جميلتي المعقدة

البارت الثالث

نظرت لو اماليا بأستغراب وقالت : انت اي الي جابك ورايا

زين : بصي انا جي اتأسف علي الي حصل من علي صحبي

اماليا : المفروض هوا الي يعتذر مش انت يا

زين : زين اسمي زين

اماليا بأبتسامة : عاشت الاسامي يا زين وعموما اعتذارك مقبول

نظر زين الي ملامحها الهادئة وقال بأبتسامة جذابة : انتي اسمك اي

اماليا بحدة : وانت مين علشان اقولك اسمي اي

قالت اخر حديثها ودخلت السوبر ماركت ونظر زين إليها بأبتسامة وحدث نفسة قائلا : جميلة وجمالها هادي ولطيف زيها وعيونها العسلي دي تجنن

قال اخر حديثة وغادر داخل السوبر ماركت اخذت اماليا ما تريدة وذهبت الي منزلها وهي تفكر في تلك الشاب اللطيف التي رأتة منذ قليل

______________________________________

في منزل عمار كان يقف ينظر الي تلك العنيدة بغضب بينما تنظر لو وتين بغيظ وقالت : اتكلم معايا عدل انت سامع يا حيوان

عمار بغضب : انتي يابت هبلة بتقوليلي يا حيوان وعوزاني اكلمك عدل واحترمك

وتين ببرود : غصب عنك هتحترمني

عمار بغضب : انتي اي الي جابك هنا اطلعي برا

والدة عمار : عمار من أمتي واحنا بتعامل ضيوفنا كدة يا حبيبي اهدأ دة سوء تفاهم بينكم

وتين : كنت جاية بخصوص شغل وحاجة مهمة لكن بعد ما شوفتك خلاص مش عاوز منك حاجة

عمار : يعني كمان انتي محتجاني وبتكلميني كدة انتي بجحة اوي بصراحة

وتين بصوت عال : انت يا حيوان ازاي تقولي كدة بقولك اي انت متعرفنيش اقف معوج واتكلم عدل بدل ما اعدلك انا اصلا عاملة حساب مامتك العسل دي مش اكتر

عمار بسخرية : والله كدة وعملالها حساب دة في انهو بنك الحساب الي انتي عملاة دة علشان نروح نسأل عنة

انهي حديثة بضحكة سخرية بينما هي تنظر لو بغضب وغيظ وقالت : انا مش هرد عليك الكلام مع العبيط بيعملة سيط ولا عاش ولا كان يا حبيبي الي يخليني اتحوج لواحد زيك واحتاجلة دة طظ في اي حاجه

قالت اخر حديثها ورمقتة نظرة استحقار وغادرت المنزل بغضب

عمار بأندهاش : انا شوفت كتير وقليل لكن زي البنت دي مشوفتش بصراحة

والدة عمار بضيق : لي كدة بس يا عمار دي البنت شكلها طيبة وحلوة والله

عمار : وانا الي قليت ادبي وعليت صوتي ،،، ثم قال بأستفسار : بس هي كانت جاية عاوزة اي

والدة عمار : مش عارفة

اومأ لها عمار وقال : طيب انا نازل اخد طبق المحشي من ام علي