ارتاحتى ياختى ، فضلتي تقولى مش عايزه مش عايزاه لحد ما طفش اهو ، اقول ايه عليكى دلوقتى ياشيخه منك لله على إللى بتعمليه فيا ده
هكذا قالت امى بعد ان انتظرنا طويلا قدوم العريس ولكن لم يأتى او حتى اتصل اعتذر مثل ما كان يفعل كل مره
وعد بصدمه
الله وانا مالى هي دى كمان هتجبوها فيا ؟ قولتلكم من الأول لا ومحدش سمع منى ومع ذالك سمعت كلامكم ومشيت الأمور وقولت خلينى اشوف اخرتها معاكم ايه ، طلع مش اد كلمته وقولت اعملولى كرامه ومحدش عبرني وخليتو كرامتى فى الارض ومع كده مفتحتش بوقي بكلمه واحد ، بعد كل ده وكمان الحق عليا ؟
الام
قولتلك امسكى فيه بايديكى وسنانك وانتى من لما جه وشافك قعدتيلى زي البومه ولا ناطقه من فوق ولا من تحت ، عايزاه بعد كل ده يفضل متمسك بيكى ؟ على ايه ياحصره انتى مش بتشوفي نفسك فى المرايه ؟
وعد
انا مش هتكلم ، بصي انا منى لله على إللى عملته فيكم وحسبي الله ونعم الوكيل فيا علشان العريس طفش بسببي ، حلو كده
الام
اهربي اهربي ما ده إللى فالحه فيه اول ما تتزنقي تحبسي نفسك فى الكهف بتاعك ده ، ضربت بيدها على اقدامها اعمل ايه انا دلوقتى بس ياربي واقول للناس ايه ؟ دول كل ما يشوفو وشي يسالو مافيش جديد وكنت بسكتهم بكل عين قويه علشان قولت خلاص العقده اتفكت لكن دلوقتي اعمل ايه معاهم ، مش هقدر اتكلم ولا اطلع من شباك او باب ، اقول ايه عليكى يا وعد يا بت وعد دايما جيبالى الكلام من إللى يسوا واللى مايسواش ، يا ميلت بختى فى بناتى بانا ياما ، أودى وشي منكم فين ؟ صدق إللى قال قال يا مخلفه البنات يا شايله الهم للممات ، ياريتنى كنت جبتكم ولاد احسن ، كان زمانى مرتاحه
الاب
خلاص مالوش لزمه الكلام ده دلوقتى يا ام وعد، انا قولت من الأول محدش سمع كلامى ، مش كان أولى بيها ابن عمها ؟
الام
بص برضه يلف يلف ويقول ايه ، تعرف انا عندى البت تقعد فى وشي بعد الشر يعنى ولا انها تاخد ابن اخوك ايه رايك بقي ، انت شكلك نسيت كل إللى عملوه معانا ايام زمان ، نسيت لما راح فتنك فى اخواتك وجه كلهم بالسلاح وكنت هتموت يوميها لوله الحج احمد ربنا يرحمه هو إللى خلصك منهم ؟ لو انت نسيت إللى اتعمل فيك انا مانسيتش وحسبي الله ونعم الوكيل فيهم كلهم
نهض الاب فلم يعجبه كلام زوجته عن أخيه او إخوته ، يعلم جيدا لو جلس أكثر فا زوجته لم تسكت ولو للحظه واحده وهى تذكره بما فعلوه معه فى الماضي ، لذا قرر الانسحاب من المعركه دون اى كلمه
الام
نفض هدومك وطير ما ده إللى فالح فيه ، كل ما اجيبلك سيرت اخواتك واللى عملوه فيك تمشي وتطير على الاوضه زى العيال الصغيرة، بس انا عمري ما هسمحهم على إللى عملوه فينا زمان وظلمهم لينا انا وبناتى ولو انت نسيت انا مانسيتش ومنهم لله كلهم
أنت تقرأ
مين قال انتى عانس ج٢ للكاتبه " اسو_احمد "
Randomقصة فتاه تعدي سنها الثلاثون عاماً ولم تتزوج ليس لبشاعة مظهرها بل العكس تماماً فهى فى قمت الجمال والدين والخلق ولكن لم يأتى نصيبها بعد ليطلق المجتمع عنها عانس ، ولكن هل سوف يستمر هذا طويلاً ام ماذا سوف يحدث معها ؟ وما مصير الفتاه من لعنة " عانس " له...
