حبيبي الالكتروني

الحلقه 13

توقفنا عندما قررت وعد أن تبتعد عن أسد وأسد حالياً ذاهب إلي الكلية
ورغم أني قررت أبعد أسد عني إلا أنه هو مبعدش عني خالص ولا حتي حاول يسأل أنا بعمل كده ليه لأنه عارف إنه أنا معنديش سبب أقوله ليه فقرر أسد يخلي الفهد معايا للأبد وراح علشان يكلمها
أسد : ألو يا فهد أنتي فين
الفهد : أنا موجودة بس أنا معتش هكون الفهد يا أسد
أسد : خير فيه إيه حصل
الفهد : أسد وعد بتتغير بشوفها طول الوقت منهارة وبرضه مش عارفه أعمل ليها حاجة وحتي بعد حكاية الجروب طلبت منها معدتش تقولي يا فهدي
أسد : عملتي ليه كده وعد حالياً محتاجة ليكي
الفهد : أسد وعد محتاجة اسدها مش محتاجه حاجه ثانية ..... يمكن الفهد هي إللي بتحميها وتساعدها بس الأسد هو مصدر قوتها وطاقتها
أسد : حالياً الفهد هو إللي لازم يعمل كده لحد ما الأسد يرجع
الفهد : أنت قلت هتسافر فين بعد الجامعة......أميركا صح يا أسد
أسد  : فهد خليكي مع وعدي وحافظي عليها
الفهد. : حاضر أسد
أسد : هبقي أتصل بيكي اطمن علي وعدي تمام يا فهد
الفهد : حاضر أسد
بعدها من وقت للتاني كان أسد بيتصل بالفهد علشان يطمن عليا لكن كانت حالتي بتسوء كل يوم وكان أسد مش عارف يعمل ايه ولا الفهد عارفه تعملي أي حاجة وأنا كنت بستني شوية وقت يعدوا يكون إياد هدأ وأعرف أتكلم معاه وبعد أسبوع قررت أتكلم معاه
وعد. : إياد ..... إياد والنبي اسمعني بس
إياد : عايزة إيه يا وعد
وعد : صدقني أنا بحبك جامد وأنا عايزاك معايا
إياد : اومال إيه الكلام إللي أنتي قلتيه قدام أسد ده
وعد : أنا زي ما قلت لك مقدرش أرفض أمر أو طلب من أسدي ...... بس لاول مره في حياتي كلها أكسر كلمة أسدي
إياد : يعني عايز إيه
وعد : نرجع يا إياد  ..... نرجع و أوعدك أني مش هسيبك او اتخلي عنك أبدا مستحيل أعمل كده يا إياد
إياد : وأنا إيه إللي يثبتلي ده
وعد : إللي أنت عايزه هنفذه بس نرجع
إياد : هي دي وعدي أنا ..... أنا بحبك يا وعدي متعرفيش أنتي الأسبوع ده كان مر عليا إزاي وقد إيه أنتي وحشتيني وعدي
وعد : وأنا بعشقك يا إياد ...... أنا سبتك أسبوع تهدي فيه علشان لما نتكلم نعرف نتكلم حلو وترضي تسمعني
إياد : بقولك إيه
وعد : إيه
إياد : سيبك من كل ده وخلينا مع بعض شوية
وعد : ما إحنا مع بعض أهو
إياد : مش قصدي كده ...... أنا قصدي إنه أنتي وحشاني جامد ووحشني شكلك وكل حاجة فيكي يا وعدي
وعد : طب أعمل إيه مش فاهمة
إياد : عايز أشوف القمر
وعد : آسفة إياد بس بجد أنا مسحت كل صوري في الاسبوع ده مسحت كل حاجة من عليه
إياد : وايه يعني ..... اتصوري دلوقتي وابعتي الصورة
وعد : اللي هو إزاي
إياد : إيه اللي هو إزاي زي الناس قومي اتصوري وابعتي الصورة
وعد : أنا بهدوم البيت وأكيد مش هتصور بيهم وغير كده لاحظ أنه الوقت متأخر يا إياد
إياد : وعد اتكلمي معايا عدل أنتي فاهمة ..... وايه يعني لما تبعتي هي يعني أول مرة تبعتي ليا فيها صورتك
وعد : مش أول مرة بس .....
