ما ذنب حنيني

بارت 17

{{ الحب كالقهوة أذا أكثرت منه منعك من النوم }}
[[ مارك توين ]]
........................

صياد :: جعل محد يضحك غيرج
بعد.شعرفتي عني

♡حنين♡ :: بعد هواااي شغلات بس شغلة وحده ضوجتني من سمعتك حجيتها

صياد :: گصر عمري كون مضوجج
شنو الشي الي ضوجج

♡حنين♡ :: صاحبك سمعته يكلك هاي وحده تريدني اتزوجها

صياد :: اي صح مروان هاذه

♡حنين♡ :: اي وكلك اريدك تصاحبها وتوكعها بحبك حته بعدين اكلها اكتشفتج تخونيني ويصير عنده عذر ويعوفها

صياد :: هاذ الحجي شلون سمعتي الخاطر الله كاعده يمنه انتي ؟؟

♡حنين♡ :: اني بصفكم واكفة الي يفصلني عنكم حايط تره اسمعكم

صياد :: اي صح كلي هيج شي شنو الي ضوجج انتي ؟؟

♡حنين♡ :: الي ضوجني انهو سمعتك تضحك ويا وتكله عقلك عقل يهودي

صياد :: ما اعتقد بيها شي !!

♡حنين♡ :: لا بيها اشياء مو شي

صياد :: شنو بيها يعني ؟؟

♡حنين♡ :: هاي بنت مكسورت جنح المفروض تكله يصير رجال وياخذها مو تضحك بوجها وتشجعة ع الخطأ
انت بضحكتك احتمال صرت سبب بدمار علاقتهم وهالشي حرام عليك

صياد :: لا والله مجان قصدي شي بس هيج ضحكت ع تفكيره بس شي اكيد ما سويت الي طلبه

♡حنين♡ :: الله اعلم يمكن سويت

صياد :: لا وحق رمش عينج ما سويت الي طلبه

♡حنين♡ :: تمام ...

" انسانه نضيفة انتي وگلبچ ابيض وتفكرين بغيرج مو بس بنفسج
هالشي حلو

" اكيد اني امشي ضد القاعدة الي تكول
ما دام جلدي سالما مالي ومال الناس
خطأ نشوف شي مو صحيح ونسكت عنه

" حلوة ومثقفة دخيل ربج ولا غلطة

" ههههه ماكو انسان كامل يمكن تلكه بيه كم خصلة سيئة بالبمستقبل

" الخصلة السيئة الوحيدة الي بيج هيه انو مابيج ولا غلطة

" ههه حلو يعني مو خصلة سيئة هاي

" لا سيئة لان ماكو انسان كامل وانتي كسرتي ام القاعدة هاي

" يمه يمه من لسانك
كتبتلك شعر اريد اسمعه الك

" اطلق من يكتبلي شعر
اني كلي جمهورج احجي واسمعج

" الشعر يكوووول
( أحبك )
وسلامتكم

" الله الله الله
وحق جنح جبريل اجمل شعر اسمعة بحياتي
يرحولج فدوه جهالي ال5

" اش اش لا تحجي ع جهالي ما اقبل

" ههههه افديج بسنيني انتي وجهالج
هسه ردت روحي جنت شايل هم عبالي اكو شي مضوجج مني

" انت النسمة الطيبه الي بحياتي
ما اضوج منك
بس هاذ الي سمعته ازعجني لا اكثر ولا اقل

صياد :: يعني بس هاذ الشي ضوجج منيييي ؟؟؟

♡حنين♡ :: اي بس هالشي سمعته عنك وبس

صياد :: ...حنين ♡

♡حنين♡ :: نعم !

صياد :: احبچ يا وطن گلبي

♡حنين♡ :: مجنون ههه

صياد :: والله ما مصدك حبيتيني ودنسولف سوه

♡حنين♡ :: صراحة اني هم لان احنه عاداتنا متسمح لهيج امور ما عدنه وحده تحب وكذا بس القدر اقوه مني ومنك

صياد :: اروح فدوه للقدر الي جمعني بهيج مخلوقة
غير كشخت عيوني انتيييي

..............................

:: استمرت العلاقتي و حنين ♡ 5 أشهر متواصلة اتصالات طويلة
وحب صادق وحقيقي
وسهر واشعار وقضيت اجمل ايام من حياتي وياها بهاي ال5 اشهر
كسرنه قواعد الحب وعبرناها جميعها

معلومة عن الحب
اكو درجات بالحب
1- الهوى :- أول درجات الحب
2-الصبوة :- تعني الهو بالحب والغزل
3-الشغف :- مشتقة من كلمة شغافة وتعني غلاف القلب
4-الوجد :- انشغال النفس بالمحبوب ودوام التفكر به
5-الكلف :- شدت الولع والعذاب في الحب
6-العشق :- فرط الحب وكثرته
7-النجوى :- الحرقة من شدت الحب
8-الوصب :- الألم أو الوجع الآتي من الحب
9-الأستكانه :- مرحلة الذل والخضوع الى الحب
10-الود :- خالص الحب وألكفه وأرقه
11-الخلة :- في هذه الدرجة من الحب تضع المحبوب في مكان مطلق غير قابل بالمشاركة
12-الغرام :- التعلق بالمحبوب تعلقاً لا يستطاع التخلص منه
13-وأخيراً (الهيام) :- المشاعر هنا عديدة ومتنوعة وكثيرة وجميعها وصلت لمرحلة النضوج، والعاشق يكون أشبه ببركان لا يستطيع أن يحتوي النار التي تحرقه من الداخل... فينفجر هياماً وجنوناً.
...
تكملة التفاصيل بالبارت القادم ♡
يتبع....