ما ذنب حنيني

بارت 5

{{ الأعتذار المتأخر
ك طوق نجاة رُمي لغريق بعد أن فقد حياته }}
( ديل كارنيجي )

.................................................................
ما اروح وياك خلي مثل كل مره يجون يسحلوني من الزنزانه

"اي ممتعود ع احترام انته امشي ويايه اكلك

"رجعت كعدت بالكاع وكتله ما اروح بعده جسمي ما طيبان من تعذيب البارحه

"يا اخي ليش العناد كوم وانت راح تستفاد

"ماااا اكوم خلي يجون يسحلوني..

المترجم :: كوم ويايه

صياد :: اي وين غير اعرف وين ؟

المترجم :: الجنرال يريدك..

صياد :: يا الله

المترجم :: انتضرني هنا خلي اجيبلك هدوم

صياد :: تمام منتضرك..

المترجم :: البس هاي الهدوم وراح نطب ع الجنرال متباوع بعيونه اله من يحجي وياك باوعلي اليه وجاوبني اليه وارجع دنك
ولا تخلي اديك لا بجيوبك ولا تكمشهم ولا تخليهم وراك

صياد :: اي ؟؟

المترجم :: ولا تتخوصر ولا توكف واديك منزلها وبالأستعداد

صياد :: اخذله تحية ؟؟

المترجم :: ههههههه
مو لهالدرجة امشي وياي وراح تمشي الامور مثل ما كتلك
.................................................................

:: اخذو صياد وسبحو بالماي ولبسو هدومه وزينو شعره صفر وضمدو جروحه وطببو لغرفة كاعد بيها الجنرال
قائد أمريكي مسؤل عن السجن كله وعن الجنود الأمريكان بذاك المكان
الكلام الي راح يحجي المترجم وراح نذكره هوه نفسه كلام الجنرال الي راح يحجي
..................................................................

المترجم عن لسان الجنرال :: انته عراقي الأم والأب ؟

صياد :: نعم

المترجم :: سكنت محافظة غير محافظة كربلاء ؟؟

صياد :: لا اني واجدادي ولادتنه كربلاء.

المترجم :: صياد احنه بحثنه بقضيتك وتوصلنا الى انهو انت بريء وما مشترك ويه المجرمين ..

صياد :: ؟؟؟؟؟؟!!!!!!

المترجم :: وحالياً راح يتم اطلاق صراحك من المعتقل وتكدر تمشي وترجع لأهلك.

صياد :: ((بيني وبين نفسي حجيت)) بهاي السهولة اكلتو من عمري سنة كاملة تعذيب وجوع وخوف وتعب وامراض نفسية واخذتو شخصيتي وكرامتي وشوهتو افكاري وعدمتو كل احاسيسي وبالتالي تكلولي انت بريء ؟؟!!