إياد : لا مبسش أنتي دلوقتي تروحي تتصوري وتبعي الصورة حالا
وعد : إياد أنا مش هتصور بهدوم البيت أبدا وعن أذنك علشان الوقت اتأخر تصبح على خير
وقبل ما إياد يتكلم كنت أنا قفلت علي طول وفضلت في نقاش مع نفسي وقاعدة أفكر إزاي ..... إزاي ده إياد إللي حبيته أنا سيبته أسبوع واحد بس حصل إيه في الأسبوع ده يخليه يتكلم بالاسلوب ده وآخر ما زهقت من التفكير روحت أهرب من التفكير بالنوم
وتاني يوم لقيت الفهد موجودة قدامي بتصحيني علشان ندرب
الفهد : وعد ..... وعد .... أصحي
وعد : فهدي سيبني أنام شوية ممكن
الفهد : وعد أنا مش أسمي مش فهد أنا أسمي
وعد : لا أنتي فهدي وهتفضلي فهدي للأبد يا فهدي لأني أنا عارفة إنه وقت المشاكل هترجعي فهدي وهتدافعي عني للأبد
الفهد : وعد يلا غيري علشان هنبدأ التدريب علي البوكس النهاردة وبكرة علي الكراتيه وبعده علي المبارزة بالسيف وبعدها الرماية
وعد : إيه كل ده فهدي
الفهد : دي كل حاجة أسد علمها ليا وهو طلب مني أعملها لك
وعد : حاضر يلا بينا عشر دقائق هلبس واجي
الفهد : أنا أخترت ليكي لبس التدريب
وعد : تمام شكراً ....... فهدي إيه اللبس ده ..... ده ضيق جامد اوي
الفهد : ده علشان التدريب وتعرفي تتحركي
وعد : هو أنتي لبستي الهدوم دي قدام أسدي
الفهد : نفس النمط بس مش مبين تفاصيل جسمي أسد اختارهم علشان يكونوا مرحين ومش يزعجوني في التدريب وأعرف أتحرك فيهم واكون مرتاحة قدامه
وعد : تمام هلبس واجي
لبست وعد الهدوم وإللي كانت عبارة عن بنطال ليكرا أسود ضيق وبلوزة قصيرة باللون الأسود وعملت شعرها لوراء علشان تعرف تتدرب بدون ما يزعجها
وعد : الهدوم ضيقة أوي يا فهدي وأعتقد البلوزة قصيرة شوية
الفهد : لا مش قصيرة وغير كده أنا بنت مش ولد يا وعد ..... وخلصي يلا وابدأي التدريب أعملي 30 ضغط من غير ما ترتاحي أو تقفي ولو وقفتي ابدأي من أول وجديد تاني وبعدها ابدأي اضربي الكيس ده لحد ما اجي بس حسبي يجي عليكي بعد ما تضربيه
وعد :  فهمت هبدأ
وبعدها بدأت وعد التدريب وعملت ال30 ضغط من بعد 3 مرات محاولة وبعدها حاولت تقوم تضرب الكيس زي ما الفهد قالت بس كل لما تضربه يجي يوقعها لحد ما الفهد جه
الفهد : أنتي بتعملي إيه
وعد : فهدي كل شوية يضربني
الفهد : أنا قلت لك لو معرفتيش نادي عليا ..... ابعدي كده لما اوريكي
واخدت الفهد قفازات ملاكمة أخري وبدأت تعملها
الفهد : أول حاجة اعدلي جسمك كأني قدامك وراحين نلعب ملاكمة وبعدها ركزي جامد واضربي بكل قوتك ووقت ما تيجي ترتد عندك اضربي تاني وافضلي اضربي وحاولي تتحركي بخفة علشان تعرفي تضربي فاهمة
وعد : أيوة فهمت يا فهدي
وبعدها اتعودت وعد أنها تضرب الكيس بعد ما انضربت منه كذا مرة وبعد ساعة
وعد : فهدي أنا تعبت
الفهد : أنتي اخدتي ساعة واحدة بس يا وعد
وعد : هي ساعة شوية
الفهد : مع أسد كنت بقعد ساعتين ودي كان في أول يوم وبعد كده قعدنا 3 ساعات
وعد : يا لهوي .... بس أنا مش أنتي يعني كفاية كده لو سمحتي
الفهد : تمام خلاص أمشي دلوقتي خدي شاور وارتاحي
وعد : تمام
خلصت التدريب ورحت علشان أكلم إياد
وعد : إياد ..... إياد
