جميلتي المعقدة

الرابع والعشرون

تحدثت نادرة بجدية وعلي وجهها علامات الغضب من وتين وقالت : انا عايزة اعرف انتي بتعملي اي دلوقتي مع الي قتل اماليا

وتين : بحاول اعرف هيعمل اي الفترة الجاية وازاي يتنزل مصر علشان يتقبض علية

نظرت إليها بسخرية وقالت : وانتي لسة بتحاولي ويترا هتحاولي لأمتي

تحولت ملامح وجهها من الهدوء الي الغضب من نظراتها وسخريتها لحديثها وقالت : انا عارفة ازاي اماليا كانت غالية عندك بس هي كمان غالية عندي واة انا السبب في موتها بس مش انا الي قتلتها ولو كنت اعرف الي هيحصل مكنتش هعمل كدة لأنها عندي اغلا من اي حد وياريت تحسني طريقتك معايا يا نادرة انا مقدرة حزنك عليها بس دة ميسمحلكيش انك تعامليني كدة

تنهدت بضيق وقالت : مقصدش يا وتين بس انا عايزة حقها يتجاب وفي اسرع وقت ولو اقدر اساعدك في اي حاجة قوليلي وانا مش هتردد وهساعدك

ربتت علي يديها بخفة وابتسمت لها وقالت : اكيد يا نادرة وعيزاكي تثقي في اني هرجعلك حقها ماشي

اومأت إليها بهدوء وقالت : ماشي يا وتين عن اذنك انا همشي

وتين : نورتي يا نادرة

ابتسمت إليها ثم غادرت المنزل أما هي بالداخل دلفت الي غرفتها وظلت تبكي وهي تتذكرها وتشعر بالذنب مما حدث ولانة لأجلها

أما بالطابق العلوي دلف عمار الي غرفة والدتة وقال : لي يا ماما

نظرت آلية بغضب وقالت : انت بتسأل لي يا عمار وتين متمردة ومش بتسمع الكلام ومش اي حد يعرف يسيطر عليها وانت بنفسك شوفت دة وكمان انا خايفة عليك انت شوفت صحبتها ماتت محروقة بسببها اة غصب عنها وتشكر انها عايزة تجيب حقوق الناس بس شوفت النتيجة اي وانا مش عندي غيرك يا عمار ومش عندي استعداد اخسرك

جلس علي الفراش بحزن وقال : بس انا حبتها

تنهدت والدتة بضيق وجلست بجانبة وقالت : بكرة تحب غيرها يا حبيبي حاول تطلعها من دماغك

نظر إليها بحزن ثم ذهب إلي عملة

______________________________________

نظرت آلية بصدمة وقالت : مازن

احتضنها بقوة وعلي وجههة ابتسامة سعادة ويقول بأشتياق لشقيقتة الكبري : وحشتيني وحشتيني يا غالية

شددت من احتضانة لها وقالت بحنية واشتياق كالام الذي غادر طفلها الصغير وعاد بعد غياب طال لسنوات : وحشتني يا حبيبي كدة كدة تبعد عني كل دة وحشتني اوي انا مش هسيبك تمشي تاني خلاص تولع انت والكلية

ابتعدت عنها قليلا وضحك بخفة وقال : اولع انا يعني

ضمتة إليها مرة أخري وقالت : لاء يا حبيبي بعد الشر عليك