حبيبي الالكتروني

الحلقه 6

توقفنا عندما علم إياد بحب وعد ليه وقضوا الليل يتكلمون ويضحكون
في مكتب وعد
ملك : وعد هو أنتي حبيتي إياد بجد
وعد : ليه السؤال ده دلوقتي يعني
ملك : بسأل بس يعني عادي
وعد : هتعرفي في نهاية القصة
ملك : أنا لسه هستني
وعد : أيوة استني يمكن أنتي عارفة شوية من القصة بس مش القصة كلها
ملك : طب هتكملي أمتة
وعد : بصي إحنا عندنا شغل هنخلصه ونطلع علي الجيم وبعد كده نروح نأكل ونكمل تمام كده
ملك : هو لازم نروح الجيم النهاردة يعني
وعد : آه لازم وخلصي الشغل علشان عايزة أمشي
ملك : خلاص يا ستي هنخلص ونمشي كده كده مش فاضل شغل ياما
أنتهي كلا من وعد وملك من الشغل وذهبوا إلي الجيم
ملك : متضغطيش علي نفسك
وعد : وأنا من أمتة بعمل كده
ملك : هههههههه والله آخر مرة روحنا المستشفى واتمنعني ندخل الجيم غير مرة في الأسبوع أو مرة في الشهر
إياد : وعدي أنتي بتلعبي رياضه وكمان دخلتي المستشفى
وعد : إياد حاجة متخصكش وآه بلعب
إياد : أنتي قلتي لي إنك بتلعبي رياضه بس مش قلتي إنك بتضغطي علي نفسك
وعد : أنا قلت أنا بلعب رياضه لما أكون زهقانه وبطلع كل غضبي فيها
إياد : يعني أما مصدر إزعاج ليكي يا وعدي
وعد بكل برود : آه
إياد : إيه البرود ده كل ده علشان شكيت فيكي ومسألتكيش الاولغ ونسيت
وعد : أولا المرة الجاية متنساش ثانياً يا ريتك كنت نسيت بس ومشكتش علشان أنا قلت لك إنه لازم تثق فيا وغير كده اكتر من مرة شكيت وكنت بعدي بس آخر مرة دي لا مش هعديها يا إياد ويلا اتفضل برة عايزة أخلص
إياد : حاضر يا وعدي براحتك
وعد بصراخ : اناااااا مش وعدك يا اياااااد ومعتش تنادي عليا بالاسم ده
ملك : استاذ إياد لو سمحت برة
إياد : لا استجابة
ملك : أستاذ إياد يا حلو يا قمر أنت يلا برة
وعد : أنتي بتطرديه ولا بتعكسيه
ملك : الاتنين ما هو أصله حلو أعمل ايه
إياد : دي حتي صحبتك بتقول عليا حلو سامحني بقي
وعد : بررررررة ..... برة يا إياد
خرج إياد وهو حزين لكن هو مصر علي أن تسامحه وعده
ملك : حرام عليكي الولد حلو وقمر
وعد : يا شيخة انهدي أنتي أصلا مدلوقة علي كله
ملك : أنا عملت إيه ويلا الكوتش بينادي
وعد : إسمه كوتش ..... طب يلا يلا
بعد ساعة انتهت ملك من التدريب
ملك : وعد كفاية ساعة ويلا بينا بقي
وعد : لسه معايا شويه
ملك : وعد مش عايزين نروح المستشفى النهاردة
وعد : متخافيش كمام ساعتين بس
ملك : وعد لا يعني لا ويلا بينا
نظرت وعد لملك نظرة مرعبة ثم قالت بهدوء مرعب قليلاً
وعد : ملك كمان ساعة
بعد ساعة
ملك : يلا بينا والنبي
وعد : يوووووه
ملك : وعد آخر مرة سيبتك علي راحتك وروحنا المستشفي
وعد : خلاص يا أختي يلا بينا
غادرا وعد وملك إلي بيتهما
ملك : يلا بينا
وعد : حاضر نصلي الأول وبعد كده نكمل
ملك : يلا بينا
ادي كل منهما فرضهما
وعد : وقفنا امبارح لما اعترفت بحبي وقعدنا نتكلم
في شات نور
وعد : نور أنتي قولتي لاياد أني خوفت عليه امبارح
نور : آه قلت له ..... إياد كان طالع من العملية بيسأل عليكي وبيسألني ردة فعلك لما شوفتي الرسالة أقوله إيه وقتها أقوله أنها خايفة بس مش عايزة تعترف أقوله هي بتحبك بس مش هتقولك أقوله إيه
وعد : أنا اعترفت له
نور : إيه .... أنتي قولتي إيه
وعد : إيه قولت له
نور : وعد قولتي إيه اوعي تكوني قولتي له نبعد الولد لسه طالع من العمليات
وعد : نور ممكن تهدي أنا اعترفت له بحبي
نور : ايه أنتي قلتي إيه بجد أنتي اعترفتي
وعد : آه والله اعترفت
نور : ألف مبروك يا وعد
وعد : تمام ... سلام دلوقتي
نور : سلام
بعد كده قعدت أفكر في إللي قلته وإني هعمل ايه دلوقتي بعد ما اعترفت بحبي
وفضلت أفكر في ردة فعل روح ورحمة إيه هو
في الواقع
ملك : ده معناه قربنا علي النهاية
وعد : آه فاضل شوية .... ومتقطعتنش
ملك : طب كملي
فكانت بتمر الأيام عليا أنا واياد وكنا مبسوطين وكل حاجة وفي مرة قررت خلاص أني أقول لروح علي حبي بس الأول أختبر إياد وعملت كده بمساعدة رقمي الثاني
