مين قال انتى عانس ج٢ للكاتبه " اسو_احمد "

الفصل الثاني

اكيد تعرفلها واحد علشان كده رفضت عريس زي ده

وقفت مصدومه من جملتها وكأن اتت رصا**صه واخترقت قلبي ، فى اي عالم اصبحنا نحن فيه ! هل لمجرد رفضي لعريس ما اصبحت من المتهمين ؟ ولكن لما هذا الاتهام البشع ، أصبحت الدنيا فى عينى سوداء جدا فقد اكتفيت من هذا الظلم ، اكتفيت من هذه والاتهمات لي ، ولكن ماذا افعل يا الله فليس بوسعي شيئ

افقت من شرودى على صوت اختى وهى تقول
ياااااوعد انتى يابنتى ،  روحتى فين

وعد
هااا

ساره
هااا ايه بس بقالى ساعه بكلمك وانتى لا هنا

وعد
كنتى بتقولى ايه ؟ انجزي مش فيقالك دلوقتى خالص

ساره
كنت بقول ادى اخرة رفضك للعرسان اهو طلعو فيكى القطط الفطسانه ، ولسه ياما هيقولوا

وعد
وحياة امك ياساره ما نقصاكى الساعه دى سبينى فى حالى انا على اخري ، وبعدين آمال لو مكنتيش تعرفي إللى فيها كنتى قولتى ايه ؟ بجد مش مصدقاقي

ساره
هو انا إللى قولت دى الست إللى جوه هي إللى قالت ودلوقتى تشوفي الكلام إللى هيتقال لسه ، فيها ايه لو كنتى وافقتي يعنى كان هيحصل ايه

وعد ببعض العصبيه والخنقه
يعنى مش عارفه انه كل عريس بيجى ويمشي من غير سبب واحد حتى ، انتى نسيتى لما جوزك جه أتقدم واتاخر فى الرد علينا كانت حالتك عامله ازاى

ساره
ايوه كنت على اعصابي بس..

وعد مقاطعه
مافيش بس،  انا مش واحد بس دول كتير اوى وكل واحد يشوف ويمشي حتى ساقط الاعداديه الاخير ده كمان طفش زيهم وانا تعبت ومافيش فيا حيل استحمل صدمه تانى

ساره
بس..

وعد مقاطعه
من غير بس ، انا تعبت من كل إللى بيحصل معايا ومش عايزه غير اخد بريك من تعب الأعصاب ده وانتو كل إللى عليكى وافقي وافقي

ساره
انتى مشكلتك انك بتسمعي لكلام الناس وبتعملى اعتبار ليهم وهو ده إللى جايبك للوراء ، يعنى عايزه تفهمينى انك خلاص كده مش هتوافقي على اي حد يتقدم ؟

وعد
انا مقولتش كده ياساره ، انا قولت عايزه اخد راحه شويه بس مش اكتر ونفسيتي ترتاح حبه وبعدين نشوف الموضوع ده لانى تعبت خالص ومش فيا حيل اتحمل عريس يطفش تانى

سبتها ومشيت وروح عند ماما استنيتها لحد ما الست مشيت وروح دخلت الاوضه وقولت
انتى ازاى تسكتى للست دى تقول عليا كده ؟ ايه قلة الأدب بتعتها دى ، دى جايه فى بيتنا وكمان بتقول الكلام ده عليا ، انا ماشوفتش قلة أدب اكتر من كده بجد

الام
شوفتى يا ست وعد ادى اللى كنت خايفه منه وقولتلك كتير وماسمعتيش الكلام برضه اهو الكلام بدا يكتر عليكى ولسه كمان لما يوصل لقريبك وحالك خلاص وقف على كده ، قولتلك وافقي ماله الواد عماله تقول فيه شعر وأمه ست طيبه وعندها حريم عيالها سيباهم براحتهم و فى واحده مش بتعرف تعمل اى حاجه خالص ووحده شغاله مدرسه وضربينها صرمه خالص وعيشه آخر راحه اهى