اتفاجأت إنه مردش عليا مع إنه كان فاتح ومتصل بس مش بيرد علي رسايلي بس وقفت شكوكي وقلت يمكن حد معاه فونه أو هو فونه مفتوح وهو نايم أو مشغول أو فيه حد جانبه وبعدها روحت نمت صحيت بعد 3 ساعات لقيته باعت ليا رسايل ياما وقاعد يرن عليا وبعدها ببص ألاقي الفون رن تاني
وعد : ألو
إياد : إيه يا هانم لسه فاكرة تردي مكنتيش تردي أحسن أكيد كنتي بتكلمي أسد صح .... أكيد صح هو أنتي أصلا مش شايفاني وراحة تكلميه من ورايا صح
وعد : إياد أنت بتقول إيه أسد في كليته وأنا معرفش عنه حاجة خالص من يوم ما راح الكلية
إياد : والله طب تمام يا وعد ..... معلشي اتعصبت شوية
وعد : لا ولا يهمك
إياد : عملتي ايه النهارده
وعد : مفيش حاجه مهمة أوي يعني بدرب مع الفهد
إياد : بتعملي إيه
وعد : بتعلمني إزاي العب بوكس
إياد : إيه الرياضه دي ..... وازاي اصلا تلعبي من غير أذني
وعد : إياد دي رياضة عادي وغير كده هتعلمني إزاي ألعب المبارزة بالسيف والرماية وكل حاجة أسدي علمها للفهد
إياد : متجببش سيرته تاني أنا أصلا مش بطيقه
وعد : مش بطيقه ليه هو عملك إيه
إياد : علشان هو بيحبك يا وعد ومش عايزه يقرب منك تاني مهما حصل
وعد : طب تمام ممكن تهدي دلوقتي
إياد : حاضر ..... بقولك إيه .... إيه رأيك في الصورة دي
وعد : ....... تعرف أنه كده مينفعش يا إياد وإياك تبعت صور تاني من دي
إياد : والله هو إيه اللي مينفعش أنتي هتكوني مراتي
وعد : بس لسه مكنتش  ويمكن مش هكون
إياد : لا هتكوني وزي ما في الصورة دي أنا عايزك حالا
وعد : دي عمره ما هيحصل ابدا
إياد : وأنا بقول هيحصل
وعد : إياد أنت مش ملاحظ إنك بتتبع شهواتك أوي
إياد : ابعتي يا وعد حالا
وعد : وأنا مش هبعت خالص يا إياد
إياد : أنتي حرة بس لما أزعل منك متقوليش أنا زعلت ليه تمام
وعد : وأنا مش هستناك تزعل أصلا
إياد : طب نفذي يلا
وعد : خليني أكمل جملتي ..... أنا مش عايزة أعرفك تاني أنت مش إياد إللي أنا حبيته في يوم أنت نسخة شهوانية عنه أنا بكرهك أنا أصلا معرفكش مكنتش أعرف أنك شهواني كده وبعدها علي طول عملت بلوك قبل ما يتكلم
                   في الواقع
وعد : فاكر الصورة صح ..... ليا حق اسيبك ولا لا
إياد : فهمت أني كنت غلطان بس نسيب بعض علشان صورة
وعد : أنت لسه مفهمتش أنا مش سيبتك علشان الصورة أنا شيبتك علشان شهوتك سيبتك لأنه محستش بالأمان معاك يمكن رجعنا يومين بس لسه بتمني أنهم كانوا محصلوش يمكن دلوقتي كنا مع بعض أو كنت متقبلاك في حياتي أنا عمري في حياتي ما هتقبل شخص شهواته اتغلبت عليه
إياد : اسمعيني بس
وعد : أسد بكرة كل حاجة تتنفذ كده القصة خلصت
إياد : مين الفهد يا وعد
أسد : الفهد هي ملك يا إياد
إياد : بجد
قامت ملك بضرب رجل إياد وأسد ووقعا علي الأرض
ملك : أسد علشان تقول أنا مين ..... إياد علشان متفكرش تخليني اقربك من وعد
أسد : هردهالك يا ......
الفهد : ما تقول كل القابي وخلاص يا أسد .... ويلا علشان ورانا شغل يوم الأحد
وعد : تمام أكون جهزت كل حاجة
أنتهي البارت ده وياريت يعجبكم ولو فيه أي غلطات في الكتابة أو في الأفكار أو في طريقة السرد الرجاء إخباري لأني ما زلت مبتدأة وشكرا