{{ المشكلة هي أن الخيال يبدو مليئا بالمعنى في حين أن الواقع لا معنى له }}
( الدوس هكسلي )
_________________________________________
صحة صياد بعد مدة من الزمن وجان بوقت متأخر من اليل
وكعد يسولف بينه وبين نفسه
ويكول اني شفت احد بالغرفة من وكعت راد يتلكاني منو ؟؟؟
اثناء التفكير صار شي غير حياة صياد
صياد كاعد بزاوية الغرفة
وتايه بالتفكير والغرفة جانت شبه مظلمة
وحس اكو احد ويا بالغرفة رفع راسه وشاف
حنين♡ واكفه كدامه
.......
بصوت هادء ووجه مبتسم وكلام متروس فرح
صياد :: والله عرفت مراح تعوفيني وعرفت الشخص الي جان يريد يتلكاني من وكعت هوه انتي
♡ حنين ♡ :: ليش هيج دتسوي بروحك ؟؟
صياد :: اني خلفت بوعدي الاول وياج وما اجيتج
وهسه وعدتج اجيج واريد اوفي بوعدي
♡ حنين ♡ :: منو كال ما وفيت بوعدك ؟
صياد :: اني اكول
لان ما اجيتج من اجوج ولد عمج
♡ حنين ♡ :: لا حتلو جاي هم مراح تكدر تغير القدر
صياد :: لا اكدر اغيره واخلصج
♡ حنين ♡ :: لا متكدر تغير شي رب العالمين كاتبه
ومن دتحاول تنتحر مراح تشوفني لان الي ينتحر تعرف وين مصيره
صياد :: ماعندي غير طريقة اشوفكم بيها
♡ حنين ♡ :: راح تشوفني مراح اعوفك
صياد :: صدك ؟؟
.....
صياد :: وينج ؟؟؟
وين رحتي
حاجيني ليش متردين عليه
شنو حنونتي هم صعدتي فوك الكنتور هههه
انزلي ينضر عيوني
انزلي وحاجيني هنا
احجي تره مشتاگلچ
لا تبجيني والله تعبت احجي العبره الي بلاعيمي احسها جمرة تنهش برگبتي
احس روحي تتلوع يوميه
مو اجيتي وحاجيتيني وين رحتي
كمت اتوسل بصوت ناصي ومنكسر
ارجعيلي حبابه والله ما افارگچ بعد
والله ابطل من الدوام وابقه كاعد بحضنج
بس ارجعيلي
اعوف اهلي واعوف هلال واعوف الدوام
واعوف كلشي
وابقه يمج
ليش عفتيني شنو الذنب الي سويته حته هيج تعاقبيني
علاوي ابني جيبيليا اريد اشوفج من ترضعي واگزگز عليكم
حنين اروح فدوه لكل حرف من اسمج
ارجعيلي يمن عافيتي ترجع بس بيج
.....
من شفت حنين اجتني
حسيت عقلي رجعلي
بس مو بكامل قوته
بس كمت ادرك واعرف شحجي وشسوي
...
صياد :: الوووو هلال
هلال :: يا بعد كلب هلال شلونك يروحي محتاجني اجيك ؟
صياد :: هلال شفت حنين♡
هلال :: !!!!!!
صياد :: الووو شبيك والله شفتها
أنت تقرأ
ما ذنب حنيني
Mystery / Thrillerملاحضة : لا يسمح لأصحاب القلوب الضعيفة القصة حقيقية ونهايتها مؤلمة جداً
