حبيبي الالكتروني

الحلقه 7

توقفنا عندما كانت روح تبتعد عن وعد ورحمة طلبت تقابل وعد
                   في اليوم التالي
ملك : وعد اصحي يلا
وعد : فيه إيه يا بنتي بتصحيني ليه
ملك : اصحي يا بنتي شوفي مين هنا
وعد : أيا يكن إللي هنا يجي بعدين
ملك : علي فكرة الظهر إذن وصلاة الجمعة خلصت ويلا صلي وتعالي شوفي
وعد : حاضر نصف ساعة وجاية
ملك : تمام وأنا هحضر عصير
وعد : تمام روحي يلا
استيقظت وعد وتوضأت وصلت وطلعت برة
وعد : آسفة علي التأخير
إياد : ولا يهمك يا وعدي
وعد : إياد ....... إياد أنت هنا بتعمل إيه
إياد : أهدي بس يا وعدي
صوت من خلف وعد : مش لوحده يا وعدي
استدارت وعد وتفاجأت ممن خلفها
البنت : إيه يا وعدي نستيني أنا كمان
وعد : نور ...... أنتي بجد نور
نور : آه يا وعدي نور أنا نور وحشتيني اوي  وعارفة يا وعدي أنا هنفذ الوعد إللي وعدتك بيه
وعد : وعد إيه
مسكت نور أيد وعد وحطتها علي بطنها وقالت أنا حامل يا وعدي وطلعت بنت واسمها هيكون زي ما وعدتك يا وعدي
وعد : بجد أنتي حامل 
نور : آه يا وعدي أنا حامل عارفه مين
وعد : مين اوعي تقولي مالك
نور : آه للأسف يا وعدي كنا هنكون جيران بس لو كنتو كملتوا
وعد : كل شيء قسمة ونصيب
نور : يعني أنتي مسامحاني يا وعدي
وعد : مسامحاكي يا نوري لأنه مش هقدر أزعل منك خاصة وفيه معاكي نونو صغير
نور : حبيبتي يا وعدي ...... نستأذن إحنا بقي
وعد : لا افضلي معانا يا نور اتغدي معانا وغير كده أنا عايزة أشرب شاي
ملك : يا ناس نحن هنا
وعد : نسيت اعرفكم ..... نور ملك ......  ملك نور
ملك : أهلا نور
نور : أهلا وعدي نسيتي تعرفيها علي إياد
ملك : لا أنا عارفاه وعارفاه كويس كمان صح يا إياد
إياد : فعلاً هي عارفاني وشيفاني وأنا بنضرب
ملك : هههههههه حصل كان حتة قلم
إياد : خلاص يا أستاذة ..... يلا بينا
نور : وعدي لازم أمشي
وعد : تمام براحتك يا نور
ملك : ابقوا زورونا مرة ثانية
نور : أن شاء الله
غادرت نور ومعاها إياد
ملك : إيه يا وعد
وعد : إيه
ملك : هتكملي إللي حصل ولا لأ
وعد : بالليل يا ملوكة لأنه النهاردة عندنا شغل
ملك : شغل إيه النهاردة الجمعة
وعد : أنا ورايا
ملك : وراكي إيه ....... آه عايزة تكلميه طب يا ستي براحتك اتفضلي وأنا علشان عارفه إنك هتنامي بعدها فهصحكي بعد العصر تمام
وعد :تمام يا لوكة سلام
غادرت حور إلي غرفتها وملك قامت بتنظيف الشقة بعد أذان العصر
ملك : وعد ....... وعد أصحي يا وعد
وعد : إيه يا ملك فيه إيه
ملك : أصحي العصر اذن
وعد : تمام صاحية
ملك : وعد فونك مفتوح
وعد : يعني
ملك : وعد أنا عايزة أعرف بتقولي إيه علشان كل لما تتكلمي تنامي
وعد : ملك أنتي قلتي أني أقدر أتكلم براحتي ومش هتسأليني أنا بقول إيه زي ما أنا مسألتكيش لما كان معاكي
ملك : خلاص يا ستي مش هسألك تاني
وعد : تمام يلا
ومضي بقيت اليوم دون أي أحداث تذكر معهما
              في الليل
ملك : بصي يا وعد أنا جهزت كل حاجة وجبتها هنا فابداي بقي
وعد : تمام يا ستي هبدأ ........
