توقفنا عندما كانت وعد تفكر في حقيقة مشاعرها لاياد وبعدها ذهبت للنوم
في اليوم التالي في المكتب
ملك : علي فكرة أنتي مفسدة للبهجة
وعد : ليه يعني
ملك : مش عارفه تخلصي الحكاية يعني ولازم تشوقيني
وعد : اشوقك إيه أنا بقف عند حتة مفيش فيها أي تشويق
ملك : بس برضه عايزة اعرف إللي حصل
وعد : حاضر يا ستي نخلص شغل وبعد كده أقولك إللي حصل بالليل تمام
ملك : تمام يا ستي أما نشوف اخرتها
السكرتيرة : يا آنسة وعد لو سمحتي فيه شاب برة عايز يقابل حضرتك
ملك : شاب مين ده .... وعد أنتي مستنية حد
وعد : لا والله مش مستنية حد خالص ......... طب هو مقلش إسمه أو أي حاجة
السكرتيرة : لأ يا آنسة وعد مقلش حاجة
وعد : تمام دخليه
ملك : ولد مين ده
وعد : والله ما اعرف هنعرف دلوقتي
الشاب : ممكن أدخل آنسة
ملك : اتفضل يا استاااا.....
وعد : مين يا ملك
ملك : تصدقي بقي أنا هقول وأنتي حذري تمام
وعد : أحذر إيه هو فيه
ملك : علشان خاطري يا وعدي
وعد : ماشي يا ستي هحذر وامري لله
ملك : بصي هو حلو وقمر
وعد : ماشي وايه تاني
ملك : ولون عيونه نفس لون عيونك
وعد : تمام وإللي بعده
ملك : وأنفه صغير وشعره أسود فحم وجسمه قوي وهو قمر يا خرابي
وعد : أنتي بتتكلمي عن توم كروز ولا ايه
الشاب : لا ...... بتتكلم عني يا وعدي
وعد : إياد ...... أنا قلت لك بدل المرة مليون أنا مش وعد حد ....... وغير كده يا ملك فين الحلو ده
إياد : نعم ...... أنا مش حلو اومال إيه الكلام بتاع زمان ده
وعد ببعض التعلثم : كلااام .....كلام إيه
إياد : أقول قدام ملك
ملك : إيه اللي أقول قدام ملك ما تقول يا ابني شوقتني
إياد : إللي حصل يا ستي إنه فيه واحدة حلوة زي القمر لون عيونها بني فاتح في غامق كده زي
ملك : إزاي فاتح في غامق
إياد : مش هكمل لو قطعتني تاني
ملك : خلاص كمل كمل
إياد : كنت بقول إيه ...... آه وشعرها أسود في أصفر وطويل شوية صغيرين كانت بتقولي إنه أنا
وعد : قبل ما تكمل اتفضل برة
إياد : ليه يعني أنا عايز أتكلم معاكي
وعد : مفيش بيني وبينك كلام ويلا اتفضل برة
إياد قرب من وعد ببطء وهو يتقدم إلي الأمام وهي تتراجع إلي الخلف وملك واقفة مكانها بتبص عليهم و بتبتسم حتي خبطت وعد في الحائط واياد قدامها لا يفصلهما إلا بضع سنتيمترات واقترب إياد من أذني وعد وهمس ببعض الكلمات وبعدها قالت وعد : خلاص خلصت كلامك
إياد : أيوة خلصت يا وعدي
قامت وعد بضربه في رأسه وقالت : دي علشان قربت مني جامد وبعدها ضربته تحت الحزام وقالت : دي علشان جيت عندي في شغلي وخليت صحبتي دلوقتي تتغزل فيك وسايبني قاعدة احزر وافزر
إياد : اهههههه يا بنتي أنتي لسه مبطلتيش الضرب إللي بتضربيه ده
وعد : ولا هبطله ويلا برة من غير مطرود
إياد : أنا هخرج دلوقتي ....... بس متنسيش إللي قلته ....... سلام وعدي
وعد : ايااااااد للمرة المليون أنا مش وعدك ويلا برة
ملك : خلاص يا ستي طلع
وعد : أحسن ....... وغير كده أنت قاعدة تعكسي في الولد قدامي و قدامه يعني مفيش أي شوية دم في الموضوع خالص
ملك : اخدنا منه إيه وغير كده الولد قمر والله ومش عارفه جالك قلب إزاي تزعقي له
