لُيَتنيَ لُم آحٍبہ

part 12

فرح
جانت مريم غريبة تصرفاتهه وكل شي بيهه
كضت طول العزيمه يم يسره (اخت مريم)

بس اصلا ما اهتميت وكملت فرحتي بعيد عنه لان ادري ان هيه تحب محمد وأني احبه ف مالي خلك احاجيهه

كضينه اني ومحمد اليوم كله سوا بس ضميري مانبني
.
.
.
.

الكاتبه: طبعا اذا طلع عندج ضمير شنو هاي تنرفزتتتتتت

.
.
.
.

فرح
بس لما حاجاني محمد نسيت اسمي كعدنه وحجينه لحد ما خلص راح محمد ويه اهله

واتفقنه نضل نتواصل

.
.
.
.
للمعلومه بيت محمد وفرح واحد كبال الثاني وبيت مريم بنهاية الفرع
.
.
.
.

وتكولون شلون يتواصلون وجان زمن مو تطور  وهمه ب2011 اني اكلكم

فرح
جان كل ما يطلع يطيح رساله من سور بيتنه ورا اني اخذها واحط بنفس المكان

وتكولون شلون محد عرف لان المكان يعني محد يجي اله ف احنه فرحانين بالسالفه

فرح :

مره برمضان كالعاده اخذت الرساله وجاي اقراها وامي جرت الرساله

وقرتها يي قرتها امي شوي عصبيه ف ضلت تصيح كبل واني من الخرعه كلت هاي مال مريم انطتني ياها علمود اخوانها ما يشوفونها

لان اهلها متشددين كلش
.
.
.
.
.

مريم: جنت جاي اطبخ للفطور واجت عمتي ام فرح تركض وراوت اهلي الرساله و اني 
ما جنت ادري شنو

وراها حسيت بابوي كضني من شعري

وبده يضربني واني ما فاهمه شي و كضني من ايدي وطلعني بره اني ما لابسه حجاب ولا نقاب ولا اي شي

جنت بس اكول يا رب استرني بس جنت لابسه ملابس بيهم كبوس ف غطيت شعري

وجنت ابجي وادك الباب 

اني ما مسويه شي وكلش حن كلبهم ذبوني بالسطح وجانت اكو غرفه صغير هناك وجنت وحدي

وراها بيوم اجت فرح وجنت اشكيلهه وابجي واني مفاهمه شي

وكلتلي كل شي من الصدمه بعدت عنهه و جانت تحاجيني واني لابسته لان مصدومه

جسمي الي صاير بنفسجي من الكدمات بسببه وكل شي

توقعت من الكل الا هيه والله اني بعمري ما حاجيت ولد غير محمد

مر 5 أيام ورمضان وحر و فرح توديلي اكل بس ما اكل اي شي غير اشرب ماي

لحد ما عمامي قنعو ابوي ونزلت بس ندمت على اليوم الي ولدت بي جانت حياتي عباره عن ضرب وشتايم و الى ما لا نهايه

بس كلت هاي صديقتي وما افضحهه ف كلت اني انضرب وتعودت هي لا

جنت احاول ابعد كل هاي المشاهد عن يسره بس ما اكدرت