حبيبي الالكتروني

الحلقه 8

توقفنا عندما ذهبت وعد إلي الفهد بعد أن انهارت بسبب كلام رحمة و روح
في اليوم التالي
وعد : ملك اتأخرنا علي الشغل علي فكرة يعني وغير كده المفروض أنتي تصحيني
ملك : غريب أوي إنك تصحي قبلي بس تمام عشر دقائق و هنمشي
وعد : تمام بس بسرعه
ملك : وعد بطلي تتكلمي معاه وشوفي حياتك لو سمحتي لأنه كده مش هتتقدمي في حياتك ومش هتحبي تاني ولا حتي تتجوزي
وعد : ملك الموضوع يتقفل ويلا هتنأخر
ملك : خلاص يا وعد براحتك بس اديني بقولك إللي هيحصل وانسي بقي ده عدي خمس سنين علي الموضوع ده
وعد : لو عدي مليون سنه وياريت بسرعة علشان هنتأخر
ملك : تمام هجهز الفطار ونمشي
استعدت ملك وأدت فرضها وجهزت الفطار وبعدها ذهبوا إلي المكتب
وعد : ملك لو سمحتي مش عايزة كلام لحد ما نخلص واجهزي علشان عندنا إجتماع مع مجلس الإدارة النهاردة وبعدها هنروح الجيم
ملك : تمام كل حاجة جاهزة بس النهاردة مش معاد الجيم
وعد : أنا عارفة إنه مش معاده النهاردة بس أنا محتاجة أروح وأعتقد أنه أنتي بتحبي تروحي الجيم وتعملي تدريبات علشان كده بقالك فترة بتبحثي عن تدريبات قاسية جدا وكمان بتبحثي عن آلالات للتدريب من فترة ولا ايه يا ملك
ملك : وعد أنت هكرتي فوني صح
وعد : آه هكرته ومش أول مرة وأنتي عارفه كده والأهم من كل ده انتي كذا مرة هكرتي فوني بس لو دلوقتي معرفتيش بقول إيه صح
ملك : وعد أنا خائفة عليكي مش لازم تفضلي تتكلمي كده لفترة طويلة
وعد بهدوء : ملك أنتي اكتر واحده عارفه حالتي كانت عاملة إزاي فعلشان خاطري خليني كده شويه
ملك : حاضر يا وعد ...... واجهزي علشان الاجتماع
استعدتا الاجتماع وبعد انتهاء الاجتماع استعدوا للذهاب إلي الجيم
بعد ساعة من التدريبات
ملك : وعد لازم نمشي حالا
وعد : ليه
ملك : الجيم لازم يقفل لأسباب خاصة بيهم
وعد : تمام عشر دقائق نغير ونمشي
ملك : تمام
إياد : هتمشي من غير ما تقابليني
وعد : إياد .....أنت بتعمل ايه هنا
إياد : ده جيم هكون بعمل إيه هنا
وعد : ملك .... عايزة تفسير حالا .....أنا بحجز الجيم ليا لما اجي هنا إزاي ده حصل
ملك : أنا لسه عارفة إنه هو حجزه النهاردة قبلك أنا الأول مكنتش اعرف أنه هو إللي حجز الجيم بس لما سألت المدير قال إنه وافق يشاركنا حجز الجيم ولسه عارفة دلوقتي مين إللي حجز
وعد : طب تمام ...... يلا بينا
إياد : وعدي استني شوية أنتي قولتي ليا إنك بتدربي وريني تدريبك ده يا وعدي
وعد : أولا أنا مش وعد حد ثانياً موافقة اوريك
ملك : وعد بلاش والنبي
وعد : لا لازم اوريه أنا بقالي اكتر من سبع سنين بدرب علي إيه ..... اعرف إنه أنا من الثانوي وأنا بلعب يا إياد
إياد : هنشوف تدريبك إزاي يا وعدي
وعد بصراخ : متقوليش وعدي
وبعدها هجمت عليه بكل قوة وبالبوكس في بطنه وبعدها ضربته في وجهه وبعدها بكف أيدها وفي وسط وجهه وزقته وقعته علي الأرض
وعد : إيه رأيك يا إياد
إياد : برافو يا وعدي تدريبك حلو ..... بس حالياً مسموح ليا أعمل إللي أنا عايزه أنت ضربتيني وجامد كمان دورك بقي علشان تمسحي الدم ده وتساعديني في جرحي
وعد : بتحلم يا إياد مستحيل أعمل كده
إياد : مش هيكون بمزاجك
ملك : وعد أعتقد كفاية كده يلا بينا
وعد : لا عايزة أشوفه وهو بينفذ كلامه
إياد : أوامر وعدي تنفذ ..... تعالي يا وعدي
وعد بصوت أعلي : متقوليش وعدي
وهجمت وعد عليه بقوة أكبر لتضربه لكن يمسك يدها ويلفها بحيث يكون ضهرها علي صدره ويمسك بيدها التي كانت سوف تضربه بها ثم أخرج منديل من جيبه وجعلها تمسكه بيدها وبعدها أدارها ليكون وجهها بوجهه ورفع يدها إلي وجهه وجعلها تزيل الدم الذي علي وجهه بيدها وبعدها دفعته بعيد عنها
وعد : هندمك علي إللي عملته ده وهعلمك إزاي تلمسني تاني
إياد : هوريني يا وعدي
تقدمت وعد بقوة أكبر وضربته بقوة كبيرة في بطنه وبعدها ضربته في دماغه وبعدها وقع إياد علي الأرض
وعد : متحدنيش تاني
إياد : .......
ملك بصراخ : وعد إياد بينذف
وعد : إيه ..... بتقولي إيه
ملك : مش وقت الصدمة دلوقتي لازم ناخده علي المستشفي حالا
وعد : العربية برة يلا بينا
ملك : يلا ساعديني نشيله ونمشي
ساعدت وعد ملك في حمل إياد واسعفوه إلي المستشفي بعد وصولهم إلى المستشفى ذهب إلي غرفة العمليات وبعد ساعتين في غرفة العمليات خرج الدكتور
وعد : دكتور فيه إيه
الدكتور : في الحقيقة الضرب كان جامد جدا خاصة الضربة إللي في دماغه وكانت الضربة بدقة كبيرة وقوية جدا والناس اللي كانت بتضربه لو ضربوا شوية كمان كان حصله نزيف بس الحمدلله محصلش حاجه خطيرة
ملك : طب يا دكتور نقدر ناخده معانا
الدكتور : آه تقدروا بس هو محتاج راحة
ملك : تمام يا دكتور جهز أنت الورق
ملك : وعد أنا قلت لك كفاية كده
وعد : هو إللي عصبني وغير كده ممنوع حد يقرب مني وأنا بتدرب وغير كده أنتي نسيتيني بتكوني عاملة إزاي لما حد يفسد عليكي تدريبك
ملك : مقولتش حاجة بس كنت هدي نفسك شوية مش شايفة الدكتور قال إيه
وعد : ما هو السبب حد قاله يتحداني
ملك : وعد متتكررش تاني لأنه كده مينفعش
وعد : اتعلمت من الفهد يا ملك
ملك : تمام يا وعد بس كده مينفعش
وعد : يلا مش مشكلة
ملك : طب رني علي نور تيجي تشوفه أو تاخده وإلا هنضطر ناخده معانا
وعد : تمام هرن علي نور تيجي
ملك : تمام