وعد : طب بس بس يا عم الحنينة وخلصي الشغل علشان عاوزين نمشي بسرعة
ملك : حاضر يا أختي كلها خمس دقائق والمعلومات هتيجي وبعد كده هنطير من هنا علي البيت وبعدها تكملي ليا الحكاية
وعد : أنا حاسة إنك عاملة إللي بحكيهولك مسلسل في التليفزيون
ملك : شاطرة عرفتي لوحدك ولا حد قالك عليها وغير كده يلا بسرعه أنا خلصت أهو
وعد : ملك خلصي يلا علشان عايزة أمشي من هنا
ملك : حاضر هخلص ....... بس قولي لي لسه معاكي
وعد : آه لسه معاكي
ملك : طب هتسيبي ولا ايه
وعد : معتقدش أنا مستريحة كده
ملك : طب تمام يلا نخلص الشغل
بعد إنتهاء وعد وملك من الشغل اتجهوا للتسوق وبعدها اتجهوا للمنزل
في الليل
ملك : بصي يا ستي الشيبسي أهو والكولا أهي والمية أهي والأكل أهو وكل حاجة موجودة يلا اتفضلي كملي
وعد : هههههههه أنتي صدقتي إنه مسلسل ولا ايه
ملك : وعد مضيعيش في الوقت ويلا احكي
وعد : حاضر يا ستي هحكي
بعد ما سمعت كلام نور قفلت معاها وقضيت ليلتي أفكر في كلامها وأقول: أنا فعلاً بحس بحاجة تجاه إياد طب إزاي مش بقالي اسبوع أعرفه واخر ما زهقت من التفكير روحت نمت
صحيت تاني يوم ناوية أقطع صلتي بيه والسبب وراء ده أنه مش عايزة قلبي يتعلق بحد فأخذت قرار إنه لازم يطلع من حياتي مرة وإلي الأبد
طول اليوم وأنا مستنية علشان إياد يفتح وأقطع علاقتي بيه لكن هو مفتحش خالص طول اليوم فاستنيت لحد ما نور فتحت ورحت اسألها
في شات نور
وعد : نور ...... نور
نور : نعم يا وعد إيه أخبارك
وعد : أنا تمام الحمد لله بس كنت عايزة أسألك عن إياد
نور : هو لسه مفتحش
وعد : لا لسه ومش عارفه هو ماله ولا ايه إللي حصله
نور : طب أهدي أنتي الأول وبعد كده نشوف حل نعرف بيه الموضوع
وعد : حاضر أنا هديت ...... نور ممكن تسألي مالك عنه لو سمحتي
نور : كنت هساعدك يا وعد بس والله لسه قافلة معاه من شوية وهو راح الدرس ومش عارفه هيرجع أمتة وغير كده هو قال إنه بعدها مش هيفتح علشان هيذاكر
وعد : طب تمام
نور : وعد أنتي بتحبيه
وعد : لا مش بحبه وغير كده أنا الليلة دي هنهي كل حاجة أعتقد الاسبوع خلص
نور : أولا لسه فاضل يوم لحد ما يخلص وعارفة إنه مش كامل بس فاضل شوية ساعات لحد ما يخلص ويا وعد اعترفي إنك حاسة بحاجة تجاهه
وعد : لا مش هعترف بحاجة لأنه مفيش حاجه أصلا وأنا مش بحب حد ولا هحب حد قلبي ملكي أنا ومش هيكون ملك حد تاني
نور : أنتي خايفة ليه اعترفي إنك حبتيه يمكن اسبوع إللي عدي بس أنتي اتعلقتي بيه جامد
وعد : نور كفاية كده أنا قلت مش بحبه يعني مش بحبه
نور : تمام براحتك ......... استني ثانية علشان مالك بعت ريكورد
وعد : تمام
بعد دقيقتين
نور : وعد ...... وعد ....... وعد
وعد :نعم يا نور فيه إيه
نور : مالك بعت ريكوردين
وعد : أيوة وبعدين
نور : واحد فيهم بيقولي ابعته ليكي وقالي إنه إياد إللي بعته
وعد : تمام يا نور ابعتي
بعتت نور الريكورد ووعد بدأت تسمعه وكان إياد هو إللي بيتكلم وكان بيقول : أنا آسف وعدي معرفتش أفتح واكلمك طول اليوم بس أنا حالياً في المستشفى لأني اتخبطت في رجلي وشكله حصلت حاجة فيها وداخل حالياً العمليات متزعليش مني وعدي بس مكنتش عارف أفتح واكلمك أنا آسف وعدي وأكيد أنتي مش هتزعلي مني علشان قلت لك وعدي صح أنا بحبك يا وعدي
