لُيَتنيَ لُم آحٍبہ

part 10

حسيت بانكسار عضيم بس سكتت اني شريد اكول

بس وهمت روحي وكلت اصلا احنا محجوزين لسوا ف برد كلبي شوي

وطول الحفلة فرح تباوعلي بنضرات غريبه

احنا النا 19 سنه سوا بس اول مره هيج تحقد علي وما ادري ليش

.
.
.
.

فرح:

جان يوم عن يوم تعلقي ب محمد يزيد وهوه بعد يعني بوكتها اخذ رقمي وضلينا نحجي
ليل مع نهار

صار حياتي صار اكثر شي احبه بحياتي لدرجه جنت افضله على امي وابوي

جان يومي كله محمد يعني ما اعيش اذا ما احجي ويا

.
.
.
.
.

محمد:

جنت احبهه حيل و وعدتهه ما اتزوج مريم لان هي طلبتني وحلفتلهه بحياه اهلي

جانت خايفه ان نتزوج اني ومريم لان ما تريد تخرب صداقتهن

جانت الختام مال محادثتنه اخلفلهه ما اتزوج مريم

الكاتبه: احس فرح انانيه بزياده حركتلي كلبي يعني شنو هل صداقه التافهه يعني المشكله فرح تعرف انو مريم ما تعيش
بدون محمد وحاطه املهه بي شنو هل
انانيه البارت غثني بزياده الله لا يسامح
فرح ومحمد على الي سوو ب مريم

المهم بعدين تعرفون شسووا ادعموني علمود انزل بسرعه

نكمل

.
.
.
.

مريم: بهاي الفتره تعبت نفسيتي كلش لان اتعرض لضرب من اخواني و اختي لازم احميهه وما اخليهم يضربوها

وضغط الجامعه و اهلي ما يقبلون ينطوني فلوس اشتري ملازم

يكولون جذابه بس تردين تاخذين فلوس واني وحق الي خلق ادم اريدهم للدراسه

مرو ايام سوده على مريم

وبنفس الأيام جانت حلوه على فرح ومحمد

فرح نست حتى تحجي وياي انكلبت علي من يوم ما اجه محمد شنو شصار ما ادري

مريم:

وبيوم من الأيام جان اكو عزيمه كالعاده

ف قررت اعترف لمحمد كضيت الاسبوع اجهز كلام

واجه اليوم و ليت ما اجه

وكالعادة اجتمعنه ببيت عمي ابو فرح ف شفت محمد بالحديقه مال بيت اجيت
اني ونقابي

مريم: محمد

محمد: ها

مريم: شونك

محمد: تمام وانتي

مريم: الحمد لله اجيت اكلك شي

محمد: ايي كولي

مريم: اني احبك واني احبك من الطفوله وجنت حاطه املي بيك و اني ولا مره اعتبرتك اخ اني جنت اعتبرك حبيب
حتى من جنت صغيره و اني انتضرك
سنوات

توقعت مثل المسلسلات ويطلع يحبني بس جان مصدوم اني توقعت رردت فعل غير ليش هيج صارت

جان يكلي مريم اني اعتبرج اخت لا اكثر وراح خلاني مصنمه مكاني

ضلن دموعي ينزلن و ما ادري شسوي طب و احلامي الي بنيتهم الي سنوات وجنت متحمسه الهم و الاوهام معقول مشاعري جانت من طرفي بس من الصدمه اغمى علي

.
.
.
.

فتحت عيوني جنت بالمستشفى والدكتور يكول ضغطها مرتفع بسلا تخافون

توقعت الاغماء يمر على خير بي مستحيل

نكمل

رجعنا لبيت عمي ابو فرح وضليت اباوع على محمد

جان واكف وراها طلعت فرح بس الي صار سببلي صدمه ....