تاني يوم في شات وعد وإياد
وعد : إياد أنا عايزة أقولك حاجة مهمة
إياد : إيه يا وعدي
وعد : أنا عايزاكي تكلم عمتي سارة
إياد : تمام براحتك بس أنا كنت عايز نفضل مع بعض شوية من غير ما حد يعرف بس ما دام أنتي عايزة تعرفي حد براحتك
وعد : يعني أنت موافق
إياد : موافق علشان وعدي بس
وعد : تمام يا قلبي هي عندنا هجيبها واخليها تكلمك
إياد : تمام يلا بسرعه
في شات عمتي سارة وإياد
سارة : إياد
إياد : نعم
سارة : أنا عايزة اعرف أنت بتكلم بنتي ليه وعايز إيه منها
إياد : بصي حضرتك أنا بحب بنتك جامد وبكلمها علشان كده
سارة : طب ممكن أفهم شغل مراهقة دي هينتهي ولا إيه
إياد : لو سمحتي أنا بحبها ومش شغل مراهقة ولا حاجه أنا فعلاً بحبها والا مكنتش وافقت كلمت حضرتك
سارة : فعلاً مكنتش وافقت بس أعرف بنتي حساسة وباين عليها بتحبك مضيعهاش من ايدك ومتخلهاش تعيد ولا أي حاجة تحصل معاها تخليها حزينة
إياد : ده وعد مني لحضرتك
سارة : تمام يا أبني سلام أنا
إياد : سلام
بعد ما إياد كلم عمتي إللي هي أنا برضه أنا اطمنت وقررت إنه بكرة هقول لروح علي كل حاجة أما رحمة فهستني شوية لأنه هي هتخليني أبعد وأنا مش هعرف أرفض
في شات وعد وإياد
وعد : إياد هي عمتي قالتلك إيه قولي
إياد : مش حاجة مهمة المهم خلينا في موضوعنا
وعد : إياد أنا هقول لصحبتي بكرة
إياد : أي واحدة فيهم ..... أنتي قولتي إنه رحمة أقرب واحدة ليكي يبقي أكيد هتقولي لها
وعد : هي فعلاً أقرب واحدة ليا بس هي لو عرفت إنك موجود هتشتمك وتعمل ليك بلوك
إياد : للدرجة دي
وعد : آه للدرجة دي واكتر من كده لأنه هي بتخاف عليا جامد لدرجة ممكن تعمل أي حاجة علشان محدش يأذيني
إياد : ربنا يخليهالك
وعد : يا رب
بعد ما خلصت مع إياد تاني يوم روحت لروح علشان أتكلم معاها شوية
في بيت روح
وعد : روح ..... روح
روح : تعالي يا وعد
وعد : جيت .... أنتي فين يا بنتي مختفية فين كل ده
روح : أنا هنا بس أنتي مش بتسألي المهم قولي لي إيه الأخبار معاكي وايه إللي حصل في الإجازة لحد دلوقتي
وعد : روح أنا فيه موضوع مهم جداً عايزاكي فيه
روح : إيه هو قولي
وعد : بس اوعديني متقوليش لحد حتي رحمة متقوليش ليها
روح : موضوع مهم ومتقوليش لرحمة يبقي حاجة جامدة اوي
وعد : آه فعلاً حاجة جامدة بس مش للدرجة دي
روح : طب قولي فيه إيه احكيلي
وعد : روح ..... أنا عندي حبيب
روح : بطلي هزار أنا عارفة إنك بتهزري صح
وعد : لا مش بهزر فعلاً أنا عندي حبيب
روح : طب قولي لي اتعرفتوا إزاي ومين أين وهو معنا ولا لأ طب هو في سنة كام
وعد : بالراحة شوية أهدي بس وأنا هجاوبك واخبرت وعد كل شيء حدث
روح : طب كل ده ومتقوليش طب كده عدي قد إيه وأنتو مع بعض
وعد : تقريباً شهرين وداخلين علي الثالث أهو
روح : وعد أنتي بجد حبيتي وبالسرعة دي طب إزاي
وعد : والله ما اعرف يا روح بس هو ده اللي حصل روح : طب تمام
وقعدوا يتكلموا شوية عن إياد وعن نور وعن كل حاجة ونصحت روح وعد تقول لرحمة ووعد وافقت بس قالت مش دلوقتي وعدي يوم وراء الثاني وراء الثالث لحد ما لاحظت إنه روح بتزن دائما علشان رحمة تعرف وانه كمان روح بتبعد شوية بشوية لحد ما في ليلة اتصلت رحمة عليا وقالت إنها عايزاني وقالت أجيب روح معايا وقولي لها أنه رحمة عايزاها في الموضوع إللي بينكم ووقتها عرفت أنه رحمة عرفت كل حاجة وبعد كده .......
في الواقع في الوقت الحالي
ملك : سكتي ليه والنبي كملي
وعد : ملك مش النهاردة وغير كده أنتي قربتي تدخلي
ملك : أنا عارفة إنه محدش كان عارف بصداقتنا وده فادنا وغير كده اللقب إللي كنتي بتنادي عليا بيه كان بيساعد
وعد : صح ويلا لأنك قريب هتدخلي القصة
ملك : طب كملي شوية بس
وعد : لا يعني لا بكرة ورانا
ملك : وعد بكرة الجمعه
وعد : طب يلا ننام
انتهي الفصل ده ويا ريت يعجبكم الفصل ولو فيه أي غلطات في الكتابة أو في الأفكار أو في طريقة السرد الرجاء إخباري لأني ما زلت مبتدأة وشكرا