ما أن سمعت وعد الرسالة حتي بدأت عيونها تمتلئ بالدموع وبعد انتهاء الرسالة ذهبت لنور
في شات نور
وعد : نور ....... نور .....الحقيني إياد في المستشفى
نور : وأنتي إيه يهمك في الموضوع مش كنتي ناوية تنهي العلاقة دي الليلة دي
وعد : مش وقته يا نور بس المهم اتصلي علي مالك وخليه يكلمني عايزة أكلم إياد
نور : آسفة يا وعد بس للأسف إياد دخل العمليات من شوية وحالياً مالك معاه
وعد : طب تمام سلام
نور : خدي هنا عايزاكي
وعد : نعم
نور : بصي يا وعد أنتي لازم تعترفي إنه فيه حاجة ولا مكنتيش بتسألي عليه بالطريقة دي ولا حتي خايفة عليه أنا مش بقولك كده علشان إياد أنا بقولك كده علشان نفسك
وعد : نور هنتكلم بعدين سلام
وبعدها قفلت مع نور وفضلت في اوضتي مستنية لحد ما الليلة دي تعدي وتيجي الليلة إللي بعدها علشان إياد يكون طلع من العمليات واقدر أكلمه وتاني يوم بالليل لقيت إياد بعتلي رساله بيقولي : وعدي عاملة إيه
وعد : إياد أنت كويس صح وايه إللي حصل معاك امبارح
إياد : أهدي بس أنا تمام الحمد لله
وعد : الحمدلله وايه إللي حصل معاك
إياد : يا ستي كنا بنلعب كورة وأنا بلعب فيه لاعب ضربني في رجلي وبعدها اتكعبلت وخبطت في العارضة برجلي فدخلت المستشفى وكانوا هيجبسوا رجلي وخلاص بس هما لاحظوا إنه فيه حاجه في رجلي فقرروا يعملوا ليا عملية
وعد : تمام وأنت كويس دلوقتي
إياد : أنا تمام ...... وعد هو الكلام إللي قالته نور صح
وعد : كلام إيه
إياد : نور قالت إنك كنتي بتكلميها امبارح وسيرتي جات في الموضوع فاللي قلتيه بجد
وعد : إللي أنا قلته
إياد : أيوة إللي أنتي قلتيه
وعد : إياد أسمع
إياد : نعم
وعد : أنا عايزة اقولك أنسي كلام امبارح ده خالص أنا عايزة أقولك حاجة ثانية مهمة جداً وهي أني بحبك
إياد : بجد بتحبيني
وعد : أيوة أنا بحبك يا إياد
إياد : طب إزاي أنسي كلام الليلة إللي فاتت ده معناه إنه أنتي مكنتيش ......
وعد : مكنتش ايه
إياد : مكنتيش خايفة عليا خالص
وعد : لا كنت خايفة عليك .......بس هي نور قالت إيه بالضبط
إياد : قالت إنك كنتي خايفة عليا وطلبتي منها تخلي مالك يكلمني
وعد : تمام
إياد : هو أنتي قولتي حاجة ثانية
وعد : لا مقوليش حاجة خالص
إياد : تمام
وفضلنا طول الليل نتكلم ونضحك .......
ملك : سكتي ليه
وعد : الحكاية خلصت
ملك : إزاي خلصت لسه بدري
وعد : بدري إزاي مش فاهمة
ملك : قصدي بدري لأنه لسه لازم تقولي له عن عم.......
وعد : يعني أنتي عارفة كل حاجة
ملك : لا مش كل حاجه بس والنبي كملي يا وعدي
وعد : بكرة أن شاء الله
ملك : طب فين التشويق في ده
وعد : ما هو أنا مش هخلي فيه تشويق لأنه بكرة ورانا شغل ياما وهتوجعي دماغي فهتستني كده لحد بكرة
ملك : خلاص يا ستي يلا تصبحي على خير
وعد : وأنتي من أهله
وبكده يكون الفصل ده أنتهي وياريت يعجبكم ولو فيه أي غلطات في الكتابة أو في الأفكار أو في طريقة السرد الرجاء إخباري لأني ما زلت مبتدأة وشكرا
أنت تقرأ
حبيبي الالكتروني
Teen Fictionقصة عن حب عبر وسائل التواصل الاجتماعي وهل يا تري سوف يستمر أم لا
