جميلتي المعقدة

الثاني عشر

نظرت لة بصدمة وقالت : اي الي انت قولتة دة

علي بأبتسامة : اي مش قولتي مفيش حاجة تربطني بيك علشان نتكلم وانا معجب بيكي يا نادرة اي المشكلة لما نعمل فترة خطوبة ونتعرف فيها علي بعض وانا فهمت كويس انك مش زي اي بنت انا عرفتها قبل كدة ودة الي شدني ليكي وانا بحس نفسي مرتاح معاكي وبحب اشوفك عاوزة اي تاني

ابتسمت بخجل وقالت : خلاص موافقة

علي بسعادة : بجد بجد يا نادرة طب اجي اتقدملك أمتي

نادرة : هكلم بابا واقولك

علي بغمزة : خلاص يبقي اديكي رقمي بقي

نادرة بضحك : ماشي يا علي

أما بالداخل كانت تنظر لو بغضب وهي ترأة ممسك بحقيبتها فقال بتوضيح : اماليا انا كنت بس عاوزة اشوف السلسلة لاني متأكد اني شوفتها قبل كدة

اماليا بغضب : فا تمسك شنطتي وتفتش فيها بدون اذني يا زين وبعدين حتي لو شوفت السلسلة قبل كدة اي المشكلة مهتم بالموضوع لي

زين : علشان دي مش زي اي سلسلة دي نفس السلسلة الي عملتها لاماليا وعطتهلها زمان يمكن في الاخر نكون اصلا احنا الأشخاص الي بندور عليها يا اماليا

أمسكت بحقيبتها ونظرت لة بغضب وقالت : زين دي مجرد أوهام في دماغك من اشتياقك لحبيبتك خصوصا انك بتقول اني شبهها جدا وانت بتتشعلق في اي حاجة ممكن توصلك ليها بس دة مش مبرر انك تعمل كده والظاهر كدة اني غلطانة لما وافقت أننا نبقي صحاب عن اذنك

قالت اخر حديثها وغادرت الكافية نظر لها بحزن وقال محدث نفسة : لي كدة يا اماليا لي بس

نظرت إلي الشاطئ رأت صديقتها فقالت بصوت عال : نادرة يلا

نظرت لها بأستغراب وقالت : طب عن اذنك يا علي

اومأ لها بهدوء وذهبت إليها وعلي وجهها علامات الاستغراب وتقول : انتي متأخرتيش يعني في اي

اماليا بحدة : مفيش يلا علشان نروح

نادرة بتسأل : في حاجة حصلت

اماليا : بعدين يا نادرة بعدين

اومأت لها بتفهم وذهبت اماليا الي منزلها وهي تفكر فيما حدث وذهبت نادرة الي منزلها

ذهب علي داخل الكافية وقال بأستغراب : في اي يا زين مالها اماليا

زين بحزن : مشيت خلاص ومش هشوفها تاني

علي : طب شوفت السلسلة

زين : اة لمحتها كدة بس انا متأكد أن دي نفس السلسلة الي عطتها لاماليا

علي بصدمة : بتهزر يعني الي انت بتدور عليها طول السنين دي معاك وانت مش عارف

زين : ممكن لي لاء خصوصا أن الدليل الوحيد اني اعرف دي اماليا ولا لاء هي السلسلة