📌# *رســـآلة مـــن مـجـهہول*
📌# *بقــلمـ : أمـ عــمـر*
««20»»
💌____________________💌
*بلسان مودة*
-مرت الأسابيع وياسر حسيتو م زي زمان 💔 بقا م بيتصل عليا الا انا اتصل عليهو، وحتى لما يرد بيختصرني بحجة انو مشغول، وبيتزهج م̷ـــِْن أقل شئ،،،،
ودا كلو وانا صابرة ، وبقول ضغط الشغل متعبو، وبحاول اقنع نفسي انو بعد ما نبقي فى بيت واحد حيرجع لي زي زمان، لعند ما جا اليَوُم يلى لقيتو مرسل لي فى الواتس: {
البيناتنا انتهى وبتمنى انك تلقي واحد افضل مِڼـّي ،عمري وحياتى ما حانساك ولعند اللحظة دي ما ناسيكى، لَـگِنْ بيناتنا مافي نصيب، رَبـيٌ يوفقك} وبعداك حظرنى م̷ـــِْن الواتساب والفيس ،حاولت اتصل عليه،، لقيتوو حاظر رقمي💔،يعني هنت عليه فجاءة 💔 ياسر الدايما كنت بعتز بيه قدام الناس، ياسر الكل الناس بتشهد علي اخلاقو ومبادئو وقيمو 💔 ياسر الدايما بذكرو علي لسانى بالخير💔سبحن الله م حصل عمرى وحياتى افتكرت يبدر م̷ـــِْنو حاجة زي دى ،،،، 💔
💌__________________💌
مرة اسبوع ومودة ما راضية تتكلم مع حد حتى الاكل بترفضو، امها وابوها حاولو يعرفو البيها شنو لَـگِنْ مودة رفضت تتكلم مع حد، حتى وجدان جاتها ورفضت تتكلم معاها 💔
لعند ما جاتهم مرام زيارة وامها حكت ليها بانو مودة م قاعدة تطلع م̷ـــِْن غرفتها حتى اكل زي الناس م بتاكل
*بلسان مرام*
بعد ما امى حكت لي بحالة مودة ختيت ليها يزن وطلعت لغرفة مودة، دقيت الباب ، بعد ثوانى قالت لي اتفضل، خشيت ولقيتها لابسة عباية الصلاة وقاعدة فى مصلايتها وماسكة مصحفها، وبرغم انو كان واضح فى ملامحها الحزن وحتى عيونها كانو واقعات م̷ـــِْن كترت البكى. لَـگِنْ م̷ـــِْن ما شافتنى ابتسمت 💜 جيت قعدت جنبها، و قلت ليها: دودو مالك زعلانة
مودة ابتسمت ومن دون م تعاين لي قالت : م زعلانة
عرفتها م حتورينى عشان كدة قلت ليها عاينى فعيونى وجاوبينى بصدق، انتى بخير؟
ما ردت على سؤالي، بعد فترة حضنتنى وبقت تبكى بوجع ، هنا انا شبه عرفت الحاصل عليها، حضنتها عليا وقلت ليها ابكى وافرغي الفي قلبك كلو ،وبعد م تحسي روحك كويسة احكي لي ♥️
بعد فترة مودة وقفت بكى وفتحت لي تلفونها وورتنى ٱڅڑ رسالة م̷ـــِْن ياسر،، انا م̷ـــِْن الصدمة م عرفت اواسيها هي ولا اواسي نفسي💔 بجد دا ياسر؟
حاولت انى امتص الصدمة م̷ـــِْن ملامحى وغصبت نفسي على انى ابتسم وقلت ليها:
يمشى ويجي غيرو عشرة ،م تزعلي وتخربي حياتك عشانو♥️
بس هي ما أبدت أي ردة فعل وكملت سرحانها 💔 بجد حنيت عليها لانو م سبق ليها حبت ،،
ودا اول حب ليها و خزلها بكل برود💔
بعد فترة قلت ليها بكل جدية :انتى يلى طلبتى م̷ـــِْن ياسر تنفصلو ولا هو براهو يلى طلب الانفصال؟
قالت لي بصوت مكسور:هو يلى طلب ننفصل
مرام:يبقي البخليكى تزعلي عشانو شنو؟؟ عاوزاه يحبك بالغصب؟!!
