📌# *رســـآلة مـــن مـجـهہول*
📌# *بقــلمـ : أمـ عــمـر*
««12»»
💌____________________💌
- مودة م̷ـــِْن كتر التفكير نامت وما صحت الا بعد آذان المغرب، صلتو ونزلت.تحت لقت امها وخالتها بيخبزو للعرس و اقبال برضو معاهم، سلمت عليهم وقعدت معاهم
------
خديجة : كدى انتى حاولي اقنعيهو
اقبال: والله حاولت معاهو كتييير لَـگِنْ هو حلف الا يسافر السعودية ويقعد مع خالو ، م عِنـديّ ولد غيرو م عاوزاه يسافر ويخلينى💔
مودة: قصدك. سام مسافر؟
اقبال: ايواا قال حيقعد زى 3 شهور لعند ما تأشيرتو تجى حتى يسافر و يكمل قرايتو هناك ويشتغل ،،، اكان قعد هنا واشتغل مع ابوه فالشركة حقتو احسن لَـگِنْ راسو قوي خلاص 💔🙂 طلع لعماتو
-مودة بقت سرحانة وحست انها م عاوزة سام يمشي قالت فى نفسها: المفتري مساافر !! يلا زاتو احسن، لانو لٱ أنا بطيقو لٱ هو بطيقنى ،،، بس قلبها بيقول عكس كدة!
بعد فتترة م̷ـــِْن الونسة إقبال قالت: يخوانى انا بعد كدة امشي
خديجة:اجى م تقعدى مالك مستعجلة هدا البيت قريب
اقبال: والله متضطرة امش، عندى ملابس عاوزة ليها مكوة ، ولسةة ما طبخت الغدا، ،وبتى الليلة مشت تبيت مع صحبتها
خديجة: اقعدى سااي ،ياها مودة بتمشي تكوى ليكى وتطبخ ليك، م قصرتى خبزتى معانا
اقبال: خلاص كويس♥️
مودة لبست توبها ومشت لبيت اقبال وهى بتدعى ربنا انو سام يكون برا البيت،
مشت فتشتو فالغرف لقتو ماف، حمدت ربها ومشت للمطبخ عملت ليها قراصة بدمعةة و باذنجان. وبطاطا مقلية وسلطة روب 🤤♥️ الريحة كانت بتشهي🥲♥️♥️
لما كملت م̷ـــِْن الطبخ نضفت المطبخ وبقت تغسل فالعدة، بعد فترة سمعت ليها صوت اقدام، مودة حست بالخوف لانها هى براها فالبيت قالت فى نفسها:ي رَبّــيٌ يكون حرامى!
بقت ترجف وصوت الاقدام كل شوية ماشة تقرب، مشت شالت ليها مفراكة وبقت متأهبةة ،، لعند ما خلاص صاحب الصوت دا وصل وكان سام، مودة م̷ـــِْن الخوف ما قدرت تميز الوجوه و كانت حتضربو لَـگِنْ سام مد يدو ومسك المفراكة قبل م تخبط ليه راسو. وبقا يعاين ليها باستغراب، لانو م كان عارفها فالبيت، لٱ وكمان بتطبخ
مودة عاينت ليه بخلعة يادوب ركزت انو دا هو، ،، وكالعادة سرحت فِيَھ كانت قطرات الموية بتتساقط م̷ـــِْن شعرو ودقنو وكان خاتى منشفة حوالين رقبتو، قالت فى نفسها: ايونن معناها كان فى الحمام عشان كدة م شفتو
-سام فك المفراكة ورجع لغرفتو م̷ـــِْن دون كلام
مودة رجعت تكمل باقي عدتها ، وبعد م خلصت مشت كوت الملابس
بعد ما انتهت كانت حتمش البيت بس قالت اكيد سام حيكون رجع م̷ـــِْن الجامعة جعان، احسن اخت ليه اكل، ، مشت دقت باب غرفتو وبعد دقيقة قال: اتفضل
مودة فتحت الباب ولقتو راقد فى السرير وشغال باللابتوب، قالت ليه: امم اخت ليك اكل؟
سام م̷ـــِْن دون ما يعاين ليها : امم (يعنى اى)
مودة قالت فى نفسها: غياظ والله الواحد حقو يخت ليك قرون شطة فى الاكل 😒💔 عموما مشت ختت ليه الاكل وكانت واااثقة م̷ـــِْن انو الاكل حيعجبو (عاد زولتنا شيفة فى الطبخ 😌) المهم ادتو الاكل ومشت قعدت فى الصالة المقابلة للمطبخ (منتظراه يخلص عشان تغسل العدة وتمشي) بعد مدة سام شال السفرة وختاه فالمطبخ مودة شافت الصحانة دى تلمع لمع ماشاء اللّـه ما خلّ حاجة، ابتسمت ابتسامة حقت كبرياء ونصر،،،، سام شافها لما ابتسمت، قال ليها: الدمعة ملحها زايد ومشا، وتانى جا راجع قال ليها: لْـۆ ما فيها ازعاج سوي لي قهوة
بيجاى مودة دمها بقا يغلي لانها اكلت م̷ـــِْن الدمعة وطعمها كان مزبوط ، عرفت انو قال كدة عشان يغيظها قالت فى نفسها( احسن شئ انك مسافر 😑) مشت غسلت العدة وعملت ليه قهوة ومشت للبيت
صلت العشا ونامت
__________________
يتــبع
