{{أنوع السعادة كثيرة أجملها لقاء الأصدقاء }}
(( جيم غاريسون ))
..................................................................
هلال :: منووو ؟؟
صياد :: اطلع جباااان ....
هلال :: بووووويه صيااااد بعد روح اخوووك
صياد :: چلب ما تزورني بالسجن .
:: حضني ويبجي بحركة ويصيح اني مو خوش صديق عفتك وحدك اني ما استاهل صداقتك اني و اني و اني ..
"لا تحجي هيج ع روحك حبيبي الي صار صار وهاذ اني كدامك ومابيه شي
"اذوك صياد شسوولك ولك ضعفان وصايره عيونك بنگره
وشنو هاي الاثار الي ع جسمك وايدك
"عذبوني هلال عذبوني ولوعو كلبي وتعبوني
"يا بعد عمر اخيك شسوو بيك
"كهربوني و سهروني وجبروني اسوي امور عمري ما مفكر اسويها
سهروني ليالي وضربوني وكرامتي راحت من وراهم
شتمو ابويه الله يرحمه وخلوني بالانفرادي ايام وليالي
جوعوني هوااااي وعطشوني
تلاعبو بمشاعري
حرموني من اهلي ومنك سنة كاملة
ع شي اني ما الي ذنب بي ولا مسوي
"كافي مردت كلبي يا خويه وعلي موتتني
"لو احجيلك منا الباجر مراح اكمل الي صار بيه هناك
"اني صوجي انت ما ردت تروح واني جبرتك تروح وياي لو راجعين ما صار بيك الي صار هاذه كله
" حبيبي انت ما الك ذنب هاذ الي صار كله الله كاتبه النه هاذ القدر منكدر نغيره
"لا لو راجعين جان غيرنه القدر كله
صياد :: انسه صديقي انسه مصار شي المهم طلعت وشفتك
هلال :: والله يا ابن امي سنة كامل واني مشمئز من نفسي
سنة كاملة وما ضكت الراحة بالنوم سنة كاملة واني الوم روحي لان عفتك وما رحت وياك
صياد :: حبيب اخوك انسه همزين ما اجيت ويايه وكدرت تشرد
هلال :: ولك لو جاي وياك ولا العذاب الي ضكته
ولك امك يوميه تجي تكعد ابابي وتبجي عليك واني اكعد ابجي وياها
صياد :: هههه الي اعرفك رجال ما تبجي
هلال :: ولك الي يفكدك ما تبقه بي روح ونفس ولك وعلي شتاگيتلك ااااخ يا خويه هم ونزاح من كلبي
سولفلي وين اخذوكم
صياد :: اخوك جان بمعتقل بوكا
هلال :: عاااا بالبصرة ؟؟؟
صياد :: اي خويه بالبصرة
هلال :: تعال انزع خلي اشوف الخرايط الي بجسمك
صياد :: وشمدريك خرايط بجسمي ؟؟
هلال :: جنت بمعتقل بأيد الأمريكان ما اعتقد جانو يسوولك مساج
صياد :: خويه العذاب الي اكلته والضرب والكهرباء والجوع والألم ما ماكله مخلوق ع وجه الأرض
هلال :: بيه ولا بيك ابن امي
صياد :: بيك الشرده وبيه الزمه ابن السطل
هلال :: هههههه اشتاقيتلك وعلي
صياد :: فدوه الضحكتك اني اكثر
هلال :: وهسه صياد شراح تسوي شتشتغل
صياد :: خويه راح اتعين بالجيش العراقي
هلال :: صدك لو تشاقه ؟؟
صياد اي صدك
هلال :: لا عمي موت وحرب وانت توك طالع من السجن
صياد :: هلال لازم اخذ حقي من الي سوو هيج بيه
هلال :: لا فدوه الطولك عوف الحق لالله ياخذه الك عوف الموضوع
صياد :: اعوف الضرب اعوف الرعب اعوف فركت أمي اعوف الكهرباء والجوع والظلمة والخوف والكتل والحرك والألم
هلال الأنسان من دون كرامة جماد اذا تريد تساعدني شوفلي عرف اتعين
هلال :: حقك وما الومك وهديتي الك مال خروجك من السجن اعينك بالجيش وفلوس الواسطة عليه
صياد :: تمام مشكور
.................
:: بعد فتره من الزمن تعين صياد وخلص الدورة وتخرجو وراح ويه الجيش العراقي
قبل الجيش العراقي جانو ويه الأمريكان سوه وصياد جان اباله خطة ان يطلعون مع الأمريكان ويكدر بأثناء الهجوم يكتل كم أمريكي وهنا يرتاح وياخذ ثاره ويرجع حقه لكن صار عكس الي جان يفكر بي صياد .....
...............
صياد :: الوو هلال ؟؟
هلال :: ها عضيدي ؟
صياد :: هلال خويه ما اكدر اكتل امريكي او حته الوحه ولا كاعد اشوفهم اصلا
هلال :: ليش انتو مو سوه دطبون للمعارك
صياد :: اي صح سوه دنطب بس همه بسياراتهم المدرعة يبقون بالخلفيات واحنه نفوت للموت وحدنه شسوي
هلال :: الي كاتبه الله يصير خويه والله خايف عليك
صياد :: لا تخاف عليه ادعيلي الله يوفقني واصيدلي واحد منهم
"خويه ادعيلك بس صدكني اذا ضربت واحد منهم تره تصير مشاكل اكبر من ما انته متوقعها
"شيصير خلي يصير هلال اذا ما اكتلي امريكي ما ارجع وحق كرامتي الي انداست يمهم
"خويه تهده بالرحمن تره اذا لحد واحد منهم حته اهلك مراح يسلمون راح يأذون امك يأذوها وخواتك واخوتك حاول تفكر بكلامي زين
"الله كريم خويه اني اذا كتلت واحد منهم مراح اخليهم يشوفوني اصلا
وبهيج مراح يتأذون اهلي لان يضيع دمه بالحرب
انته ادعيلي والباقي يم الله
..................................................................
معلومات :: صياد ما كدر يصيد ولا امريكي ولا كدر حته يشوفهم لحد ما اجه يوم ان يروحون بمنطقة بالرمادي واجب ويوكفون الهمر مالتهم يم بستان مسيج ببلوك وكفو بركن البستان وهنا راح تبدي قصة صياد الي راح توجعنه وتسعدنه بنفس الوقت وتبجينه وتضحكنه وتدخلنه بدوامة خوف وفرح وعشق وصفنات وقلق .....
يتبع.....
أنت تقرأ
ما ذنب حنيني
Mystery / Thrillerملاحضة : لا يسمح لأصحاب القلوب الضعيفة القصة حقيقية ونهايتها مؤلمة جداً
