نظرت وتين الي والدة عمار بأستغراب فقالت : انا معنديش استعداد اني اخسر عمار يا وتين انا خسرت قبل كدة ودلوقتي معنديش غيرو مقدرش اضحي بية
وتين بقلق : متقلقيش احنا اكيد مش هنظهر نفسنا للناس كلة هيبقي تمام انتي مش نفسك تجيبي حق جوزك
والدة عمار بعيون تملأها الدموع : لو علي حساب عمار مش عاوزة
ابتسمت وتين علي حب والدة عمار لة وقالت : حاضر
اومأت لها وغادرت الشرفة فقال عمار : بقولك اي انا هكمل
وتين : ومامتك
عمار : طبعا مش هنقولها بس مش دي المشكلة المشكلة في الدليل أن هاشم هوا الي قتل بابا
وتين بتفكير : سيب الموضوع دا عليا متقلقش ثق فيا
عمار : مش قلقان غير منك والله حاسس انك هتلبسينا في الحيط
وتين بغضب : حيطة تلبس فيها لوحدك أن شاءالله
قالت اخر حديثها ورمقتة نظرة استحقار وغادرت الشرفة وقالت : طب انا لازم امشي يا طنط
ام علي : لاء خليكي اتغدي معانا احنا عاملين مسقعة تجنن كلي معانا
وتين : معلش مرة تانية
ام علي بمرح : ماشاءالله هي لسة في مرة تانية ماشي هستناكي
ضحكت وتين واقتربت منها وقبلتها من جيبنها وقالت : سعيدة اني اتعرفت عليكي يأم علي
ام علي : دة انا الي سعيدة جدا انا طول عمري بشوف الوشوش الي زي كدة في المسلسلات التركي اول مرة اشوفها علي الحقيقة
ضحكت وتين وقالت : ربنا يخليكي دي عيونك الي حلوة
ابتسمت لها أم علي وقالت وتين لوالدة عمار بأطمئنان : متقلقيش اوعدك مش هيحصلة حاجة
والدة عمار بحنية : يارب مشوفش حاجة وحشة فيكي ولا فية يا حبيبتي
ابتسمت لها وتين وغادرت المنزل وقالت أم علي : لاء حلوة البت احنا نعمل الفرح في قاعة اللؤلؤه الي جمبنا والخطوبة عليا انا ونجوزهم في الشقة الي فوقينا يبقي جمبنا الواد اومال البت هتاخدة مننا ولا اي والعيش متشليش همة نعمل جمعية مع مديحة الحرامية النصابة دي ونقبضها ونروح نجبلة العبش وهي برضو متشلش هم جهازها دي رنين بتعمل عروض تجنن تبقي تروح تجيب جهازها من هناك
ضحك عمار والدتة علي حديث ام علي وقال وسط ضحكاتة : خلاص قررتي كل حاجة كدة واحنا قاعدين تحبي نسمي العيال اي يأم علي
ام علي : مالك يا حبيبي انت مش عجبك كلامي دي البت قمر يا معفن
والدة عمار : يلهوي عليكي يأم علي ضحكتيني والله
عمار : أنا نازل سلام
غادر عمار المنزل وبقي والدتة و ام علي يجلسون يتبادلون بعض الأحاديث
أنت تقرأ
جميلتي المعقدة
Mystery / Thrillerنحن الفتيات اللواتي جمعهن القدر صدفة ، نحن رمز القوة و الكبرياء ، نحن من صدفتنا ستكون بداية لحكايتنا ، لكل منا حكاية و لغز مختلف ولا احد منا يتشابهة في شئ سوا العقدة ، العقدة التي تلازمنا منذ الصغر ، العقدة التي غيرت بنا الكثير و ستكشف الاكثر ، ولم...
