مر الاسبوع بسرعه لياتى اليوم المنتظر ، يوم زواج ابن عم وعد مصطفى كانت الاغاني فى كل مكان والفرحه تملء قلوب الجميع كان الجميع يستعدو إليه وهم فى حالة سعاده غير عاديه
وكانت عائلة محمد تستعد أيضا للذهاب إلى الفرح وهم يرتدون الفساتين والبدل
نظرت ساره إلى وعد فى حاله من الابهار بها وبجمالها الخلاب فرغم بساطة ما ترتديه الا انها كانت ساحره جدا
ساره
اووووه وااااو ايه الحلاوة دى يابنت الايه ، ده احنا هنمو**ت ناس كتير اوى انهارده بالجمال ده
وعد بشرود
هااا
ساره
هااا ايه بس ، بقي انا من بدري عماله اقول فيكى قصائد من الشعر وانتى ولا هنا ، الجميل سرحان فى ايه بقي ؟ اعترفي يلا
جلست وعد على السرير
مش عارف ياساره قلبي مقبوض اوى النهارده وحاسه من الصبح ان فى حاجه هتحصل معرفش ليه ؟
جلست ساره بجوار اختها وهى تربط على كتفها بحنان فى اعتقادها ان اختها خائفه من ان يحصل معها ما حصل معاها ليله البارحه فقد قصت وعد عليها ما حدث
ساره
عارفه ان صعب عليكى بعد إللى حصلك امبارح فى غيابنا بس اتاكدى مهمها حصل او هيحصل انا جنبك والنهارده رجلى على رجلك منين ماتروحى ولو حد كلمك انا إللى هجبلك حقق منهم ، تعرفي انا لو بايدى كنت قولتلك ماتروحيش بس للاسف لو ماروحتيش سواء انتى او انا بابا هيعمل مشكله كبيره جدا
ترقرقت الدموع فى عيون وعد
المصيبه انى عارفه يا ساره ، بس انا مش قادره اتحمل كل ده فوق طاقتى والله
امسكت ساره يد اختها لتقول بحنان
عارفه ياقلبي ، علشان كده بقولك انى جنبك وفى ظهرك مهما حصل وانا متاكده ان ربنا هيجبلك حقق منهم كلهم ولحد مايجى اليوم ده احنا هنتحمل اى حاجه تحصل
الاب من الخارج
يلا يابنات كل ده بتعملو ايه هنتاخر
ساره
يلا
ابتسمت وعد إلى اختها ومن ثم نهضت معاها وهى لا زالت تشعر بشعور سيئ سيحصل معها ومازال قلبيها مقبوض جدا
خرجت الفتيات من الغرفه لتبتسم لهم امهم وتسمى عليهم لكى لا تحسدهم
الام
بسم الله ماشاء الله عليكم يا حبايبي زي القمر ربنا يحرصكم من العين يارب ، ده احنا النهارده هنخطف الانظار والله
الاب
يلا هنتاخر يابنات ، الفرح بداء من بدري والعريس والعروسة وصلو كمان ودخلو على الكوشه
الام
كده احسن برضه علشان نعرف ندخل براحتنا بدل ماكنا نتفعص من الزحمه
الاب
بس عيبه فى حقنا لما نكون قرايب العريس ونروح زى الغرب آخر ناس
الام بمضض
مش هيحصل حاجه ياخويا روح انت واحنا هنيجى وراك مدام مستعجل كده اوى ، هو احنا كنا نعرفهم اوى يعنى دول مابيعرفوناش غير فى المصالح فقد لا غير ، وانا ولا بناتى معترفين بالعيله دى من الأساس
أنت تقرأ
مين قال انتى عانس ج٢ للكاتبه " اسو_احمد "
Ngẫu nhiênقصة فتاه تعدي سنها الثلاثون عاماً ولم تتزوج ليس لبشاعة مظهرها بل العكس تماماً فهى فى قمت الجمال والدين والخلق ولكن لم يأتى نصيبها بعد ليطلق المجتمع عنها عانس ، ولكن هل سوف يستمر هذا طويلاً ام ماذا سوف يحدث معها ؟ وما مصير الفتاه من لعنة " عانس " له...