هزت لي راسها بمعنى لا
قلت ليها: اسمعينى كويس، فى الدنيا دى اختاري البيحبك، مش الانتى بتحبيه،،، لانو البيحبك دا مستحيل يجي يوم ويسيبك وانتى زاتك حتى لْـۆ ما بتحبيه، صدقينى حيجى يوم وتحبيه بسبب حبو ليكى ♥️ هسي انا وحسام البيشوفنا بيكون فاكرنا بنعرف بعض م̷ـــِْن قبل ما نتزوج ، لَـگِنْ فى الحقيقة انا ما شفتو الا لما عقد عليا، وما اتوقعت عمري وحياتى احبو ،،
اتاكدى انو البيحصل معاكى دا كللو لخير وحيجي الافضل منو انا متاكدة💜
مودة اخدت نفس وقالت ان شاء الله ،، بعد فترة عقدت حواجبينها وقالت وين يزن؟ وجيتو متين انتو
مرام ضحكت و قالت ليها جينا م̷ـــِْن الصباح ويزن خليتو مع امى ورح ننزل ليهم♥️
مرام ومودة جو نازلين وخديجة م̷ـــِْن ما شافتهم فرحت وكانت حتتكلم بس مرام عملت ليها حركة نظام م تساليها م̷ـــِْن شئ
المهم مرة الًيَوُمًِ ومودة فوضت امرها لربها وكانت بتقول فى سرها(كلو لخير.♥️)
مرام لما خلاص كانت حتمشي للبيت اخدت امها على جنب وحكت ليها سبب اكتئاب مودة، امها بقت تتحسبن عليهو وقالت زي ما هو كسر قلبها ربنا يكسر قلبو
جا الليل وخديجة حكت لآدم بالموضوع ادم اتصدم وقال ليها متين الكلام دا؟؟ وليه ما كلمونى بالموضوع شايفنى حيطة؟ !!
طول اتصل بعبدالله(ابو ياسر)
آدم بعد ما سلم عليه قال ليه:
: يا عبدالله انا معتبرك زى اخوى وعارف كويس انك زول محترم والشينة ما بتجى مـڼـڱ. لَـگِنْ وقت انتو ما عاوزين بتى لشنو ما وريتونى ؟ معقولة اسمع بالكلام سمع؟ تصرف زى دا غلط منك ومن ولدك
عبدالله:ادم كدة قول بسم اللّـه بتقول في شنو انت؟ ومنو الما عاوز بتك
ادم اتحير وقال ليه: ولدك غير رأيو وقال ما عاوز بتى، قصدك انت ما عارف ؟
عبدالله:متين الكلام دا؟ والله ما عارف وولدى ما شاورنى فى الموضوع نهائي ،لاا حول ولا قوة الا بالله ،
كدة اسمعنى ولدى هسي برا البيت لما يرجع حاشوف موضوعو واعرف منو الحاصل
ادم: والله على العموم انا بتى ما لعبة فى يدو ومادام انو الانفصال دا جا منو هو، فبتى تانى م بترجع ليهو،
وفصل الخط قبل ما يسمع رد عبدالله
بيجاى ام ياسر كانت قاعدة جنب عبدالله قالت ليه: فى شنو ي ابو ياسر لعلو خير؟
عبدالله: اتخيلي ولدك فسخ خطوبتو
ام ياسر:شنووو؟ وليه فسخو الحاصل شنو
ابو ياسر قال بزهج :م عارف لمن يجي الليلة ، صغرنى قدام الناس
__________________
يتـبع..
