هو انا وحشه اوى كده لدرجه ان العرسان كلها بتمشي من غير سبب طب العيب فيا ؟ ولو مش فيا العيب في مين ؟ انا تعبت والله ونفسيتي ادمرت بمعنى الكلمه ونفسي ولو مره وحده يا عبير القي السعاده ، نفسي افرح زي اي بنت نفسي البس الأبيض
عبير
هتلبسيه يا وعد وقريبا ان شاءالله وبكره تقولى عبير قالت
وعد
بكره !
على الحال ده بكره مش هيجى ده مافيش مره وحده العريس فضل او حتى قال السبب ، انا تعبت ياربي ساعدني
عبير
ماتقوليش كده بكره ربنا يعوضك عن كل ده احلى عوض وسعتها بس هتقولى ياريتنى كنت صبرت اكتر من كده
وعد
ونعم بالله، يلا انا همشي احسن اخد كلمتين وانا مش ناقصه
مشيت وانا بفكر فى مليون حاجه هو انا فعلا ممكن اتجوز ويبقي عندى عيله صغيره كده واعيش كل التفاصيل الحلوه والوحشه واجرب الشعور ده هل يجي اليوم ده فعلا ولا هبقي عانس فعلا زي مابيقولو عليا
روحت البيت على صوت اهلى كالعاده والمره دى شكله الموضوع كبير لقيت اختى بتشورلي روحتلها
وعد
هو فيه ايه ؟ صوتهم طالع كل ده ليه
ساره بصوت خافت
فى عريس متقدملك وجاي عن طريق ابن عمك وابوكى موافق عليه وامك بتتجادل معاه علشان عايزك تخديه غصب
وعد
مادام جاي عن طريق حبيب القلب اكيد الليله مش هتعدى على خير خالص ، ربنا يستر من إللى جاي ، الله يطمنك يختى ، دايما لحقانى بالمصايب
ماما جات فى اللحظه دى وقال
فى عريس جيلك ياوعد و..
وعد
ما ساره قالتلى من شويه انه جاي عن طريق حبيب القلب ، هو مش كان مخاصمه ومش طايقه ايه إللى حصل وخلاه يرجع يحن تانى ولا هو علشان كلمه بس خايف ل يزعل منه
الام
على العموم شوفيه الأول وبعدين قولى رايك فيه
وعد
طب ماتكملى ، واخد ايه العريس ده كمان وشغال ايه ؟ وساكن فين بالظبط ومستو تعليمه ايه
الام
بيقول متعلم بس ماقلش واخد ايه، اكيد دبلوم ولا حاجه زي كده و شغال فى الإسكندرية وفتح هو واخواته محلات ملك فاكهه وأمه ست طيبه خالص مالهاش دعوه بحريم عيالها وكل وحده عازله فى شقتها لوحديها وعمال ابن عمك يشكر فيه وبيقول انه كويس خالص واسمه حازم وبيقول هو الواد ده أدب ايه واحترام ايه وأخلاق ايه وعمال يشكر فيه وبيقول سأل عليه نتس كتير وكل الناس بتحلف بيه
وعد
طبعا هيشكر فيه مش هو إللى جايبه لازم يطلعه سوبر مافيش منه اتنين ، مين يشهد للعريس
الام
مش جاي عن طريقه ده عن طريق وحد داله علينا وقاله ان عم محمد عنده بنات زي العسل وكان عايز يجيب امه ويجى بس ابن عمك منعه قاله لما اخد رأيهم الأول
أنت تقرأ
مين قال انتى عانس ج٢ للكاتبه " اسو_احمد "
Randomقصة فتاه تعدي سنها الثلاثون عاماً ولم تتزوج ليس لبشاعة مظهرها بل العكس تماماً فهى فى قمت الجمال والدين والخلق ولكن لم يأتى نصيبها بعد ليطلق المجتمع عنها عانس ، ولكن هل سوف يستمر هذا طويلاً ام ماذا سوف يحدث معها ؟ وما مصير الفتاه من لعنة " عانس " له...
