها التي عادةً تهرب إليها في كل مشكلة
يا تري مين هو إياد ومين هما نور ورحمة وروح وايه إللي حصل من خمس سنين وليه ملك ووعد بقوا هكر ده اللي هنعرفه الفصل القادم لأنه أنتهي الفصل ويارب الفصل يكون عجبكم واي تعليق علي طريقة الكتابة أو طريقة السرد أو فيه أي غلطات في الأفكار الرجاء من إللي بيقرأ يقولي إيه هي الغلطات تمام لأني لسه مبتدأة تمام وشكراً