📌# *رســـآلة مـــن مـجـهہول*
📌# *بقــلمـ : أمـ عــمـر*
««13»»
💌____________________💌
- مرة الشهر وجا يوم العرس
ميادة ومرام ومودة وجود و3 م̷ـــِْن صحبات ميادة، كانو فى الكوفير،
مودة كانت لابسة فستان حريري محكّم م̷ـــِْن فوق وفااري م̷ـــِْن تحت،،، لونو ما بين البنفسجي والوردي، يدينو طوال وفيه طبقة شفافة وكانت محجبة وحجابا بنفس لون الفستان.💜 عملت ميكب ميكس ما بين البنفسجي والوردي، كانت مززززة واى زول شافها لٱ اراديا بيسرح فيها💜🫶 اما ميادة فكانت لابسة فستان ضييق شديد، ، طولو لعند الساق يعنى تحت م̷ـــِْن الركبة بشوية، يدينو شفافات، كان باللون البنفسجي وفيه نقشات بالون الوردي وكانت عاملة فل ميكب وفاكة شعرها،
اما صحبات ميادة فبرضو كلهم لبسو فساتين باللون البنفسجي
(كانو متفقين على انو اصحاب العريس وصحبات العروس يطقمو باللون البنفسجي 💜)
💌__________________💌
مودة طلعت م̷ـــِْن غرفة الغيار وبقت تعدل فى حجابها قدام المرايا، وبيجاى وجن برضو طلعت ومشت لمودة والاتنين عاينو فبعض باستغراب! !
مودة: دا شنو اللابساه دا !!
وجن: المفروض انا الاسألك، دي شنو الطرحة اللابساها دي🤨 ي بت دا عرس اختك م تكونى معق..
مودة قاطعتها وقالت ليها: ورح نمش بكون منتظرننا 😊(مودة م حبت تتناقش مع وجدان فى يوم عرس اختها، عشان كدة قاطعتها)
💌__________________💌
ميادة وهى لابسة فستان الزفاف المحجب🤍 .وقاعدة فى الكرسي بتوتر :الجماعة ديل اتاخرو وين 💔
رانيا (صحبتها) :الشفقة ليكى شنو انتى ،🐸💔
ميادة: لٱ م كدة. ياخ خايفة تكون حصلت ليهم حاجة احساسي بيقول لي كدة💔
رغد : م تخافي اكيد بيكون م̷ـــِْن الزحمة وهسس حيج.. قبل م تكمل كلامها سمعو اصوات البوري، عرفو انهم جو
البنات فكو الزغرودة وبيجاي ميادة ابتسامتها للضرس الاخير 😂🐸💔
المهم جا العريس وشال عروسو وركبو فى السيارة، والبنات اتقسمو كل واحدة حتركب مع واحد م̷ـــِْن اصحاب العريس
مودة كانت واقفة قدام سيارة مضلمة، وكان باين عليها الحيرة، قالت فى نفسها: ي رَبـيٌ اركب مع منو هسي 🙂💔 ، وختت يدها فى نصها وبقت تتأفف،،، فَاجئها صوت البورى م̷ـــِْن السيارة القدامها، اتفاجئت لانها م كانت عارفة انو السيارة دى فيها حد
صاحب السيارة نزل القزاز وكان سام
سام:تعالى اركبي،،
مودة سرحت
فيهو للمرة الالف (ليها الحق 🥲👋) كان حالق شعرو بطريقة مرتبة، ولابس قميص ابيض وربطة عنق بنفسجية وبنطلون اسود، وكان شاكى القميص جوا البنطلون، ياخ كان خرااافي وبخصوص انو جسمو رياضي ياخ حاجة فخمة 🙈🔥
سام كان بيعاين فيها وهى سرحانة فِيَھ قال فى نفسو: ربنا يحفظك لي م̷ـــِْن العين ♥️ ابتسم وطقطق يدينو مودة انتبهت حست بالارتباك،، فتحت الباب الخلفي وركبت وقفلت الباب، بس سام ما اتحرك
*بعد دقايق*
مودة: منتظر شنو!
سام عاين ليها بالمراية ورفع حواجبينو وقال: اظن اني ما الشوفير بتاعك،، اركبي قدام
مودة: انا مرتاحة هنا 🙂
سام خت راسو فى المقعد وربع يدينو وقال :طيب وانا مرتاح كدة وما عاوز اتحرك،،
مودة اتاففت وجات ركبت قدام ورزعت الباب بقوة 🐸💔 سام عاين ليها وابتسم وبقا سايق لين م وصلو
__________________
يتــبع،،
