📌# *رســـآلة مـــن مـجـهہول*
📌# *بقــلمـ : أمـ عــمـر*
««19»»
💌____________________💌
* بداية الاسبوع التانى*
مرام تعبت ، اتصلو على حسام وجا وداها هي و امها للمستشفي وقبل ما يمشو خديجة قالت لمودة: اتصلي على وجدان تجى تقعد معاكى م معروف مرات م يكتبو لينا خروج اليوم ونتضطر نبيت فى المستشفي.
المهم مودة اتصلت على وجدان ووجدان جاتها وبقن يتونسن،،
وجدان: 💔😩حاسة راسي حيتشق م̷ـــِْن الصداع
مودة: دقايق امشي اسوي ليكى قهوة
وجدان:م بتقصري😊 اا اسمعي كدى افتحى لي تلفونك، عاوزة احول صوري، لانو تلفونى اتفرمط
مودة: اوك
مودة فتحت تلفونها وادتو لوجدان ومشت المطبخ تعمل قهوة
-وجدان فتحت جهة الاتصال وشالت رقم ياسر وحفظتو فى تلفونها،،،،،مودة جات وجابت معاها القهوة والفشار وكملو ونستهم
💌__________________💌
مرام جابت ولد وسمّتو يزن.💜 لعند المسا كتبو ليهم خروج وجو راجعين للبيت،،
لعند المغرب وجدان كانت حتمشي بس حلفو عليها الا تبيت،،،،
*فى الليل*
وجدان بعد ما حست مودة نامت طلعت براحة ومشت للحوش، واتصلت على ياسر
وجدان رققت صوتها :الوو
ياسر: اهلا، منو معاي؟
وجدان:شنو يعنى م عرفتنى
ياسر:لْـۆ سمحتى يا اما تقولى لي انتى منو ويا اما حافصل
وجدان: انا وجدان صحبت مودة🙈
ياسر: اهااا وجدان
وجدان:شكلي عملت ليك ازعاج، معليش حأفصل
ياسر: لالا ياخ معقولة! اخبارك شنو
وجدان وهى مبتسمة ابتسامة نصر،، رققت صوتها زيادة وقالت: امم بخير وانت
ياسر: فى انسان بيسمع صوتك دا وم يكون بخير؟
وجدان فى نفسها ( هههااي معناها السحر نفع 😈)
ضحكت بحنكشة و قالت ليه: بطل مجاملة
ياسر: جادى انا
واستمرت الونسة لمدة ساعة. ،،
ياسر :ههههههههه طلعتى ظريفة يا وجدان
وجدان:انت يلى فْيَگ شي بيخلى الناس ترتاح ليك ويتونسو معاك بطلاقة
ياسر:افهم انك ارتحتى لي؟
وجدان وهى بتتصنع الخجل: ااا لٱقصدي يعنى
ياسر:ههه لالا عادى قولى، لانى انا زاتى ارتحت ليك♥️
وجدان: بجد🙈
ياسر:وربي♥️
وجدان: امم صحي انت ومودة حتعملو عرسكم متين؟
ياسر :عارفة نسيتو زاتى 🤣بعد 3 شهور
و جدان: امم م حاسي انها قريبة؟ اسفة دى خصوصيات المفروض م إتدخل فيها، لَـگِنْ يعنى عيش شبابك العرس ملحوق
ياسر:گلآمَگ. صح، اصلا قبيل كنت بفكر فى انى أأجلو زيادة، وبعدين خصوصيات شنو كمان، انا وانتى واحد، ولا كيف😉
وجدان كانت حتطير م̷ـــِْن الفرحة قالت ليه: ههه ايوا بالزبط،، يلا استئذنك عاوزة انوم
ياسر:م بدري ☹️
وجدان: بدري م̷ـــِْن عمرك♥️ تلفوني قرب يطفي شحن
ياسر:طيب يلا تمس على خير واتمني انو التواصل يدوم
وجدان: انشاء اللّـه ،، قفلت الخط وبقت تبتسم بخباثة،
💌__________________💌
*بلسان مودة*
مرة الاسبوع وجا يوم الجمعة وعملنا سماية يزن💜،، ومع اللخمة والضيافة م فتحت تلفونى الا فى المغرب
المهم لقيت مكالمتين م̷ـــِْن ياسر ، رجعت ليهو،، بعد ما حمد لاختى سلامتها قال لي
ياسر: امم مودة رايك شنو لْـۆ اجلنا العرس ؟
مودة بعد فترة: طيب، لَـگِنْ ليه؟
ياسر: اا اولا احنا لسع قدامنا عمر طويل وثانيا الزواج مسؤولية
مودة استغربت شديد م̷ـــِْن كلام ياسر. إذ انو هو يلي حدد موعد العرس،، وكان عليهو كان حيعقد عليها فى نفس الاسبوع يلى خطبها فيهو ،،
بعد فترة قالت ليه: يلى بتشوفو لصالحنا اعملو
ياسر: ايوا دي مودة الانا بعرفها ♥️ بس اوعا تكونى زعلتى؟
مودة:لٱ م زعلت💜 ،، حناجلو لمتين
ياسر:اممم والله قولي بعد 6 شهور كدة
مودة بعد فترة: طيب ، شاورت ابوى فى الموضوع؟
ياسر: يلا عايزك انتى يلى تكلميه😅لانو لْـۆ انا كلمتهم حيسالونى اسالة كتيرة، انتى اتحججى باي شئ ،
مودة:طيب
ياسر:يلا استئذنك عندي شغل
مودة:طيب يلا
ياسر قفل م̷ـــِْن مودة واتصل على وجدان وبقا يتونس معاها،،،
_________________
يتبع...
