{{ عد بعض لقاء يمنحنا أجنحة نجتاز الليل بها }}
( نازك الملائكة )
_________________________________________
♡ حنين ♡ :: سلام عليكم..
صياد :: بوووووووويه شمشتاگلچ بوووويه
♡ حنين ♡ :: يا بعد هاي وهاي
________
:: أول حضن صار بيني وبين حنين♡
بهاذ اليوم
نهضت من مكاني
وتسارعت بخطواتي
وصلت يم حنين♡
مرات الانسان اذا جان فرحان بشي
والبهجة تارسه گلبه
من يتقرب من الشي الي جان يحلم يوصله
ويصير قريب عليه يحس هوه بحلم مو واقع
امشي بتجاها
واشوف ابتسامتها
وابدي اشم عطرها قبل لا اوصلها
هالشي حسسني اني بحلم
وجنت خايف لا يطلع حلم وافز منه
ف بقيت اطرد فكرت الحم من راسي واعتبره واقع حته لا افز من النوم
وصلت يمها وكفت وهيه وكفت
صفنت بعيونها
شفت الحب الحقيقي
لمست داخلها
حسيت بنبض گلبها
عيونها سولفتلي شوگها اليه من غير ما ينطق لسانها
فتحت اديناتي وعيوني لمعت من الدموع الي تجمع بيها
سبلت ايدها وشمرت روحها بحضني
حضنتها وغمضت عيوني
حسيت بدگات گلبها امتزجت ويه دگات گلبي
جريت حسرة وهمست بأذنها
________
صياد :: بوووويه يا ريحتچ الطيبه
♡ حنين ♡ :: ( بحزن ) مشتاقتلك
صياد :: مو بكدي ..
♡ حنين ♡ :: الله لا يحرمني من هاذ الحضن
صياد :: ولا يحرمني واخيراً والله ما مصدك حاضنج وانتي بحضني
♡ حنين ♡ :: حبيبي؟
صياد :: وتينه الحبيبج
♡ حنين ♡ :: لا تعوفني ابقه حاضني والله مينوصف أحساسي
صياد :: بوووويه بنيت گلبي
___________
:: بقيت حاضن حنين♡ ربع ساعة
من بعدها بضحكة كتلها تعالي نكعد لا ابوج يطب علينه وننفضح
" والله لو مو ابويه يطب
لو نبي يطب علينه ما اهدك
عوفني الخوف والقلق والتفكير والتعب كله راح بهالحضن
" يلا دامه راح لعد وخري مني خلي نكعد
" لا بعد ما راح كله بقه بس التعب خلي يروح واهدك
" يندار التعب بيه كون
" اشششش اسم الله عليك لا تحجي هيج
صارت لحضت صمت اقل الدقيقة
" ولج شو خنستي حته نفس ماكو هههه
" وحق عطرك غفيت هههه
ضحكت وخرتها من حضني
ورحنه كعدنه ع القنفة
وبدينه نسولف....
_______________
صياد :: اهيم بيچ يا وطن گلبي
♡ حنين ♡ :: النفس اليصعد وينزل انته وربي
أنت تقرأ
ما ذنب حنيني
Mystery / Thrillerملاحضة : لا يسمح لأصحاب القلوب الضعيفة القصة حقيقية ونهايتها مؤلمة جداً