في الليلة دي قعدت أفكر هعمل إيه لحد ما إياد دخل كلمني
إياد : وعدي إيه الأخبار كنتي فين مسألتيش وقلقت عليكي
وعد : آسفة إياد بس انشغلت شوية
إياد : إيه يا وعدي فيه إيه
وعد : مفيش أنا تمام
إياد : تمام ...... وعدي ممكن اطلب منك طلب
وعد : اتفضل
إياد : ممكن صورة ليكي
وعد : ليه يعني
إياد : إيه إللي ليه يعني أنا عايز اشوفك
وعد : تمام بس إزاي
إياد : ابعتي صورة ليكي
وعد : تمام هبعت
وبعدها بعت الصورة ولما بعت الصورة كنت مضايقة مش عارفه ليه حسيت إنه فيه حاجه غلط لما ابعت الصورة دي والغلط إنه أنا كسرت تربيه أبويا وثقته فيا  وكسرت تعاليم ديني لما قلت له وإنه الارتباط في السن دي كان تدمير لحياتي لأنه المشاعر في الوقت دي غلط
المهم قعدنا نتكلم شويه وفي الآخر قفلنا وتاني يوم العصر لبست وطلعت علي بيت روح جبتها علشان نمشي وفضلنا طول الطريق ساكتين لحد ما دخلنا عند رحمة
                  في بيت رحمة
رحمة : تعالوا يا بنتي واقفين ليه
وعد : عاملة إيه يا رحمتي
رحمة بشك : أنا تمام تعالوا يلا
دخلنا عندها وطلبت مني أروح أعمل شاي وافقت لأنه مش أول مرة تطلب مني ده فروحت المطبخ أعمل شاي خلصت وأنا داخلة الاوضة
رحمة  : أنتي متأكدة من إللي بتقوليه
روح : أيوة متأكدة هي ورتني صورته والشات بتاعهم
رحمة : ما دام كده فأنا كمان هبعد يولعوا الصحاب إللي زيها
روح : فعلاً إحنا كنا بنعتبرها صحبتنا بس يلا مش مشكلة واحدة وراحت .... لا واحدة إيه .... واحدة رخيصه وراحت وأحنا هنبعد عنها دلوقتي بس إزاي
رحمة : أنا هقولها في وجها الكلام ده أنا مش عايزة صحاب زي البت دي وأنا إللي كنت مخدوعة فيها طول الوقت ده إزاي مكشفتهاش من الأول تيجي بس وهقولها
بعدها دخلت الاوضة وحطيت الشاي وقعدت ولاحظت نظرتهم ليا فبعدها رحمة أتكلمت وقالت : وعد أنتي اطلعي من حياتي ومن حياة روح كمام
وعد : إيه إللي بتقوليه دي يا رحمتي 
رحمة : اياكي تقولي ليا الإسم ده تاني أنا مش رحمتك ولا هكون أنتي واحدة رخيصة ومش عايزة أكون صحبتك ولو عندك شوية دم اطلعي برة بيتي ومعتيش تيجي هنا تاني أنا ميشرفنيش إنه واحدة زيك تكون صحبتي
روح : وعد لو سمحتي برة وياريت يعني العلاقة إللي بينا تنتهي دلوقتي
وعد : تمام براحتكم أنا همشي
روح : شوفي إزاي ماشية ورأسها مرفوع فعلاً بنت رخيصه ومغرورة
رحمة : فعلاً مغرورة ومش كويسة ورخيصة
وعد : نسيت تليفوني والله يسامحكم سلام
بعدها طلعت من عندهم روحت لفهدي إللي هيسمعني وهيدلني علي الصح وكمان هرن علي أسدي يجي
                 في بيت فهدي
فهد : وعدي فيه إيه اللي حصل
وعد : فهدي الحقيني هما بيقولوا عليا رخيصة ومش محترمة وبيشتمنوني وبيقولوا علياء مغرورة أنا مغرورة فهدي أنتي كنتي معايا من سنين عمرك شوفتي فيا غرور أو عملت حاجه تدل علي غروري
فهد : طب أهدي بس أنتي واحكي ليا علي إللي حصل
وعد : حاضر هحكيلك وحكيت لفهدي كل حاجة
فهد : أنتي كان لازم تقولي ليا من الأول علشان كنا نعرف هنتصرف إزاي
وعد : آسفة يا فهدي مش هكررها تاني
فهد : مش مشكلة المهم دلوقتي هكلم أسد يجي ونعرف إيه اللي هيحصل وهو إللي هيتصرف واللي يقوله يتنفذ
وعد : فهدي أنتي عارفة إنه كلام أسدي أوامر وأنا عمري ما كسرت كلمته
فهد : تمام يا وعدي هرن عليه يجي
                    في الواقع
ملك : لا والنبي كملي يا وعد
وعد : بكرة يا ملك لأني عايزة أنام
ملك : طب ماشي بس مش هتصرحي باسم فهدك ابدا
وعد : بكرة أو بعده المهم مش دلوقتي وعلي فكرة أنتي عارفاها
ملك : خلاص نكمل بكرة أن شاء الله
وعد : إن شاء الله
ملك : مش هتوقفي تتكلمي معاه
وعد : معتقدش
ملك : براحتك بس أعتقد كفاية كده بس في الأول والآخر القرار قرارك
أنتهي البارت ده وياريت يعجبكم ولو فيه أي غلطات في الكتابة أو في الأفكار أو في طريقة السرد الرجاء إخباري لأني ما زلت مبتدأة