📌# *رســـآلة مـــن مـجـهہول*
📌# *بقــلمـ : أمـ عــمـر*
««6»»
💌____________________💌
-اصبح الصباح ومودة صحت وقت الضحى مشت اتوضت وصلت الصبح بعدها صلت الضحى و بعدها مشت للمطبخ لقت امها بتعمل فى الاكل صبحت عليها وفتحت التلاجة لقتهم عاملين كيك، عملت ليها شاي شربت بعدها مشت استحمت ولبست ليها بجامة مريحة ولمّت شعرها لورا وخلتو فاكي، واخدت دفترها ومشت للحوش وبقت تكتب فى الخواطر ♥️
بعد ما انتهت مشت لغرفتها وشالت تلفونها وبقت ترد ع رسايل الواتس بعدها مشت للفيس ولقت ياسر مرسل ليها طوول ابتسمت ♥️
ياسر:صبااح الخير عليكى
مودة :يسعد صباحك ♥️
ياسر:كيف اصبحتي
مودة:والله تماام الحمدلله وانت
ياسر:انا كمان ټمـٱمـ دامك ټمـٱمـ ♥️
وبقو يتونسو بعد مسافة ياسر قال ليها :ممكن رقمك؟ لْـۆ مافيها أزٍعُاجً
مودة الفكرة م عجبتها،، وياسر لما لقاها م ردت ع الرسالةة قال ليها: خلاص خليه م مشكلة اهم شئ راحتك♥️
مودة م حبت تكسر بخاطرو وغير كدة لقتو محترم وبصراحة هى ارتاحت ليه قالت ليه: لالا برسلو ليك طوالى 🫶 ورسلت رقمها وانتقلو للواتس وبقو يدردشو بعد فترة ياسر قال ليها: يلا استئذنك حامشي اجهز لصلاة الجمعة ♥️
مودة:خلاص زابط💜
-مودة قفلت تلفونها ومشت لامها فالمطبخ
مودة: الفطور شنو الًيَوُمًِ
خديجة:عاملة ليكم ملاح روب وشعيرية
مودة:ي سلااام يااخ 😍♥️
خديجة:يلا امشي صحي ابوكي واخوكى عشان يجهزو للصلاة و صحي اخواتك الكسلانات ديل ينضفو البيت وانتى تعالى اديكى صحن العصيدة دي وديه لناس إقبال(إقبال دى ام سام)
مودة: حااضر
💌__________________💌
مودة مشت صحتهم ومشت لبست ليها توب وجات شالت الصحن ومشت لناس اقبال وقفت قدام الباب ودقتو بعد كم ثانية كدة فتح الباب سام وكان لابس جلابية وريحة عطرو دى م̷ـــِْن نهاية الشارع بتشمها ،،وقطرات الموية الكانت عالقة فشعرو ولحيتو ياخ كان مززز🤤♥️ مودة بقت سرحانة فيهو لعند م سام اتنحنح مودة يادوب لاحظت لنفسها وحست بالاحراج حاولت تقلب الطاولة وقالت ليه : معليش زح م̷ـــِْن الطريق. م̷ـــِْن قبيل منتظرة🙂
سام عاين ليها باستنكار لَـگِنْ م رد قام مشا للجامع وخلاها واقفة فمكانها 🐸💔
مودة دخلت جوا وقالت: ولد غريب الاطوار ساي
نسرين:(اخت سام البرلومة): اجى بتتكلمى مع منو 🐸💔
مودة : بسسم اللّه الزول بيقول السلام عليكم الاول🌚💔
نسرين: على م اعتقد انتى الجيتى داخلة 🐸💔
مودة قالت فى سرها: القاها مـڼـڱ ولا م̷ـــِْن اخوك 🙂💔
مودة: اخبارك شنو بالله
نسرين:والله تماام انتى كيفك ومع القراية
مودة:والله الحمدلله
(طبعا مودة علاقتها م قوية شديييد مع نسرين لانو نسرين مشغولة مع الجامعة " بتقرا طب بشري"ومودة مع قراية تالتة فما بيتقابلو كتير، لَـگِنْ لما يتلاقو بيتونسو قدرتهم ♥️)
مودة سلمت على اقبال واتونست معاهم شوية وادتهم صحن الروب ولمن قامت عشان تمشي اقبال قالت ليها: لبعديين مع العصر كدة حاجيكم اسلم على اختك دى قبل م تمشي
مودة:ټمـٱمـ حتنوري♥️ وقامت مشت للبيت بس قبل م تمشي قالت تشوف الشجرة احتمال تلقا فيها رسالة وفعلا لقت فيها وكان محتواها: [ *على أحدهم أن يكون حنوناً على أخطائكِي وحماقاتكِي وسوء تقديركِي للامور*
*لمودتــي*
# *من مجهــول 📝* ].
💌__________________💌
- مودة كانت مستغربة م̷ـــِْن الرسالة لانها كانت مختلفة عن باقي الرسايل،، م اشتغلت بالموضوع كتير، رجعت للبيت وفتحت الواتس لقت ياسر حاطى حالة فيها صورتو بالجلابية كان مز لدرجة بعيدة ♥️♥️🥺 مهم مودة بقت تتونس مع ياسر لعند ما نادوها للاكل حتى ختت تلفونها فالشحن ومشت فطرت بعدها مشت لمكتبتها وبقت تقرا فرواية (انت لي)
__________________
يتبع...
