PART 26❣️
ကမ်းခြေသည်အုန်းပင်နဲ့ ပနံရတင့်တယ်နေသောပုံရိပ်ကို မှန်တံခါးပေါက်ကလိုက်ကာကို ဘေးသို့ပို့လိုက်လျှင် တန်းခနဲ့မြင်ရ၏။
မနက်ပိုင်းအာရုံဦးအချိန်တွင် လှိုင်းတို့လည်း ပြေပြေလေရှိနေကာ လူအသွားအလာလည်းရှင်းနေသဖြင့် ထိုမြင်ကွင်းကို ဒီလိုရပ်ကြည့်နေရတာကို သဘောကျနေ၏။
ဘာလို့လဲဆို သူ့အနောက်မှာ သူ့ကလေးကပါသူ့မြင်ကွင်းကိုဖြည့်ဆည်းပေးနေတာမို့ပဲ.....
ဦးမောင်ကိုအချိန်ပေးပြီး လျှောက်လည်မည်ဟု ကတိပေးထားသဖြင့် သူစောစောထကာ ရေချိုး အဝတ်အစားလဲ သူမအတွက်ဆင်တူဝတ်စုံကိုပါ ထုတ်ပေးထားပြီးမှ ထရန်ခေါ်နှိုးရပါတော့၏.....
စောစောအိပ်သွားပြီး စောစောမထသော ထိုစောင်ပုံထဲကလူသားလေးကို နှဖူးကနေ မောနီးကစ်လေးပေးလျှင် မျက်ဝန်းအိမ်အရေပြာအောက်ကနေပြေးလွှားနေတာကိုမြင်လျှင် ပို၍အသဲယားလာပြီ....
“ကို့ကလေးက အခုထိမထချင်သေးဘူးပဲ”
ကလေးကိုစောင်ပုံထဲကနေ ပွေ့ချီလိုက်ပြီး ရေချိုးခန်းဘက်ကိုဦးတည်လျှင် လှပစွာမျက်လုံးတို့ကပွင့်လာပြီး သူ့ဆီကရုန်းထွက်ပေမယ့် ခွရပ်အတိုင်းလေးပြန်ဖြစ်တော့သည်။
“ဟွန့်.....ခင်ဗျားက အကုန်လုံးတောင်ပြင်ဆင်ပြီးပြီမှ လာခေါ်တယ်”
သူ့ထက်အရင်ဦးသွားလို့ အလိုမကျ၍စူပုတ်လာသောမျက်နှာလေးအနှံ့ကို ကြောင်လေးတစ်ကောင်လို သူဖွဖွလေးနမ်းလျှင် သူမကရှောင်ဖယ်နေပြန်။
“ကလေးကို မျက်နှာသစ်ပေးမယ် စိတ်မဆိုးပါနဲ့နော်"
သွားတိုက်ပေါ် သွားတိုက်ဆေးထည့်ပေးပြီးမှ ကမ်းပေးလျှင် တစ်ခုခုကိုညစ်ကျယ်ကျယ်လုပ်ချင်သောစိတ်နဲ့လျှိုဝှက်ပြုံးသွားသည်ကိုသိချင်ပေမယ့် မမေးဖြစ်တော့ပဲ ရေဖန်ခွက်ကိုကိုင်၍ သွားတိုက်နေပုံကို Bath tubပေါ်ကနေ ထိုင်ပြီးစောင့်ပေးနေ၏။
အဟိ...
မှန်ထဲက သူမကကိုယ်သူမကြည့်ပြီး ဘာကိုသဘောကျသွားသည်မသိ အသံထွက်ပါရယ်နေသေး၏။
YOU ARE READING
ချစ်မှရမယ် (Complete)
Romance"ငါမင်းကို ချစ်တယ် ဦးမောင်...... မင်းကို ချစ်ရဖို့ ငါအများကြီး စတေးဖို့ စွန့်စားဖို့လုပ်ထားတာ....မင်းငါ့ကို နာကျင်အောင် လုပ်ပြီးတော့မှ ကျေနပ်မှာလားဟမ်" နေမီးပုံ "ကိုနေမီး ခင်ဗျားကို ကျွန်တော်ရင်မခုန်နိုင်သေးဘူး ဒါပေမယ့် ချစ်မှရမယ်ဆိုတော့လဲ ချစ်ကြည...
