📌# *رســـآلة مـــن مـجـهہول*
📌# *بقــلمـ : أمـ عــمـر*
««23»»
💌____________________💌
- هااي انا نسرين اخت سام 👋💜 استئذنت م̷ـــِْن مودة انها تدينى مساحة صغيرة كدة احكي ليكم فيها جزئية صغنونة ،،، يلا نبلّش عشان م نتأخر علي مودة🌚💜
-طبعا زي ما عارفين انو سام اخونا الوحيد ،، واكتر واحد محبوب فى البيت بالاخص عند امي💜 هو م̷ـــِْن النوعية الكتومة يلى م بيحب يشارك تفاصيلو مع حد، لَـگِن فى النهاية بتفضحو ملامحو ، ويمكن م̷ـــِْن ضمن الاشياء يلى كانت واضحة فيهو حبو لمودة"، م̷ـــِْن ما رحلو جنبنا وهو مركز معاها، ولمن تغيب فترة م̷ـــِْن بيتنا، بيسالنى عنها بطريقة غير مباشرة وحتى لما انا امشي ليهم بيسالنى عـن احوالهم وانا عارفة هو بسآلو دا ما قاصد الجميع، وانما قاصد مودة 💜🐸،
وانا اُصلًي م بيّنت ليهو انى عرفت مشاعرو اتجاهها،، المهم فى يوم انا وامى مشينا لناس مودة وباركنا ليهم على نجاحها، قيلنا معاهم لعند العصر انا رجعت للبيت لانو عندى قراية، اما امى فقعدت معاهم للمسا،، المهم لما جيت راجعة للبيت مشيت للصالة وفرشت الشيتات جنبي وبقيت اقرا، جانى سام وقعد جنبي وحسيتو زي العندو كلام عاوز يقولو ،، بعد فترة قال لي
سام: امم امى وين
نسرين: عند ناس مودة، على اساس م عارف يعنى 🐸💔
سام بتوتر:لاا ا الا قصدي ااي صح انتى مودة قالو خطبوها ؟!! عقبال ما انتى زاتك تعرسي ونرتاح مـڼـڱ ي بايرة
نسرين: زول باير غيرك ماف، انا لساتنى صغيرة والعمر قدامى طويييل😒👋 وبعدين شنو بتسأل خطبوها وما خطبوها😏 حسستنى انك ما عارف
سام قال: ااا ياخ نسيت، الزول ما ينسا يعنى !
ضحكت عليهو وقلت ليه: يالأخو خطبوها وبعد فترة فركشو خطوبتهم، ،، بيناتهم مافي نصيب،،
سام: فركشو خطوبتهم !!! انتى متأكدة؟؟؟
نسرين:اجي مالك منفعل كدة ؟🤨
سام: اا االا ما منفعل اا انتى م تسألي كتير! ،،،، اتنهد بارتياح وقال فى نفسو (بكدة بكون اتاكدت الحمدلله،الحمدلله،♥️♥️)
انا ضحكت وقلت ليه:بالمناسبة البيك انعرف وبقى وااضح زى وضوح الشمس 😂😂🤣
سام قام ومشا خلانى بضحك براي زي المتوحدة 🌚💔
قلت ليه بصوت عالي: ربنا اداك فرصة تانية ، ، انجز بسرعة، عشان مودة تبقي مرتك،😉😉 ايها العاشق
فجاءة القي ليك مخدة جات توووش فى نص وشي، لعند الان مصدعة منها 🥲💔
خلااص بااي،،، مودة م اظنها حتدينى فرصة تانية عشان اتونس معاكم 😂🐸👋 احبكم امممح 🌚🖤
💌__________________💌
*بلسان مودة*
- مرة زى شهر ووجدان م جاتنى
