{{ وليس لنا في الحنين يد وفي البعد كان لنا ألف يد }}
( تتر اجتهاد)
..................................................................
معلومات :: بنص الضحك والسوالف والتبريكات والفرحة الي بالمجلس طلع صوت عالي بنص الديوان شخص صاح بصوت عالي وكال
____________
عثمان :: اخوان جيتكم ع راسنه بس البنت مو لزواج
صياد :: !!!!!
هلال :: !!!!!
شيخ ضاري :: !!!!!
أبو هلال :: ؟!؟!؟
أبو سالم :: ؟؟!!
شيخ ضاري :: أبني أكو شيوخ كاعدين وأكو ناس كبار شنو الي خلاك تحجي من مكانك
عثمان :: شيخ هاذ الي عدنه وانته سمعته ميحتاج اوضح اكثر بنتنه ما تزوج
أبو سالم :: شهالحجي هاذ عثمان الناس دايسين بساطنه
عثمان :: عمي هاذ العدنه وحجينا ماعدنه بنيه لزواج
شيخ ضاري :: أبني أبو سالم أبوها وموافق انت شنو دخلك بالموضوع ؟؟
عثمان :: اني ابن عمها وذول اخوتي كاعدين وهاذ ابويه وذول عمامها ما عدنه بنيه لزواج
صياد :: ( طلع جكارة ورثها وكعد ركبة ونص)
هلال :: أهدء صياد
صياد :: هادء ...
هلال :: كتلك اهدء صياد لا تحجي شي ولا تصرف اي تصرف
صياد :: مابيه شي هادء
هلال :: ولك غير انته خبز ايدي واعرفك من عيونك الخاطري اهدء
صياد :: مارتاحيتله هلال وماشوف بعيوني بس هوه
هلال :: الكبار يحلوها اهدء واخذ الصافي
شيخ ضاري :: ابو سالم عندك كلام تحجي لو نبقه نسمع كلام الزغار ؟؟
عثمان :: احنه مو زغار شيخ هاي الحجاية مردودها عليك
شيخ ضاري :: احنه شيوخ ولد شيوخ وانت بكد ابني ما تعلمني بالي يردن عليه
أبو سالم :: امسحها بوجهي شيخنه
شيخ ضاري :: وجهك ابيض أبو سالم يلا نقره الفاتحة ؟
عثمان :: بنت عمي ناهين عليها وما عدنه بنت لزواج
صياد :: ( بصوت عالي ) أوزن كلامك وقدر الناس الي تارسين ديوان عمك
هلال :: ( بصوت ناصي ) صياااد اسكت
عثمان :: ع راسي الي بديواني بس احنه ناهين ع بنت
صياد :: خلي ابالك الي ينهي ع بنت عمه لازم كد كلامه لان باجر راح اخذها هيه والي نها عليها
أنت تقرأ
ما ذنب حنيني
Mystery / Thrillerملاحضة : لا يسمح لأصحاب القلوب الضعيفة القصة حقيقية ونهايتها مؤلمة جداً