وما بترد لٱ على رسايلى ولٱ على اتصالاتى و انا لمن امشي ليها بتستقبلنى بمساخة زى وكأنو جيّتى دى مضايقاها، وانا بصراحة اتحسست فبقيت م بمشي ليها المهم فى نهاية الشهر وجدان اتصلت عليا، وانا فرحت كنت فاكراها عاوزة تسلم عليا ووتفقد احوالي او كدة بس م̷ـــِْن ما فتحت الخط قالت لي: اهلين مودى اخبارك شنو، المهم اسمعى للجمعة الجاية خطوبتى، لْـۆ ماجيتى بزعل منك☹️ ،، انا زعلت وفرحت فى نفس الوقت، فرحت لانو صحبة عمرى اتخطبت ولقت رفيق عمرها ♥️(اااخ انتى لْـۆ تعرفي رفيق عمرها منو بس.💔💔💔💔) وزعلت لانها زمان كانت دايما بتحكى لي بكل صغيرة وكبيرة حاصلة ليها،، اما هسي بتدينى احساس انى مجرد زميلة ليها،💔،،، المهم قلت ليها الف مبروووك حبيبتى وبكرة من الصباح بكون معاكم💜 ،، قالت لي م بتقصري😘 وقفلنا على كدة
__________________
جا يوم الجمعة وانا منن الصباح كنت معاهم،،رتبت البيت مع خالتى سلوى وجهزنا الضيافة، وكل شئ بقا جاهز لعند العصر مشيت غيرت ولبست، ولقيت وجدان معاها بت ،وجدان قالت لي انها بت خالتها ولٱ حاجة زى كدة المهم م ارتحت ليها نهائي ،، لبسها ما ساتر وونستها كلو قطيعة 💔 المهم غيرت ولبست وكنت لابسة( بلوزة باللون الابيض فيها نقشات بالفضي واسكيرت فاري م̷ـــِْن تحت لونو بالفضي ولبست طرحة فضية،، غسلت وشي بالغسول ورطبتو ورتبت حواجبينى وعملت شوية قلوس🤍🪩)
اما وجدان فكانت لابسة فستان باللون الأسود فِيَھ بريق باللون الذهبي،، ضيق م̷ـــِْن فوق وفاري م̷ـــِْن تحت، طولو نص الساق كدة، ، يدينو شفافات، وكانت فاكة شعرها وعاملاه باللون الاشقر م̷ـــِْن تحت ،، امها جات للغرفة عاوزة تشيل حاجة لقت وجدان لابسة الفستان دا وفاكة شعرها،، حلفت عليها الٱ تطلعو وتلبس فستان محترم وحجاب لَـگِنْ وجدان رفضت وبقت تبكى وتجعر وبت خالتها بيجاي زادت الطين بلة وقالت لخالتو سلوي:دا يوم ما بيتكرر خليها تلبس البريحها
فى النهاية امها استغفرت واتنهدت بيأس وطلعت خلتها، ، المهم بت خالتها عملت ليها ميكب ،،
لعند المسا الضيوف وصلو شوية كدة فى بت صغيرة عمرها حوالي11 سنة (اخت مزن) جاتنا فى الغرفة
وجدان قالت ليها: خلاص ننزل للضيوف😍؟؟
البت قالت ليها: هو الضيوف وينهم ؟ نفر واحد بس جا 🌚💔💔
كلنا استغربنا، بت خالت وجدان مسكت اختها من يدها وطلعتها برا الغرفة،
المهم بعد فترة خالت سلوى جات ودقت الباب فتحنا ليها بقت تعاين فى وجدان بنظرات كدة م مفهومة، شوية كدة وجدان قالت ليها بإرتباك: فى شنو؟ ، خالتى سلوي قالت ليها ما عافية ليكى مش بتي؟ والله الحاجة دي لو تمت ما عافية ليكى والحتعمليه فى بت الناس دا اُصًلًي ما راضياه 💔 وفاتت خلتنا كلنا كلنا مصدومين وما فاهمين حاجة،، وجدان حسيتها زي العايزة تبكى لكن بت خالتها حبة انها تخفف الوضع، وقالت ورح ننزل بعد كدة، المهم وجدان كانت قدام وانا كنت على طرفها الشمال وباليمين بت خالتها، الضيف كان قاعد فى الصالون يلى علي ناحيتى انا، لما خلاص حصلناهم كانت الصدمة 💔💔
وياها دى الصدمة الغيرت حياتى 180 درجة
__________________
يتبع...
